離咗婚的八卦，Yahoo名人娛樂都在討論

90年代四大天王紅爆大中華，係好多少女嘅夢中情人。廿幾年後，四個都結過婚喇。（可惜老黎離咗婚）

今時今日，大家又最鍾意邊個？有唱歌最好聽嘅學友，最有深度嘅黎明，最勤力嘅華仔，最靚樣嘅城城…… 我揀老黎！

遊行集會持續接近四個月，琴日更有中五學生被實彈射穿肺部。愁雲慘霧嘅香港，一班港台藝人喺微博熱烈慶祝十一，名單眾多，包括成龍、王祖藍、林憶蓮、莫文蔚、楊千嬅、容祖兒、佘詩曼、謝霆鋒、李克勤、彭于晏、張衛健、肥媽、古巨基、關智斌、李施嬅、阿嬌、阿漿、胡杏兒、楊怡…… 等等

消息傳出，港網民負評如潮，當中網民反應最激烈要數阿 Sa 同張敬軒，事關除咗微博，阿 Sa 將祝賀字句放埋上 IG，寫住：「One day off」「Happy National Day」，被超過二千個留言狠批，更有不少忠粉表示「好失望」「今日唔係值得開心嘅一日」「中槍喎」

寫上「祝福祖國生日快樂！」嘅張敬軒，IG 被近五千個留言狂轟，軒仔承認自己「抵D（Diu）」「D得好」，又通宵回覆一班失望粉絲嘅負評：「我簡直係個仆街。」「多謝你曾經支持，足矣。」「你要帶眼識人，尤其係我呢啲咁嘅藝人，咁嘅人唱埋啲咁嘅歌，再聽都係嘥時間。」等等，仲講到無心情做 11 月演唱會，回應眾多不能盡錄，更被指串爆粉絲，話會回收唔想再睇演唱會嘅粉絲張飛，被指令人失望。

而家嘅香港，要討好兩面做世界仔世界女已經好難，因為世界已經變咗亂世。喺香港人傷心嘅時候補刀，令大家失望，諗起杜汶澤之前有個訪問講：「香港人大多對娛樂圈有個迷信，希望公眾人物替他們發聲，但這是期望太大，大部份藝人情緒混亂、社會意識低的一群人，別想讓他們幫你什麼，不少人只知道法拉利出了甚麼新款式而已！」有啲藝人社會意識低，或者思緒混亂想討好每面，或者公司無乜 awareness，擺藝人上枱硬食，咁你對佢地嘅期望就會落空。（如有的話）

所以，好 appreciate 有好多繼續發聲嘅藝人，但唔會比太大期望去每個藝人度，FF 佢地點樣發聲。事實上，香港有好多好多好多好多好多人出緊力，將期望擺喺正確嘅地方上啦。

#利申 #離咗婚 #彭太NoMore #無做黃面婆了
#撐嘅繼續撐 #離開嘅離開 #粉絲有自由 #尊重粉絲每一個決定
#有好多fans好傷心 #心痛大家 #香港人繼續加油

【盡量撲滅拜年過度歡樂氣氛之應對例子】

姨媽：「拍拖未呀？」
「冇拍拖，但有SP。」

姑姐：「結婚未呀？」
「啱啱離咗婚(含淚)。」

舅母：「生仔未呀？」
「(除低口罩)咳咳咳咳咳咳」

歡迎提供其他實用技巧。

＝＝＝＝＝＝＝＝＝＝＝＝＝＝
www.Lam1Hey.com
YouTube：Lam1Hey
Facebook：Lam1Hey
Instagram：Lam1Hey
Telegram：Lam1Hey
＝＝＝＝＝＝＝＝＝＝＝＝

第76創業知識《哈佛分享：「搵錢、結婚、生仔」點算好？》

我相信好多阿媽都同阿仔講， 大個咗要搵到錢，大個咗要結婚，大個咗要生小朋友建立家庭。 咁樣才會有開心嘅人生。佢哋講得啱唔啱呢？ 

根據哈佛心理學教授Daniel Gilbert 指出，答案在影片裏....

......................

