【長文慎入】
又來到星期六朝早測試時間，今次睇下大家有冇咁神心睇晒呢條精華片段😏😏😏：
我係屋宇署助理署長魏素文（外號Kay姐）。Kay姐收到劇本時，見到以下呢段水蛇春對白，標咗幾滴冷汗：
「一個鐘之前，旺角新填地街656號一幢超過50年樓齡嘅唐樓倒塌， 暫時我地未知道冧樓嘅原因， 消防而家喺現場搜救緊被活埋嘅傷者。 我地嘅任務係要睇吓現場旁邊嘅樓宇有無結構危險， F組嘅同事，去現場做structural survey！E組嘅同事......（下面對白已刪）馬上pair up BS 同 SE Team， 幫手做疏散同埋預備封樓。非常時期，大家可能要長時間工作，辛苦晒大家，分配工作方面，交俾兩位老總。」
今次冇貓紙，冇提字機，如果開大會場口對著幾十位「同事」不斷食螺絲，阻人收工猶如殺人父母。結果我之前一晚不斷Kay姐上身，當洪先生係同事不斷對佢背對白。結果，竟然，roll機，冇甩過。
熟到對白並不代表一切，因為我喺演戲上仍有好大改進空間，還是要感謝導演讓我參與其中，因為呢套真實事例改編的電視劇，令我回想起11年前那一幕。當日我返夜班，下午兩點返到公司，同事大叫「冧樓呀......冧樓呀！」我心諗流料嘛？香港點會冧樓？之後再睇傳送返來畫面，不敢相信自己眼睛。
世事如棋，好多意料之外，惟有活在當下。今晚港台電視31的《格外樓神》，雖然冇我份演出，但我都誠意推薦你睇。我在演員路上，就真係「多謝支持，後會有期」啦！👋🏿👋🏿👋🏿
影片節錄自RTHK 香港電台：https://youtu.be/UMDeL-m3Icg
（多謝YouTube網友comments）
