尋找西西的故事🌚🏃♂️
話說早排有朋友仔喺Group度呻上星期日遇到位無理乞客，由本身2個人嘅枱變法到6個人前後腳嚟Join，自把自為拉櫈加人，影響其他客人不特只，人哋講安排唔到，兩位男士仲兇9人，最後仲打埋上食環玩嘢。而好幸運地朋友仔錄影到其中一位人兄打緊畀食環時威風淋淋嘅面貌，啤人又啤得幾有型喎！仲好似想華麗轉身跳返啪舞咁款！☺️（影片同額外相片在留言）
原文如下：
『内文有點長！上星期日，有位阿巫帶咗個孫女（相中紅色）嚟拎2個位，我同事就畀2個位枱佢啦。食食下有位白衫男人(男主角）帶埋一個小朋友（相中黃衫小朋友）嚟搵阿巫，問都唔問就自己搵櫈加位坐。其實我地門口白紙黑字寫明人齊先可入座，入座後無得加位。我同事就走去同佢哋講唔可以加人，講完一輪，佢哋都唔太合作。我就同佢哋講一人讓一步，小孩就算，大人真係加唔到。結果白衫男就攞一位飛，去坐另一張枱。
以為咁樣就完結啦🤔🤔～點知 ，我聽到個阿巫仲喺度叫緊人嚟😡😡😡。 我就客客氣氣提示阿巫：唔好意思呀太太，真係冇得再加位㗎啦，請你唔好再叫人嚟啦 。跟住佢就話佢自己冇叫人嚟囉。
但轉個頭又有一個男人帶住個小朋友入嚟， 又係講都唔講拉張凳過嚟就諗住坐 。我就再同佢講真係唔得 。佢真係阻到人，隔離嗰個女仔已經勁不滿。結果我同佢講緊道理嗰陣時 ，佢兩個仔（之前白色衫同新嚟嗰位）走埋嚟兇我 。
之後白衫廢物因為我哋話唔得 ，佢就話我哋態度好差，我自問真係冇好惡，亦無鬧過佢哋 。白色廢物又話要send email去公司投訴我 ，我同佢講你鍾意點投訴都得 。跟住佢深深不忿 ，竟然打電話去食環署投訴我哋態度差，人哋食環署話態度差唔關佢地事 ，佢就投訴我哋衛生環境差，食環署話要 weekday先跟進 ，星期日只會做緊急食物投訴。佢就改口話係我地舖叫咗牛肉球， 啲牛肉球有問題，所以要佢哋即刻出動 ！好在我有keep起佢哋張單， 佢根本就冇叫過牛肉球 ，無食過又點會知道牛肉球有問題呢？？食環處嘅主任都知佢係玩嘢！！
😡😡 一個不知所謂嘅男人， 一家不知所謂嘅客人！！仲要係3個小朋友面前屈人！！』
👱♀️Mary：即係一個男人就死死氣淆晒青，多多個兄弟嚟就可以壯膽搞事兇9人啦喎。其實阿白衫哥哥，見到你逃避鏡頭都幾敏捷呀，下次不如試下屈喺枱底或者櫈底食咪得囉。你老母拎2人枱真係好難變張6人枱畀你嫁嘛。就算你唔當啲小朋友係人，都多一個大人呀。一係襯你大哥喺度，你有勇氣啦！不如同你老兄合體！重回母體。咁得返你老母同3個小朋友，小朋友又唔L當係人嘅話！依～咁你老母以後拎一個位就得啦！既方便又快捷。😉
#小朋友又可以擺入locker
#其實淨係識加減乘除都無L用
#要教埋用腦用眼數人頭
#數幾多個人嚟食飯真係一門好深嘅學問
#因為你唔知邊L個可以稱為人
#有時菲傭BB仔小朋友全部都唔L係人嚟㗎
#但仆你個街袋有機會係人嚟因為要坐位㗎屌
#食環姐姐星期日畀人玩L咗
#有無可能食環唔捉阿婆走去捉呢班報假案嘅仆街填數呢？
#已得到攝影師同意分享經典影片及照片
#成日畀客圖文並茂屌得多
#今次圖文並茂屌返個客
#朋友仔真係好有吉屎
