簡單講，有大陸公司為跨過資本管制，想喺美國開間公司告自己，然後專登輸鬼左佢，「賠」一大筆錢俾美國公司。於是錢就輕輕的走了，不帶走一點雲彩！天才！
呢件事證明咗：
一：果然道高一呎，魔高N丈！中國人真係天才，到底個腦裝乜嘢，先會諗到呢條咁屈機嘅橋？所以，走資方法無限種，只有你想唔到，沒有強國人做不到的。如果將呢種天賦去做正經嘢，人類應該可以進化到移民去火星。
二：中國成日講愛國，如果信係真愛，你就唔使野野限住晒做Control Freak啦。家陣佢出咁多招阻止你班友跟佬走，就係心底都知你班下下話愛國嘅中國人，都係「身體卻很誠實」。
三：好衰唔衰你班友仔，走佬都未算，仲要走去「勾結外國勢力」夾計一齊走，咁即係明剃偉大神國眼眉，話俾人聽，「中國經濟靠唔住，搵外國佬就唔使輸」。你叫泱泱大國，顏面何存？
最後結論係，希望所有愛黨愛國嘅香港司長、官員、民建聯嘅人才、屈女士呀等等等等，我知道你哋對黨嘅愛，唔唔係得個講字。「國家有難 匹夫有責」，快啲轉返晒啲錢做人仔運上大陸救國啦！It's the best times to show your love is true！加油呀！
【開市閒情】勾結外國勢力！強國人走資《絕密秘笈》流出
http://bit.ly/1Qkj8FY
by千頌C@堆填區