全文：


而家喺星加坡同我老婆同三個女，趁開學前放下放假。 我相信冇人會反對人生其中一個最開心嘅時候就係同屋企人放假去旅行嘅時候。


包括我在內，我相信好多阿媽都同阿仔講， 大個咗要搵到錢，大個咗要結婚，大個咗要生小朋友建立家庭。 即是唔係咁講，都肯定唔會講大個仔要窮，記住成世要孤單一個人，唔好結婚同有仔女，種下禍根。 


咁其實我阿媽、同你阿媽講嘅嘢啱唔啱呢？ 有冇科學根據？ 錢能唔能夠買到快樂？ 結咗婚係咪真係會開心啲？ 生咗仔女咁又點呢？ 根據哈佛心理學教授 Daniel Gilbert 過去30年嘅研究， 佢話阿媽以上三大智慧係啱啲唔啱啲。 而家同你逐一講講。


今個月我剛剛就去咗佢喺哈佛講Happiness 嘅一課， 循例我好鍾意坐第一行，佢無話唔俾影，個個學生喺咁影相，我又唔係學者，我只係一個專賣鋪嘅生意佬都同你分享下我學咗啲乜。


第一：阿媽話，大個仔要搵到錢。 咁錢係咪越多，會令你越開心呢？ 答案，yes! 真係，越多就越開心。 Never go back down. 邊個扮清高，話錢買唔到happiness係錯晒。 有錢人就係開心過窮人。不過根據哈佛教授Daniel Gilbert 指出， 錢喺大約去道每年六萬蚊美金嘅收入， 即係每個月三萬九千蚊港幣，你就大約已經買到95%嘅happiness。 諗真啲，每個月三萬九千蚊港幣，其實真係唔係太多。 當然世界每個地方嘅生活水平唔同， 但個idea 就係如果你要再開心啲，更加多嘅收入其實如果你同樣嘅洗法都只係畀多你人生5%嘅開心。 


咁點樣洗法先能夠更加開心呢？1. 買多啲經歷，買少啲嘢。 因為經歷，例如去旅行，每個人係獨特嘅，無得比較。 但如果你買咗架法拉利，見到側邊嗰人揸住架林寶堅尼， 你就覺得點解佢架車仲靚過你。2. 洗多啲喺人哋身上，洗少啲喺自己度。 點解有錢佬好鍾意捐錢， 因為幫人都係一種滿足感。3. 放多啲錢係關係上， 有人同你分享，遠遠開心過自己一個獨食。 信不信由你，我幫到個租客做生意，我都真係好開心。 佢賺多一萬，遠遠開心過我自己袋晒。


Breakdown 呢，睇下呢個chart, 開心嘅程度, work 工作, commute 即係揸車搭車去上班嘅時間，TV 電視就係咁開心。 好多人話有錢之後就攤喺度乜都唔做， 但其實嘆喺度開心嘅程度，同work 都差唔多。 咁乜嘢係最開心呢？ 教授話係 talk and sex. 你明啦，我諗唔使翻譯。 佢話，所以如果你有錢嘅話唔應該休息多啲，係應該多啲 talk while having sex.  真係佢話㗎，今晚試試。


第二， 結咗婚係咪真係開心啲呢？ 呢個我有些少利益衝突，即使唔係，我都唔可以講大聲。 但研究指出，答案又真係，係喎。 過去嘅50年嘅研究指出，結咗婚嘅人就係開心過未結婚嘅人。再細緻啲睇，結咗婚嘅人就係開心過cohabiting 同居嘅人，同 single 嘅人。 離咗婚 divorced 或者 separated 分開咗嘅就最唔開心。 


但結唔結婚，隨著歲數都好影響開心程度。 佢哋全部都係二三十歲嘅時候最開心 ，去到四五十歲就中年危機，七八十歲嘅時候又回覆童真。 但留意喎，四五十歲未結婚嘅人係最唔開心， 因為一世人入面唔知最終結唔結到。 去到六七八十歲呢就認命，開心返啦。


但記住喎， 以上嘅圖雖然結咗婚嘅人係開心啲。 你要搞清楚，係因為佢結婚而開心，定係因為佢本身係個開心嘅人而吸引多啲人想同佢結婚呢？ Correlation （相關）唔等於 Causation （因果關係）。 教授話你要搞清楚個關係喎，佢都未有答案。


佢只係知道結咗婚嘅人，都唔係all the way 開心㗎喎。 結婚之後嗰一兩年係最甜蜜嘅， 之後就一般啦。 我結咗婚13年啦， 都細細聲同你講唔會相差太遠。 但離婚呢？ 男人？ 離婚前一年就最悲哀，之後就一支箭咁標上去。 女人就反而比較平穩啲喎。 我諗男人最明點解啦！ 


第三， 睇完錢同老婆，睇下生仔女啦。 Kids are pain in the ass, 我諗好多父母都會贊成。 原來阿媽話結婚一定要生仔女先至開心，呢個係錯㗎喎。 唔怪得知，我最開心嘅旅行，通常都係同我老婆兩個人去嘅旅行。


