見倒攬炒巴終於走上課金之路，感覺有啲黯然：因為幾個月前佢先大大聲講話自己自從比重光團隊踢走之後一蚊課金都無收過，自己又有專業資格，不存在呃錢嫌疑云云，企哂響道德最高點──點知今日都難免墮入塵世。
當然無人話行課金之路有問題，我成日都覺得課金系統就好似街頭賣藝，賣你獨門秘方又好、學我賣專講唔啱聽嘅真話又好、甚至賣慘賣小強都好，有人Buy你果套肯比錢就無問題。
唯一問題只係你呃人賣假貨，外人就有權踢爆你。例如賣慘賣個台就執就執，點知轉過頭賣樓都賺四千幾萬，呢啲就係呃人；例如你話籌旗救手足打國際線，點知收倒課金就落格走去炒股或者自己風流快活，呢啲就係呃人，所以點解我鼓吹所有黃標KOL都應該簽訂「收課金與抗爭無關」宣言就係咁解；
如今攬炒巴搞課金，如果係話自己比人呃哂啲錢走頭無路、希望靠賣藝籌番啲基本生活費我當然毋從置啄；但如今佢卻係聲稱課金比佢，係會進行三大任務：
▍第一範疇，國際倡議（香港俗稱遊說）：
有急切必要擺脫「賣慘」遊說方針，趕在中共政權成為世界第一大經濟體之前，把香港長遠利益與各國利益結合，甚至由救生艇轉向提倡聯合金融制裁，推動攬炒論述。
▍第二範疇，國際動員與傳承：
革命之路漫長。在香港本地爆發下次街頭行動前，盡力維繫、協調散居各地的香港民族舉行集會等活動，以圖傳承革命之火與香港文化。
▍第三範疇，發展香港民族實業：
除了文化，一個民族的存亡與影響力也建基於實業。猶太人多年透過發展實業，為整個民族建構國際影響力，最終復國。
老實，吹到咁大，真係令我往後好難唔監察你：舉個例，而家班國際線KOL，成日話自己見呢個果個政要，結果幫香港爭取咗乜嘢番黎？世界各地舉行咗啲乜嘢「民族集會」，又有幾多同你班國際線KOL有關？
更甚者，民族實業，直頭係講緊做生意，從來只聽過猶太人搞實業發咗達後資助番以色列復國運動，從來聽過有人靠課金要人打本比你做生意發達，究竟「民族實業」定係種金騙局？無撚人知，因為入面乜嘢說服介紹都無。
當然，而家攬炒巴都只係響籌款階段，我絕對唔會一開始就打死佢係呃人錢；但一如我之前所講，目標吹得愈高尚偉大，就愈有責任向公眾解釋究竟啲錢拎番黎會點用，而我衷心希望，一年半載後當我再提攬炒巴時，唔會響前面加「騙徒」兩個字上去。
延伸閱讀：攬炒巴的攬炒不是真攬炒，卻是飯民最喜歡的「溫柔式」攬炒
https://www.patreon.com/posts/37097355
重光團隊 在 2021.4「重光團隊」英國設大型廣告推香港民族身份 - YouTube 的八卦
立場新聞「重光團隊」英國設大型廣告推香港民族身分2021/04/13港人組織重光團隊(Stand with Hong Kong, SWHK) 在倫敦發布一系列大型廣告， ... ... <看更多>