今屆立法會選舉比我感覺係亂過亂葬崗
建制不嬲柒開，屌都廢事
泛民固步自封，今屆絕不含淚投佢地
本土派內裡互片，抺黑你又抺黑我
我係新界東選民，本身諗住All in 梁天琦，但奈何佢被禁選
雖然佢支持青年新政，但我對青年新政表現真係令我出現信心危機，有一種恨鐵不成鋼嘅感覺
但我知道無人一開始就好完美咁降臨立法會，當中嘅甩漏、唔熟議事規則對於參選經驗少嘅青年係一件好正常嘅事
反而一身老練嘅政治味道，似是熟悉立法會制度議事規則，令我有一種好 " 政治家 "嘅感覺
好聽就叫＂政治家 "，唔好聽就叫 "政棍 "
我諗起一套日劇，叫「Change」，講述一個同政治從來都扯唔上任何關係嘅一位教師，因其父突然離世，佢被夾硬出選議員，後來更被推上成為日本首相。佢無論選舉口材，政府內嘅支持度都好差，但係佢有一份「心」，即使對於立法制度亳不認識嘅佢，見到不公義嘅事情佢就會出聲，亦會行動。
劇內好多"政棍"笑佢唔識政治，但偏偏我地就需要呢種青澀嘅新力軍入去議會內，將老人政治整頓。
講到呢度，咁我係咪要投青年新政?
但又好老實講，我好想張超雄嬴，佢係做實事同有心為弱勢發聲嘅一位好議員，但基於喺「新移民」議題上面或令佢失去唔少支持，但我覺得，張超雄比我感覺從來都無一陣 "政棍"味道，佢就係我上述所講 "有心"嘅人，亦都唔係一啲口號式嘅侯選人，講就天下無敵，做就成碌撚咁。
梁頌恆 同 張超雄，兩者都係我心水，我仍然考慮當中。
不過大家無論政見係點都好，或者大家期望或目標嘅嘢唔一樣都好，最緊要一定一定出嚟投票。
唔好比周圍啲咩撚嘢 「告急」 ，「大局為重」、「含淚投票」、「棄選保咩柒咩柒」所影響到。
喺一群妖氣充斥、群魔亂舞、政棍處處嘅名單上面，記住揀一個你覺得佢係好人就夠。
當然，雖則話按自己志願去揀，但揀之前都要花少少時間去留意自己個區嘅名單、佢地政剛，過去做過啲咩去揀。
因為你地嘅一票係好重要。
上次新界東補選，我投咗梁天琦。
有人屌我話咩唔睇大局，一陣比周浩鼎嬴咗咁點算
我想講......
我投邊個關你地撚事咩
我覺得天琦係可以嬴得我呢一票，我就投。即使佢輸咗，我都唔會後悔。起碼對得住自己
選舉意思就係選民有自己嘅諗法同政見，你可以建議人投邊個，但唔好人地唔跟你做法就屌柒人
完
仲有一日時間比大家去考慮
聽日九月四日，記得投票 + 叫埋你身邊嘅人投票
選舉意思 在 中期選舉直播特別節目（四）｜#方菲#方偉#龔小夏11/04/2022 ... 的八卦
觀看完整視頻：https://www.ganjing.com/live/1fclg669u1fJTboOtqtwzGTRs18l1c 合作洽談：[email protected] 捐助 ... ... <看更多>