教授Daniel Gilbert 話non parents, 一般係開心過parents, 更開心過 parents with minor children. 即係有細個嘅小朋友，即係我呢啲，係最唔開心。佢話研究數據指出，小朋友出世頭幾年係會令你越嚟越唔開心。 諗真啲，又啱喎。 啱啱出嚟嘅時候，成嚿飯咁，同佢玩乜都得。 篤下佢，彈下佢，no problem 。之後又要playgroup, 又要諗幼稚園，又要諗小一入學，真係想死。 我最近先至成日煩緊我細女要去小一入學面試。 小一入學嘅壓力係遠遠大過自己去大學或者求職面試。 當年見傑青個panel 我都冇咁大壓力。


數據指出作為父母，開心嘅程度，talking with friends 係最開心，eating 第二，grocery shopping 超市買餸第三，doing housework 做家務第四，咁being with children 同細路一齊呢？ 只係高過做家務少少。


全世界嚟講， world average 都係無細路係開心過有細路.... Just by 少少。 結咗婚嘅就好啲， 但整體上都係無細路開心少少。 如果你係單身single 嘅，你就更加唔開心。Divorced 離咗婚嘅， 係最唔開心。 因為大家都明白，離婚最難搞嘅就係仔女。 反而widowed 寡婦/寡佬就遠遠最開心， 因為始終老公或者老婆走咗之後，仔女可能就係佢哋唯一嘅伴。


雖然全世界整體上都係無細路開心過有細路，但每個國家都有所唔同。美國呢就係比全世界好啲，Montenegro 又名黑山共和國就係最好， Macedonia 馬其頓就係最差。 香港我就無數據，我估應該好啲嘅，始終有工人姐姐幫手。 但一講起小一入學，我諗個個父母就會話我哋同Macedonia 差唔多。


總結，點都好，有細路係開心嘅，不過唔好為佢哋而煩惱太多， 我成日同我老婆講 number one rule of parenting: Relax!  


結婚？ 好吖，only if you find the one you love and he or she loves you too。Love 唔到like 喎。 Like 喜歡係想得到，love 愛就要付出。唔好為結而結。


最後，錢可以令你開心啲，但如果你能夠買多啲經歷，洗多啲喺人哋身上，同埋建立關係上面呢，你會更加開心。教授話 try to talk during doodoo 係最開心，今後搵錢、結婚、生仔、點算好，你懂啦！

一個好爸爸 ( 高松傑 Jacky Ko )

唱歌 :世上只有爸爸好

唔知大家有冇睇過一部電影叫"一個好爸爸"呢?

裡面既主角表面上雖然係一個黑社會大佬，但係佢喺背後為左女兒既改變同付出 , 喺佢女兒心目中憾稱一個絕世好爸。

"好爸爸"喺每個人既心目中既定義都各有不同，
-有D人想要個 ：富爸爸，要乜有乜",
-有D人想要個： 成就爸,好似選到特首甘,幾威呀 ,
-有D人想要個 ： 體貼爸，乜都同佢安排好晒，

-有D人想要個 ：恐武有力爸，好似我甘 ~事事都為佢出頭" 在場既女士係咪想要一個呢？


種類各有不同...

而我冇大家咁好彩啦，由細到大我只係得半個好爸爸，因為爸爸媽媽喺我未出世既時侯巳經離咗婚啦，所以我冇大家甘幸福可以每日見到爸爸，唔駛講啦~生病入醫院，家長日，學校旅行,做功課溫書,都係冇爸爸陪既，而且仲喺我10歲既時候發現左一個小小既秘密，連我爸爸媽媽一直都唔知道架~ 就係 ~~~~ 殊: .................................原來我並唔係爸爸親生架。

有時我知道幸福並唔係必然既，而凡事亦都不能夠睇表面，一定要了解事情既全部，雖然我唔係爸爸親生，但係佢亦視我如己出，努力工作賺錢去養大我撐起成頭家，雖然爸爸好窮，買唔起d好名貴既嘢俾我 ,但係佢經常同我分享人生，令我每日進步,我覺得呢d先係無價寶呀 。 每個人喺人生都會有低潮既時侯,而我呢個令仔亦都唔例外， 喺我人生最挫敗既時侯，友人出賣我，愛人離棄我，親人亦都睇唔起我，但爸爸總會鼓勵我支持我，使我喺人生谷底裡，努力堅持，仲拎咗唔小寶藏。

