未入100毛做編輯之前，我的確喺馬經版做過編輯，而且不經不覺做咗三年幾。
今次呢個廣告嘅內容，係我做馬經時嘅經歷，八成真，兩成修飾，或者你覺得好誇張，但呢個世界，有好多事實比你想像中更難預料。
以前做馬經嗰陣，
最難過嘅關口，就係搵美術部強哥埋版。
強哥有個朵，係我哋馬經版同事幫佢起嘅，叫冤強。
原因係，只要你搵佢埋版，奉旨冤到你暈。
你揸住個版樣畀佢，佢一定睥下你，然後黑住臉喝你一句：「擺低啦望。」
改親字，佢就會鬧你：「你掟出嚟之前有冇睇架！」
最難忘一次，係一晚跑夜馬，好衰唔衰跑平頭第三，因為位置q派彩多咗三瓣。派彩表要重新執位。
我戰戰兢兢出去搵強哥，同佢講呢單嘢，
佢話：「好呀，改囉，你畫畀我。」
當時我啱啱入職經驗唔夠，唔識畫，想返去搵同事幫手，強哥見到就捉住我：「你去邊啫？喺度畫咪得囉！唔係要問人嘛?你編輯嚟架喎！」
最後被訓話一話，就喺嘲笑聲中返回坐位。
今日諗返，係會嬲嬲哋，但回心一想，如果唔係冤強咁嚴格，我對嘢嘅時候，亦唔會格外小心。
有時就係咁，個天喺呢個位置令你難受，可能會喺另一啲地方補償返畀你。
SK-II HK 特約：
專家Dickson《做隻出色的馬仔》
人生如賽馬，
你或許不是贏在起跑線的大熱，
但只要有夢想，誰敢說你不會爆冷？
[利申：Dickson故事，真人真事，改編⋯⋯]
#DreamAgain
#ChangeDestiny
#SKIIHK
賽馬位置q 在 【賽馬貼士】6月18日連贏位置Q過關2串3｜無敵組合！｜人馬 ... 的八卦
【 賽馬 貼士】6月18日連贏 位置Q 過關2串3｜無敵組合！｜人馬合拍賽績極之穩定！ 潘頓坐上去從來未甩過100%！成為「賭博研究所GAMBLING INSTITUTE」的 ... ... <看更多>