個人簡介為：「香港No.1 YouTube Gamer」，年薪過百萬嘅 Youtuber 「大J」，今日出左個 post 講佢係東京搭港龍番香港既經歷，講到火紅火綠，非常不滿，仲話：「以後都唔會搭（港龍）。」，引起網民唔少回響。
是咁的，大J 力數港龍4宗罪，如下述：
1. 東京回港單程機票5千港紙：「貴過日本去美國，洛杉磯去紐約。」
2. 飛機無得睇戲，要自己download個app先睇到：「我都上咗機啦我邊度有得上網download個app？」
3. 半夜1:45上機，諗住瞓覺：「D機組人員由頭到尾係後面大聲講大聲笑... 結果全程冇瞓到。」
4. 落機要再搭巴士先到大堂：「落機發覺竟然唔係停喺閘口！」
不過，唔計網民，竟然連大J 嘅fans都唔撐佢，話佢係「典型港豬customer，好羞家。」、「乜都投訴，乜都要人就晒你。」、「港龍應該係佢屋企天台降落。」，其中一位網民仲逐點擊破&秒殺大J 對港龍嘅指控：
1. 細機冇電視唔係第一日既事，你買飛之前冇了解過？
2. 飛機上有wifi比你download個app，你唔download既？ 定係你唔知？唔知點解唔問空姐？sorry唔記得左你要訓覺
3. 飛機一定會有人講野，空姐要做野，係咪靠手語溝通呀？再者空姐笑又比你話嘈，唔笑就會比你話西面，你個龍門放左係邊？
4. 係呀5000蚊一程好貴，咁你又買？ 5000蚊full fare黎啦喎，只有遲到閘口比航空公司offload左既客先會要買full fare既機票，係咪你late show先？
5. 唔好再話「點解你地航空公司泊咁遠！」 個位係機管局比，冇空姐同地勤想泊outerbay，車你返innerbay架巴士滿唔滿意呀？咁唔滿意你可以同機場投訴下，btw政府話三跑起完有多百零個bay位喎，希望你到起好個條垃圾三跑先再搭飛機，到時應該唔會再泊outerbay 就唔需要勞煩你啦下
6. 都係最後，講得出做得到，希望以後都唔會係Ka counter, Ka flight ge gate and Ka flight見到你
#呢個故仔教訓大家 #唔好郁d就放上網投訴
#郁d就話以後唔幫襯黎煽動人 #5千蚊當宣傳都幾抵
傳送門：goo.gl/FDK2Tc
