在日落前交換日記
星期一至五 5-6 叱咤903
阿檸 - 毒檸王國
8月15日
【小天使的故事】
鬼見愁 檸
適逢鬼節將至，呢排我阿媽又喺深井人嘅面書社交群組排隊拎啲人哋唔要嘅嘢番屋企，今獲係拎咗一尊羅馬式嘅石像。所謂羅馬式，就係有條雪白嘅石膏羅馬柱做底坐，然後有位小天使坐咗喺上面果款。事緣係嗰日佢上上吓網，見到人哋唔要一個好靚嘅鐵鞋架，於是就想拎返屋企；點知要個鞋架嘅條件係一定要要埋個天使石膏像。當時睇相我哋見佢細細個咁，咪無乜所謂拎埋佢返嚟囉；點知拎咗返嚟，個天使都去到我大脾咁高。
開頭擺喺度，屋企感覺良好，成間屋好似高級咗好多咁，背景好似自自然然有啲歐洲風情嘅音樂喺屋企傳出嚟，果晚我老豆仲話發夢夢見呢隻安詳嘅小天使添。由於我覺得呢隻嘢都幾好笑嘅關係，我就將佢擺咗上網。點知，張相一放上網比我啲阿姨婆婆見到，仲瘋狂留言叫我哋擺返上深井人嘅群組將佢放返出去。佢哋話，鬼節嚟緊，人哋無啦啦唔要呢舊石像，一定係有啲原因囉，唔會無情白事唔要佢囉咁。於是我心入面諗係高登仔陶瓷娃娃潮文，覺得無論我點放棄佢，佢都一定會返返嚟搵我。呢個時候，我心入面除咗有發達啦嘅感覺之餘，都有少少驚，尤其係，阿媽聽完阿姨咁樣講之後，就將小天使放咗入我間房入面啦。
每一晚熄咗燈，小天使都好詭異感坐咗係我張書枱，比我對喇叭藍色嘅小燈光照亮。
擔驚受怕嘅孩子 Oscar
鐵鞋架 在 鞋架鐵網- 飛比價格- 2022年1月PTT與DCARD推薦網拍商品 的八卦
鞋架 鐵網PTT與DCARD推薦網拍商品就來飛比，收錄全新、二手鞋架鐵網在露天、蝦皮推薦商品|飛比價格. ... <看更多>