【 #跟住卡通學愛情：一個人、某件小事都係專屬你嘅火花】
如果有日突然有人問你：「你人生嘅意義係咩？」
.
呢啲咁深奧嘅問題，相信唔少人都即刻打咗個凸，eh...eh係咪要答啲好偉大嘅目標㗎？或者好似小編咁直頭啞咗：死啦，我個人好似有啲廢青，我自己都唔知自己想點啵.......
.
如果你同小編一樣咁Lost，Pixar嘅《靈魂奇遇記》或者可以畀到一啲答案你。因為佢想講嘅，正正係非常神秘嘅一個主題 - 靈魂。
原來每個靈魂係生而為人之前，都要先搵到屬於自己嘅「火花」，類似等如驅動你人生嘅動力。而故事嘅主人公「22號靈魂仔」就好似我同你咁，一直搵唔到自己特別鍾意啲咩、有咩目標，於是非常厭世咁唔想去投胎。
「人間會扼殺一個人嘅靈魂，我已經睇穿晒。」
「我無天賦、無夢想、對咩都無興趣，唔配做人！」
.
睇到呢度，就發覺22號原來都幾似自己，特別係無目標呢個方面，真是同大家一樣咁廢...... 直到阿Joe帶佢去人間行咗轉，佢先發覺自己默默咁鍾意咗街角間好食嘅Pizza、地鐵有人busking嘅聲音、有個朋友喺我緊張嘅時候畀咗粒珍寶珠我，我到而家仲袋住喺袋㗎！
.
22號：「或者鍾意望天可以成為我粒火花，或者行路呢？我可以行得好快，我覺得我開始慢慢鍾意呢度......」
然後呢啲諗法即刻畀阿Joe Ban咗，因為呢啲好似唔係一個目標，只係平凡嘅人生。不過偏偏就係呢份開始鍾意自己生活嘅熱情，成為咗22號最後嘅一格火花，令佢呢個靈魂終於成功投胎成人。
.
直到套戲接近尾聲嗰刻大家先明，原來所謂「火花」，唔一定係一個偉大目標、唔一定係一樣你好叻嘅興趣。所謂「火花」，只係你決定要好好生活、想生而為人嘅一種感覺，而呢件事係無論大小，就算只係因為鍾意食Pizza、一首好歌而熱愛生活，佢都足以成為你靈魂嘅火花。
.
終究，其實係我哋令人生意義變得複雜。平凡如你我，每日都因為搵唔到目標、實現唔到夢想不停掙扎，但就唔記得咗去鍾意而家嘅生活。希望厭世如22號，積極如阿Joe，都可以遇到並珍惜生命中嘅「好」，哪怕佢只係一塊菠蘿Pizza。
.
強烈建議：未睇真係要Tag人一齊去睇了，同埋記得帶紙巾～～
.
#靈魂奇遇記 #soul #pixar #電影 #靈魂急轉彎 #仲喊得勁過睇insideout #點搞 #影評 #香港 #金句 #戀愛 #語錄 #情侶 #愛情 #愛情語錄 #拍拖 #拍拖活動 #迪士尼 #睇戲 #電影金句 #22號
.
即like 港式情侶 HKstyleCouple 緊貼更多港式愛情生活資訊❤️！
IG : https://instagram.com/hkstylecouple
歡迎Dm投稿戀愛趣事，我哋等緊你㗎😙！ 顯示較少內容 顯示較少內容
靈魂奇遇記 影評 在 靈魂奇遇記香港-在PTT/MOBILE01上汽車保養配件評價分析 的八卦
靈魂奇遇記 (Soul)戲院上映場次、預告及影評。迪士尼與彼思繼《玩轉腦朋友》、《玩轉極樂園》又一原創新作，金像導演彼德托達 ... ... <看更多>