#防疫日常
今日有推銷電話打電話嚟
「喂你好我哋係intercontinental洲際，即係麗晶酒店」
雖然洲際酒店呢個名係我好細個嘅時候已經冇咗，但係長期睇國產凌凌漆，我好早就知道麗晶酒店、麗晶大賓館同洲際酒店之間嘅分別。我好奇怪去到2020年佢都係會用麗晶酒店去稱呼自己公司(原來佢哋真係改返名）
「我哋最近見到你喺我哋度消費，有一個VIP優惠......」
正常我係唔會接聽推銷電話，相信大部份人都係，但係我想感受下而家個市況有幾慘淡，所以就聽佢介紹一下，而且佢話我最近幫襯都係講緊半年前嘅事。半年前一個散客都搵來推銷，由此可見而家酒店業都幾大鑊。
其實佢個package唔係好貴，只不過我真係唔係好鍾意去洲際食嘢，而且我係洲際有一個好古怪嘅經歷，我寫咗係本書嗰度。話說幾年前我同一位電視台主播曖昧緊，我同佢去洲際食嗰間Nobu。
Nobu係環球都有嘅日本餐廳，聖地牙哥我食過一次，味道麻麻地，性價比不高。當年喺洲際食，有一個好有趣嘅經歷
兩個人都係食廚師發板，但係食到一半嘅時候，佢話有客人等緊，所以中斷我哋嘅用餐時間，將我哋搬咗去酒吧嗰度繼續食埋剩返嗰啲嘢。然後所謂嘅酒吧其實係一條走廊，結果啲人出出入入喺度望住我食嘢，非常尷尬。（算，唔講，再講就係蘇絲黃）
後尾我同位主播好快速地發展，亦都好快速地完結，最近我知道佢已經嫁作人婦，轉埋行。但係呢一間餐廳嘅經歷，我呢一世都會記住。
洲際，不了。如果去尖東，我比較鍾意嘅落腳點都係Rosewood, 你見陳......呀唔係，葉朗程都幫襯，就知好嘢
講起上嚟，而家酒店業真係好差

賓館酒店分別 在 請問一個長久以來的問題.....飯店和酒店有何不同? - Mobile01 的八卦
飯店是睡覺和休息用的。 酒店是喝酒和調情用的。..(恕刪). 那賓館呢? ... <看更多>