📍餃掂手工餃子雲吞專門店 (中環)
中環威靈頓街55號地下
-----
前兩日係屋企自製餃子皮失敗左🥟，所以假日就黎左呢間我一直都好中意嘅餃子店食餃，諗住偷下師😎下次再整過🤣。呢間餃掂係香港一共有五間分店，而中環呢間就係佢地嘅新分店！平日中午次次路過都大排長龍，怕排隊的話，晚餐時段或假日再黎會係較好嘅選擇😙。
-
#四川涼皮（$32）呢款涼皮係佢地嘅新產品，✨晶凝通透嘅涼皮浸泡係自家製四川魚露辣汁入面，拌上花生碎一同放入口，味道香口且質感順滑，帶微辣卻不嗆喉。但整體黎講，B仔個人依然較愛以往每次黎到都必叫嘅😋四川涼麵，中意佢帶🍳蛋香嘅麵條同彈牙嘅面質。
-
#龍鳳松茸餃配狀元九鼎湯🐉（$86）龍鳳係指黑松露和白松露，雖然兩種餃嘅味道相差無幾，但卻同樣地美味。🥟餃子皮薄得黎帶微微嚼勁，肉餡鮮嫩多汁，加埋松露自帶嘅香味，食落有種此餃只應天人有嘅幸福感🤤。將餃子放於自家製無味精嘅狀元九鼎湯內輕輕一浸，會令餃子更濕潤之餘，更多了一分獨特嘅花生🥜香。
-
#自家製山楂雪梨水🍐（$20）以山楂片、甘草、雪梨、冰糖同麥芽煲製，雖然材料並唔複雜，但卻係足料之作，飲落清甜生津。
-
#蜜餞雞翼🐥（$32-5隻）甜滋滋嘅蜜餞雞翼，美味程度直逼譚仔三哥嘅招牌土匪雞翼，雖然兩種雞翼製法同味道都截然不同，卻有異曲同工嘅美味，令人難以忘懷。
-
✨桌上有自家製酸蘿蔔任食，味道開胃解膩，值得一試
-----
👶🏻B仔整體評價：8.1/10個👍🏻
👶🏻B仔抵食程度：7.5/10個👍🏻
👶🏻B仔環境評分：7.5/10個👍🏻
👶🏻B仔味道評分：9/10個👍🏻
👶🏻B仔回頭機會：8.5/10個👍🏻
-----
#swallowhongkong
跟住我一齊吞食香港啦！🤤
#swallowcentral