爸爸亦用佢最後既生命同我上左人生上最寶貴既一課，佢由生患癌症開始,一直同病魔作戰，佢不但樂觀面對逆景,經常鼓勵我做人要看前向前看~ 直至上年十大傑出青年選舉頒獎典禮,當時我既職責係照顧得獎者,突然間~我收到醫院既電話,醫生話佢病發入左急室,我當時好心急,好想立刻去睇佢,但係爸爸佢唔俾我黎, 佢同我講:爸爸無本事,佢冇能力幫人,但係佢好開心,因為佢個仔有能力去服務社會,幫助別人~：「不求個人私利，但求完滿工作。」佢要我堅持做到最後,直至完成為止~ 到第2日,爸爸病逝了

喺爸爸呢段奮鬥過程,我力力在目,而爸爸這一份偉大,不屈不撓，「向前看」既精神，亦影响咗我一生，令我以「向前看」做一個宗旨，


萬事怕有心，功到自然成。佢經常同我講成功對每個人其實都只需要兩步。一步開始，一步堅持。而我亦用左爸爸教我既嘢 ~創立左"加油同盟" ,透過每日分享正能量 ~去感染和教導"年青人"。 每日向前看

我透過小小既故事分享想話比大家知道，一個好既爸爸未必要好有錢、好有成就、亦未必會任何事情都會做到出面講到出口 ，但係佢地對我地既愛，好多都係埋藏心底，要我地自己用心去體會，先至可以感受到，最後送俾大家一句，珍惜眼前人，特別係爸爸，因為下一世，無論愛與不愛?都未必會再相見。

唱歌 :

遙遠的爸　不可以再歸家我在夢裡卻 始終只有爸遙遠的爸　可知我心中的說話熱情並無變　那管它滄桑變化啊...

最後我要多謝我呢位偉大既爸爸，以前我好勝、唔識諗。痛苦會改變一個人，經歷能造就一個人。今日既我已經真正學懂「向前看」、學懂放下。並且積極面對生命。並希望上天可以張我既說話帶到俾我爸爸 :

如果下一世可以楝,我都會棟做 高詠諵既兒子

兒子高松傑敬上

我想分享有兩樣嘢:

1）珍惜眼前人。
2）每個人的背後總​會有很多人支持，與其有千百個原因説不可能，不如告訴​自己一個「堅持」的理由^^ 願各位兄弟姊妹共勉之！齊心合力撐香港！

JCI World Public Speaking Championship 2013～Hong Kong Selection Contest (一個好爸爸)

世上只有爸爸好

唔知大家有冇睇過一部電影叫"一個好爸爸"呢?

故事裡面既主角表面上雖然係一個黑社會大佬，但係佢喺背後為左女兒既改變同付出 , 喺佢女兒心目中憾稱一個絕世好爸。

我相信"好爸爸"喺每個人既心目中既定義都各有不同。

我高松傑，出身喺深水埗—個單親家庭。爸爸媽媽喺我未出世既時侯巳經離咗婚，所以我冇大家甘幸福可以每日見到爸爸，自細見爸爸既機會好小，根本感受唔到乜嘢叫做爸愛。 而且仲喺我10歲既時候發現左一個小小既秘密，原來我並唔係爸爸親生架。

有好多人都講幸福並唔係必然既，而凡事亦都不能夠睇表面，一定要了解事情既全部，

喺我成長中，我發現雖然我唔係爸爸親生，但係佢亦視我如己出， 去盡父親既責，努力工作賺錢，每當糧尾既時間必定會依時比家用比媽媽。

雖然爸爸好窮，買唔起d名貴既嘢俾我 , 但係我一定會好努力去滿足我。

每個人喺人生都會有低潮既時間,喺我人生最挫敗既時侯，友人出賣我，愛人離棄我，親人亦都睇唔起我，但爸爸亦都係第一個向我伸出援手既人。(大家梗係認為係度水比我。) 錯 ，係鼓勵同支持，呢份對我不離不棄既支持使得我喺人生谷底裡，緊握住努力同埋堅持，令我重新企返起身。

爸爸亦用佢最後既生命同我上左人生上最寶貴既一課，佢由患癌症開始和病魔作戰，佢話比我知乜嘢叫堅持！

由於間所限我的分享只能夠到呢到, 上星期去拜祭爸爸時並送左呢份完整既講稿比爸爸, 並希望在決實場地把這份完整既講稿當眾頌講,去感謝我呢位偉大既爸爸, 也希望透過這份完整既講稿話比大家知道((一定要珍惜眼前人，特別係爸爸，因為下一世，無論愛與不愛, 下一世都不會再相見。))
謝謝