#在日落前交換日記
0507《廣告祭唔制》
傢俬品牌推出豆腐雪糕，廣告slogan如下「只要你鍾意隨時都可以嚟食我豆腐，豆腐花味新地筒。」被指控「水唔係咁抽、簡直係侮辱女性、低俗到不得了。」而我唔太記得大家曾幾何時有幾高尚過，你講唔講得出一個廣告因爲idea好高尚，而被你記得，並視之為精神食糧？問題二，請諗一諗每日都以低俗或粗口或侮辱女性為賣點嘅網媒點解可以撈到咁耐，然後再推算一下本地嘅觀眾群鐘意啲乜，咁你仲要求啲咩？
老實，與其話個廣告低俗，不如話佢唔好笑。又或者諗呢個廣告出嚟嘅人根本就冇諗過需唔需要好好笑，佢係一個傢俬品牌，唔係一個雪糕品牌，其實唔suppose花咁多力氣喺一個雪糕嘅廣告上面？佢裏面有餐廳，都純粹係為咗滿足我地呢一班屎忽痕香港人，外國就話老蓮咁遠先有一間ikea，唯有係入邊搞埋餐廳，等啲人可以Spend一日喺呢個地方啫，但係呢度係香港，基本上你一離開間鋪，就已經係餐廳，我哋入去食嘢，其實原因會唔會唔係因為嗰度啲嘢真係好好食，而係因為我哋太冇節目，所以先會想入一間傢俬舖開餐。再諗一諗會唔會其實你衝出嚟話個廣告係侮辱女性，都係因為你太冇節目？又太唔識去搵啱睇嘅節目。
真正侮辱女性嘅節目你唔會去睇，所以你唔會去批判，而同你近啲嘅世界一旦同你幻想有少少出入，你都好怕要去面對，但係其實無人有責任去圍住你嘅世界轉，如果你想你見到嘅每樣嘢都啱你心水，請你努力少少去建立你自己嘅世界，咪撚淨係喺度怨。
檸
雪糕品牌 在 【標奇立異】蝕本雪糕品牌靠奇怪YouTube片翻身，年賺百萬 ... 的八卦
今時今日做生意，除了靠實力，還需要標奇立異？來自美國費城的Pete Angevine，2011年向親友借了約15萬美元（下同，約117萬港元），創立雪糕品牌Little ... ... <看更多>