講到童年回憶一定有佢份，我小學係讀女校既，好多同學細細個（包括我）已經打好做八婆既根基。有家底既，番到學校通常唔係鬥高分，係鬥用靚文具，同學之間既互動一定有交換筆袋睇呢個環節。「借你筆袋睇下吖」；跟住發生既會有兩個可能性：筆袋既主人一係會答你：「下？我冇靚筆架喎！」，一係就會自動波將d喺八佰伴sario或者水坑尾迫迫精品店選購番嚟既閃閃筆靚間尺同一大堆虛榮感鋪晒喺檯面比你慢慢欣賞，「航」晒d文具喺檯之後其他同學又會埋嚟八掛一番；拎得套collection出嚟一般都唔係失禮，個筆袋d文具又CK鼠、又keroppi、咩爐dee、烘燶麵包、爆炸狗、玉桂狗、新幹線、PC狗咁，數埋數埋仲多過十二生肖d人物；呢個moment冇靚筆show而又想八掛既我通常就會留意筆袋主人個微表情，而佢地一般都會係暗爽含春樣，睇呢d好睇過d文具啦。我就唔係咩富貴之家出生，靚筆就冇乜研究，但記憶中係迫過呀媽買過一套有香味既啫喱筆，有薄荷味、水蜜桃味、梘味、藍梅味，唔知大家記唔記得呢？呢套筆真係堅經典，用嚟寫信同上堂寫歌詞一流，寫完香到下世紀。
#除左HelloKitty仲有冇寫漏歡迎貼圖
Pompompurin Cafe - 香港銅鑼灣軒尼詩道525號澳門逸園中心B1層
