【成班男人一齊氹女，係一種浪漫】
我同一班兄弟有個「小男人」WhatsApp Group。
除咗傾波講女，仲有一個重大用途⋯⋯
「唉，我又激嬲咗條女喇！」
每次有人發出呢個緊急求救訊號，Group內每個人都會即刻出謀獻策：「不如拍片氹返佢啦！」、「求其買對耳環咪得囉！」、「X！又嬲，你條女咁煩，分手好過啦！」、「喂，難得你Free，不如打機啦，女呢啲遲啲氹啦！」
成班人吹完一大輪水，先肯認真分析，一齊分工合作，誓要幫兄弟氹番女友。
呢班人係我大學宿舍嘅朋友。
曾經試過一齊喺情人節，成班麻甩佬整朱古力；曾經試過呃對方女友某某喺房暈低，佢一打開門，見到某某著晒西裝，身前放一部電子琴，自彈自唱《童話》。
試過有人失戀，成班人去安慰佢，其實主要係想去食晒佢房啲零食，最後拍拍膊頭講句「帽事嘅」，再摔晒啲芝士圈碎落佢張床，成班人就走咗去，完全冇作用⋯⋯
點解會話成班都係「小男人」？因為個個喺Group講到平時點樣霸氣對女友，女人如衣服咁口口聲聲話分手，但真係分手就喊到豬頭；應承咗女友要早瞓就機都唔敢打，仲話「畀條女知道就死梗喇！」。
呸！小小事都驚！成班女友奴！垃圾！（包括我⋯⋯）
人大咗，成班人都已經成長，青春已成回憶，圍繞我哋嘅問題由「打機」、「踩車食宵夜」變成「喂，幾時買樓結婚？」
已經唔會再一齊氹女，已經唔會再一齊通頂，而「近況」都係成個月先喺Group吹幾句水先會知。
的確會好懷念過去，但聚舊都只能夠聚一聚，永遠都能夠回到過去。或者，面對人與人生疏嘅無力感，我哋要學識，其實冇消息，都係一個好消息。
暗暗支持，希望每個人一切安好。
(PS: 睇完記得撳個Like呀！唔係FB會以為你唔想再睇文，以後我就會「被過濾」，唔會再出現了。)
------------------------
喜歡的話like我的page，會有更多故事及散文
FB: 莎比亞
*** 八卦先好ADD嘅私人FB AC: sapeiar ***
Follow IG睇獨家相: sapeiar
電子琴自彈自唱 在 #239 《想見你》自彈自唱！神器輔助2分鐘就能學會？ 嘎老師 ... 的八卦
我這個人很念舊～覺得好用的東西就會一直用 目前的 電子琴 已經用超過3年了... 竟然用到停產！尋尋覓覓好久 終於找到功能齊全、價格美麗的新歡 ... ... <看更多>