整理過之後, 發現2020年嘅香港迪士尼, 原來唔講新城堡落成, 都有好多事發生.
較大嘅幾件事.
1. 2020年嘅全球大事就係由武漢爆發嘅疫症影響全球, 香港迪士尼因應政府嘅要求, 分別喺1月26日至6月17日, 同7月15日至9月24日關閉, 而喺12月2日第三度關閉, 暫未知幾時可以重開.
2. 而即使係重開, 香港迪士尼都實施一週只開五天嘅先例, 逢星期二及星期四休園.
3. 華特迪士尼公司對香港迪士尼樂園度假區第二期土地嘅優先認購權今年屆滿, 政府宣佈迪士尼對第二期嘅優先認購權不獲續期.
4. 因應疫症爆發, 第二期嘅空地亦被用作興建隔離設施, 所謂一變四, 四變十二, 依家嘅隔離單位據悉已達三千多個.
5. 現任樂園行政總裁楊善妮被調派出任華特迪士尼公司嘅其他職位, 而新任行政總裁莫偉庭剛喺今日12月27日正式上任.
2020年其他唔關城堡嘅大小事, 仲包括....
6. 探索家度假酒店喺逆市中新增高價套房The Adventurers Suite, 以高質素高體驗吸引高消費嘅Fans 入住.
7. 原定闊別多年嘅情人節活動因為樂園關閉而未有同大家見面, 但當中嘅樂園裝飾亦曾經喺從未關閉過嘅樂園酒店花園中擺放過出嚟.
8. 另外幾個由官方透露過嘅新活動項目, 包括Onward 兩位主角加入夏季Pixar 演出, 以Frozen 2 為題材嘅全新演出, 仲有以Marvel Fans 服飾現身嘅Mickey 等, 都因為樂園關閉而最終冇出現.
9. 同樣由官方公佈過, 而最終成事嘅, 有Black Widow 同Ant-Man and the Wasp, 香港迪士尼成為首個見到Ant-Man and the Wasp 嘅Disneyland. (2020年仲有Tiana 出現致香港迪士尼終於集齊所有公主, 不過可以將佢歸入城堡篇嘅回顧, 假如有)
10. Duffy 新朋友'Olu Mel 終於由夏威夷游到嚟香港. 有別於過往Duffy 喜愛夏季迎接新朋友, 今次Olu 因為樂園關閉而喺年尾正式加入.
11. 因應Social Distancing 措施, 部分演出需調整或取消, Flights of Fantasy 同Paint the Night 暫停, 日間改由Rainy Day Express 不同嘅改裝演出補上.
12. 而喺唔能夠同Characters Meet & Greet 嘅日子, 樂園都安排多個Special Moment 俾大家見到迪士尼朋友. 有難得一見嘅王子伴隨公主出現.
13. 探險世界嘅木筏上亦有演出. 係香港迪士尼首次安排觀眾隔岸觀賞嘅水上Live Performance.
14. 出唔到去旅行, 又冇旅客嚟香港嘅一年, 多咗本地人首次踏足香港迪士尼. 係一個好機會俾香港人認識呢個已經紮根香港嘅樂園.
15. 食肆限聚措施收緊放鬆再收緊, 樂園餐廳人流太多, 戶外小食成為新焦點, 園方亦積極推出多款小食. 呢個情況去到年尾有更明顯嘅進步.
其實香港迪士尼今年都好努力.
迪士尼探索家度假酒店關閉 在 迪士尼探索家度假酒店- 泳池- YouTube 的八卦
之前問 酒店 說泳池在冬季不開放，所以沒有準備泳衣，入住後見到有房客游水才發現原來正常開放，又浪費了一個在美好又溫暖的下午下水的機會 ， ... ... <看更多>