因安心偷食事件令形象節節下跌兼連累家姐黃心美、哥哥蔡一智、男星張振朗等一眾拍擋並引來過氣港男幫忙護航再搞到成村人要重拍多套劇集同旅遊節目導致無線損失慘重嘅黃心穎（因穎），其中佢有份演嘅《法證先鋒4》重拍細節終於有消息，唔洗淪為冰鮮倉底貨喇！
呢套劇嘅監製梅小青今日就宣布由因穎同屆港姐朋友「靚湯」湯洛雯接棒，頂替因穎嘅角色，因為靚湯早前生日，所以梅小青就話當呢份係生日禮物比佢，兼要佢喺六月一號開機前減十磅！
靚湯就話唔介意執二灘，仲話要減肥都無問題。原本因穎同黃浩然、瓊姐（Yumiko）等都幾多對手戲，因為佢地角色有三角戀，睇嚟六月辛苦晒佢地執呢灘蘇州屎喇！
因穎遺留之蘇州屎一覽：
－劇集 #法證先鋒4
需要重拍，由湯洛雯頂替，受影響藝員包括黃浩然、瓊姐等
－劇集 #牛下女高音
需要重拍，未知邊位女藝員頂替，受影響藝員包括張振朗、「鷲哥」吳岱融、鍾景輝、羅冠蘭等
－旅遊節目 #懿想得到
需要到馬來西亞重拍，由楊明頂替，受影響藝員包括馬壯
－#保險公司於西班牙的活動
由李佳芯同高 ling 頂替
－劇集 #堅離地愛堅離地
未知重拍或永久封印，受影響藝員包括張振朗、龔嘉欣、劉佩玥、陳智燊等（此劇為陳智燊離巢作）
－劇集 #丫鬟大聯盟
未知重拍或永久封印，受影響藝員包括洪永城、湯洛雯等
－劇集 #愛回家之開心速遞
為免收到觀眾投訴，無線刪除由因穎主唱之主題曲，另製純音樂補上
－綜藝節目 #我愛香港
早前於星期六午間重播，由黃心穎擔任其中一位主持，其中一集更請到許志安做嘉賓，無線馬上改播另一套綜藝節目
陳智燊偷食 在 第9集精華｜ 偷食男求女友原諒絕招 - YouTube 的八卦
【堅離地愛堅離地】第9集精華 偷食 男求女友原諒絕招Marcus( 陳智燊 )背住女友張萊(劉佩玥) 偷食 ， 偷食 男Marcus求女友原諒，女友當然嬲爆，佢居然出絕招， ... ... <看更多>