《香港製造》裡的夢遺象徵
—
七月一日，我無去到遊行，但決定講講《香港製造》，講吓我對呢部於香港極重要電影嘅睇法。
—
電影入面有三個主角，廢青屠中秋、絕症少女阿屏，同埋弱智人士阿龍。
—
睇呢套電影嘅時候，我一直在意點解李燦琛成日會夢遺，而夢遺呢樣嘢又同套戲，或者同香港／香港人有咩關係。觀影好多年之後發現，原來陳果導演係想講香港人嘅無力感，尤其係年青一代對未來嘅壓抑同困惑。
—
夢遺係喺電影入面一個極為貼切嘅象徵，一滴精三滴血，相信每個男性，都會明白夢遺嘅原理，谷住谷住，遲早會喺無意識魔下爆發。夢遺嘅背後就係一種持續不斷嘅壓抑而無處宣泄。
—
青少年本應自由奔放，想愛就愛，但卻早喺二十年前已經發現「土地問題」，呢個係土地嘅壓抑；屠中秋精甩尾，雖然中文好差，但總唔至於讀唔完中三嘛？呢個係教育制度上嘅壓抑；而智障人士阿龍嘅遭遇，就係社會對弱勢社群嘅壓迫。呢種種嘅壓抑，都深深植根喺香港呢個「遍地黃金」城市嘅表皮之下，令人無從掙脫，就好似電影入面井字型嘅公屋咁不斷循環往復，永遠都無出路，亦好似狹窄的迴廊，睇唔到任何光明，「走投無路」。
—
電影入面三個邊緣人主角，象徵嘅就係九七回歸後嘅香港，被邊緣化嘅我城。香港由殖民地一轉而成特別行政區，過往國際大都會嘅地位有被動搖嘅可能（就當日嘅視野而言，而今日已成事實），而變成一個平平無奇嘅「省市」。
—
三位主角並唔係無嘗試過振作，中秋同屏就是「醒目」香港人嘅代表，可惜「醒目」並唔能夠幫佢哋還清爭落嘅錢，一切嘅羈絆都係來自冷漠冰霜嘅金錢。
烈火青春與冷峻嘅死亡係永遠嘅矛盾，三個人都係喺最美好喺年華入面死咗，以一剎留住永恆嘅青春，就好似香港咁，喺最繁華嘅時光下步向衰亡。
—
香港人仲有咩出路？《香港製造》嘅描寫極為悲觀，一係就阿龍咁，只能夠喺其他人嘅凝視下自慰，委曲求存；或者好似屠中秋咁，晚晚夢遺，不斷壓抑；抑或係可以學阿屏一日到黑都帶住個水袋，等死。
—
係咪無得救呢？原來電影入面仲有個配角胡慧沖，結緊婚都無唔記得關心自己嘅老友，屠中秋死咗之後，佢部call機仲係響過不停。關心身邊嘅人，呢樣嘢係每個人都有能力做到嘅事，而就目前嘅香港，亦僅此而已。
走投無路電影 在 李嘉欣顏值巔峰電影，亡國公主走投無路，淪為敵國俘虜 ... 的八卦
更多精彩內容：郭靖晚年武功到底有多高？倚天中竟給出了答案，百歲張三豐自愧不如https://youtu.be/DIfUVIPkUr8至剛志陽縱橫三百餘年，降龍十八掌的 ... ... <看更多>