【講開杯走極都走唔到飲管嘅奶茶】
最近睇到有人再批評一個出現咗好耐嘅現象：當有媒體報導一個藝人嘅事而有網民唔認識呢個藝人，呢啲網民就會衝出黎comment「邊個黎架」、「唔識嘅」，熱烈將自己嘅無知公告天下，喺佢地嘅角度，唔識一個藝人，係對方嘅錯，somehow好值得自豪，要大聲講。講真，天大地大，世界有人唔識好正常，你可以揀去認識或者唔去認識，唔需要未了解就抹煞對方嘅價值。
然後唔知由幾時開始，抗拒環保概念，亦都係一樣。
你想用少啲即棄餐具，有啲人見到呢啲以環保為出發點嘅舉動，就會唔知點解本能地 1) 好自豪咁同你講多餘，2) 笑你攞苦黎辛冇佢生活得咁方便，甚至 3) 努力搵你其他因為某啲原因而做唔到100%環保嘅地方出黎笑你，話你「咪又係唔環保」，背後嘅動機唔係佢自己做咗啲佢覺得更環保嘅事想提你做，而係本住一種「大家咪都洗濕咗個頭，一件污兩件穢，放棄啦傻仔」嘅精神叫你唔好搞咁多嘢，就好似承認一句「我冇底線架」、「我改變唔到世界架」，就得到咗開脫。
究竟呢個係一個乜嘢心態？有啲生活習慣唔想改變/唔知要改變/未改變到，okay，人黎架嘛，改變係需要時間，好正常。但係點解要自豪地批評已經有心想做啲嘢嘅人？
我唔係道德高地大聖人，有啲情況叫外賣都係要用外賣盒，平時工作都要周不時飛（雖然今年真係好不幸地冇飛過 lol），呢個世界冇嘢叫「100%全環保」，我亦唔認為有可能做到任何行為都係「最環保」。問題只係，你做一個選擇之前，腦入面有冇出現過一個考慮，叫「環保」？如果有，而你係諗過之後再做出相應嘅選擇，背後有你嘅邏輯，我覺得係冇問題嘅，仲可以同朋友討論添；但係如果冇，你憑乜嘢用以上 (1), (2), (3) 或者其他 (4), (5), (6) 嘅方法去評論其他人？
都只係希望大家多一層考慮，就係咁簡單。
#奶茶走飲管聯盟
#奶茶聯盟
走飲管 在 無飲管運動2019 (30 sec) - YouTube 的八卦
你願唔願意由今日起出口相助，嗌凍飲前舉高隻手講多句「走飲管吖唔該！」？ ======= 願意嘅請加入我哋，一齊follow杯緣守護 ... ... <看更多>