究竟香港護士點解咁忙？ 我要寫清楚俾大家睇點解（隨便share，俾覺得護士人工高仲咁嘮嘈嘅🇭🇰市民睇下都好）
1. 🇭🇰國際比例一個護士對六個病人，而香港護士就日頭一個抽十幾個（sorry我試過20+），夜晚就20個是常識啦。
🇦🇺我而家呢度一對四，夜晚一對六。
2. 🇭🇰香港護士每日都會死check爛check啲檢查（例如CT X-ray MRI Ultrasound）做咗未，未做就要捽radiology 問幾時有得做，做完就喪check有報告未因為要call醫生睇，以防漏咗俾醫生/ic追究。 🇦🇺呢一切都係醫生做，因為想最快做完檢查最快睇到報告嘅係醫生。
3. 🇭🇰香港護士嘅routine 仲包埋screen海量抽血報告，因為住緊院嘅出咗院嘅result都係會送上病房，當然要包埋inform醫生兼R佢哋俾treatment啦🙄。
🇦🇺醫生會主動做，護士唔駛操心㗎。都係嗰句，最想睇報告知點樣醫病嘅係醫生嘛。
4. 🇭🇰病人出院轉院香港護士要book覆診期，如果覆診前抽血要出抽血紙，另外要幫行動不便嘅病人book 非緊急救護車，為咗最快送到病人出院，呢啲好多時都係護士做。 🇦🇺文員會book車，醫生會book覆診期同order抽血。
5. 🇭🇰病人嘅出院藥，香港護士要續隻續隻對，如果同之前食開嘅有改動，你要教病人+屋企人/老人院職員點食法。另外仲要數夠藥，以防佢哋唔夠藥食。
🇦🇺呢邊每個病房都有駐場藥劑師，專責處理病人嘅藥物問題。
6. 🇭🇰如果病人情況轉差，call醫生，俾treatment，急救，全部都係病房護士一腳踢做哂，無額外嘅人手會幫你 🇦🇺呢度有一隊on call嘅medical emergency team，有icu醫生護士嚟幫手。如果有人死緊頭，亦可以call code blue，會有埋ccu醫生嚟急救。
香港護士其實真係做埋醫生/文員/藥劑師嗰份，仲未計量維生指數，派咁多病人嘅藥，密切觀察情況唔穩定病人（icu成日都triage out case)，探病時間要同病人屋企人update，聽無窮無盡嘅電話，同allied health 溝通，帶病人去廁所/換片，插尿喉胃喉，仲要返地獄更期。
唔講喇，總之，香港護士堅係好能忙，堅係被過度消費，堅係大壓力，堅係值得大家俾多啲尊重。
又，🇦🇺護士其實唔係唔忙，只係做嘅嘢唔一樣，睇我行幾多步就知啦。
想睇就俾個like😌😌下次再講！
