Lunch time一到，各同事都相繼叮飯，每個飯盒背後都有唔同嘅主廚，有嚟自阿媽、阿爸、老公、老婆，甚至男女朋友，但有一個共通點，就係每人都有一啲菜係唔鍾意食。
有位同事經常講笑話老婆係地獄廚神，但隔咗一段時間，佢發現啲手勢進步咗，即刻打畀老婆畀鼓勵，靜咗幾秒之後眼濕濕講拜拜，問返佢先知，原來老婆咁樣答：「梗係啦，練咗好耐，失敗嘅全部自己食，煮得好先敢裝落飯盒畀你。」
另一個同事就話自己好憎食青椒紅椒，所以對佢嚟講，如果碟餸係青紅椒炒鮮魷、青紅椒炒肉片、青紅椒炒牛柳，佢食晒啲肉已經當食完，媽咪幫佢裝飯盒亦絕對唔會有青椒紅椒，不過有一晚佢食完飯返屋企，發覺媽咪自己食嘅餸就係剩低嘅青椒紅椒，仲有湯渣，先醒覺媽咪一直以嚟都食佢食剩或者唔鍾意嘅配菜，好嘢全部留畀佢，自此之後佢就唔偏食，個飯盒嘅肉同菜balance咗，咁阿媽亦唔使淨係食佢唔要嘅菜。
後來各同事建議，大家有咩唔鍾意食都可以裝落飯盒返嚟share，你唔食青椒佢食，換嚿炒蛋畀你囉！佢唔食牛肉我食，換嚿雞肉畀佢囉！屋企個主廚每日諗煮乜餸又唔使頭痕，因為同事間可以自製Crossover！
我哋每日做嘢搵食，背後都有人為咗我哋有啖好食而默默付出，而家你可以用一張照片同埋簡單文字分享呢幕動人時光，無論對象係家人、朋友，或者一班同事都冇問題，因為淘大現正與社會企業—好餸合作，贊助醬油同調味品送贈500份餸包支持基層人士，如果活動收集滿3,000個故事，淘大會再贊助1,000份餸包，咁都未算，辦公室日報讀者上載照片同分享超過100個，淘大又再捐多100個餸包，務求要讓更多嘅愛被看見。
大家快啲用行動支持啦！
http://bit.ly/2A1TQY7
#淘大 #AMOY #讓愛被看見 #釀愛嘗溫
