電話響，飛身撲去聽電話～
我:喂～乜乜診所
對方電話背景極嘈雜:喂？喂？喂？診所呀！我要配藥呀))))))
我:你俾你覆診號碼我呀～
佢:喂？你講乜呀？我聽唔到你講嘢呀)))
我親吻電話:我話你俾你覆診號碼我))
佢:好嘈呀！聽唔到呀！我要配藥呀))))
我:你不如去個靜啲嘅地方先打嚟呀～
佢:我聽唔到你講乜呀大聲啲呀))我配返上次啲藥呀！
我:你俾你個number我先啦…
佢:喂？喂？喂？
我細細聲:我哋再講落去都冇意思啦，分手啦，有緣嘅你搵個清幽啲嘅地方先再聯絡我啦…
我終於cut咗佢線…
大家姐問我:乜事呀？
我:冇～我要同佢say goodbye啫，佢嗰邊太嘈聽唔到我講嘢…
大家姐:哦…
電話再響起，大家姐飛身撲去…
大家姐好大聲:喂？你打緊仗呀？你斷氣未呀？未斷氣就爬返出去先好再打嚟呀)))))))
電話再再響起，今次配藥成功啦…(掌聲鼓勵)
#我感覺自己是零 #冇咗你我就一事無成 #順風順水的日子太短暫 #我有啲掛住你
