【英國Channel 4晚間新聞：百七萬個和理非「暴徒」】
五分鐘全國免費「廣告」，宣傳香港「暴徒」幾咁和理非
香港818終極和理非遊行，係英國今日除咗官方No Deal步處報告洩漏之外嘅另一單主要新聞。而三大免費電視台（BBC、Channel 4同ITV）晚間新聞當中，Channel 4編幅係最長嘅一間，半小時嘅新聞足足用5分鐘報導。完美展示香港人對自由嘅決心，團結，無懼，智慧同質素，直情係宣傳香港人一樣，而個波就大腳射返去對面。
主播開頭嘅開場白已經直中要點，香港有一百七十萬遊行人士（demonstration留意唔係用示威protest）人無懼（undeterred）風雨、警察對遊行嘅反對同大量軍隊响邊間集結，北京隨時用強硬手段解決嘅情況下，仍然出黎遊行。
然後就交比駐港記者Jonathan Miller直擊報導，鏡頭就影住「2019年香港版嘅民主女神」。現場嘅報導嘅畫面，大家响香港緊係熟悉過我或者任何一個國際媒體，而嗰個PLA嘅宣傳片當然亦唔少得。不過請留意Jonathan Miller、攝影師同剪片嘅心思，報導中表達嘅好多明顯或暗示嘅訊息，叫觀眾自己用腦諗呢班到底係咪中國所標簽嘅「暴徒」。首先風雨之下，必然出現嘅就係雨傘，佢話呢個就代表住香港人由2014開始嘅「武器」。雖然個人覺得有啲誇大，亦說明呢百幾萬人其實係有機會面對犯「非法集結罪」判最高五年監。其實收音師本身都係亮點，報導裡面集會中嘅口號，唔知點解都揀晒係英文咁勁呢（"Free Hong Kong"，"Stand With Hong Kong"）？Jonathan Miller最後嘅結論係咩？自己睇啦，簡單到唔洗譯。
勇武又好，和理非也好，必需承認818香港人展示到自己不中圈套嘅智慧，令「外部勢力」幫嗰百七萬個香港「暴徒」响英國賣廣告！
Video Soure: Channel 4 News at 6:30pm 18/08/2019
#這就是核爆都不割嘅智慧
#TheWorldIsWatching
