市場資金超級充裕 螞蟻上市後未必玩完
10月21日，天晴，天氣乾燥，又有幾陣涼風，秋高氣爽，呢啲天氣最啱郊遊，可惜今日係交易日，都係講番個市先。市場焦點仍然係新一輪刺激經濟方案，而談判在即，美股隔晚做好，三大指數上升。科技股第3季業績預期表現理想，不過相關企業盈利亦似乎已見頂，或觸發投資者轉為吸納其他股份。有分析員指據統計顯示，納指100指數企業未來一年嘅每股盈利預測，自8月以來一直落後標指成分企業。不過唔少科技股喺業績公布後，好似Snap咁仍然走強，盤後股價勁升22%。
至於11月大選前能會落實推行新一輪刺激經濟方案仍難料，而有分析指方案短期未能落實，亦唔會令美國經濟陷入衰退，只係會錯過咗令美國經濟復甦步伐加快嘅機會。而港股似乎無乜方向，暫時仍然喺24500水平上落。唔覺唔覺呢幾日大市喺24200至24800呢個range玩咗兩個星期，相信短線好難有乜大突破，要上破24800-25000有難度，而24000至24200個支持位又幾堅實。
隨住中證監已批准螞蟻集團A股上市申請，而港交所(00388) 股價及相關新聞 如無意外亦會通過螞蟻集團H股上市，估計螞蟻集團上市將於下周開始招股，最快於11月6日掛牌。打破新股集資紀錄嘅螞蟻集團，幾經波折下終能上市，但由招股到上市剛好橫跨美國總統大選，而侵侵嘅估佢唔到可以話日日有變數，未到掛牌當日，仍然未知螞蟻集團命運如何。
過往港股有超級巨無霸上市，尤其係全城期待兼受資金熱捧嘅明星股，都係魚缸由綠燈轉紅燈，上升之路不通之時。睇番歷史，由97年嘅北京控股(00392) 股價及相關新聞 ，2000年嘅TOM集團(02383，http://xn--tom-jn2eq73p.com/)，2007年末二次回歸時嘅阿里巴巴(前股份代號01688)及2017年底嘅閱文集團(00772) 股價及相關新聞 等等，呢啲受歡迎嘅熱捧新股上市後，恒指均見頂，大市入熊，今次螞蟻上市後，港股會否歷史重演，再現熊蹤？講真古天后又唔係太擔心，主要係今次同過往幾次情況有所不同，主要係今年喺全球受疫情影響下，全球央行都採取寛鬆貨幣政策，水浸資本市場，大量印鈔令銀紙貶值，資產包括股票只有升值去抵銷貶值影響，預計喺市場資金極度充裕下，螞蟻集團上市，並非港股玩完之日。
反而美國大選結果未落實之前，大市充斥不明朗因素，要待結果塵埃落定，美股先可以定落嚟，而港股先會有較明確方案。其實傳統基金一向會喺年底進行「年結」，加上新股會繼續趕尾班車上市，古天后預期港股喺12月仍頂得住。留意螞蟻招股時或凍結幾萬億資金，即使其他科技股喺螞蟻招股期間或借勢落鑊，大市或短暫缺水，氣氛向好嘅港股亦可能只會乾升。
#300likes30shares #古天后 #古天后日誌 #頭條財經網
利益申報 :
筆者為證監會持牌人，於本文章刊登之時，筆者個人或/及其客戶可能隨時買入或賣出相關證券及衍生工具。
免責聲明 :
本網頁純屬個人網誌，一切言論並不構成任何要約、招攬、邀請、誘使或任何建議及推薦。讀者請獨立思考及自行作出投資決定，如因相關言論或文章招致任何損失，概與本網誌或本人無關。
依家我嘅聊天室已經停止免費試用, 直接課金入來聊天室啦：https://bit.ly/2BmeAhZ
立即下載秒投：https://link.stockviva.com/L9J41qUp01
對聊天室有任何疑問，可以直接聯絡秒投小編：電郵 cs@stockviva.com
注意：本人僅在 "秒投App" 及其網站內開設聊天室，本人並沒有與其他網站，或以外的平台，開設過任何通訊群組，亦沒有任何所謂的「私人whatsapp 群組」「Telegram 群組」等等，為保障大家利益，切勿加入任何類似群組。
閱文集團 在 閱文集團- 維基百科，自由的百科全書 的相關結果
閱文集團 （英語：China Literature Limited，港交所：772）是開曼群島註冊，香港股市上市公司，中國網際網路企業騰訊旗下以網路文學為主業的文化創意公司，於2015年3 ... ... <看更多>