懷疑我同事係你其中一個甩底客，因為佢老婆娘家喺元朗，加上本身喺市區層樓租約期滿，聽講已經入咗元朗睇幾次樓，今次想買唔想租（但唔肯定佢係咪睇Yoho Town）。
「元朗黑夜」之後佢打退堂鼓，主要係考慮到兩個小朋友，一個讀緊幼稚園，一個讀緊小學，連一直主張搬近娘家嘅老婆都話寧願住細啲，唔會返入去置業，日日提心吊膽驚遲早抑鬱。
＝＝＝＝＝＝＝＝＝＝＝＝＝
投稿人：C永ching
警黑合作，好快就搞死元朗，因為自從「西鐵恐襲事件」之後，我同另外兩個同事本來約咗幾個準買家睇Yoho Town，但係班客已經驚咗呢個地方。連埋我自己在內，我間舖一共有7單睇樓客甩底（買盤），另外有個客本來同業主傾好咗21000租個800呎單位，睇咗兩次㗎喇，仲講到減多1000，臨門一腳都縮沙，佢話元朗好危險。
經理教我哋同啲客講：「黑社會度度都有㗎啦！邊驚得咁多，外國一樣有黑幫㗎啫，唔通唔使住咩？」
冇辦法唯有照佢意思咁樣氹啲客，但係有個準買家話：「啱呀，垃圾黑社會度度都有，所以問題唔係有黑社會，而係冇警察，住元朗原來報警會冇人理，幾百萬買層樓好似入咗異度空間，講出嚟都驚比人笑。」
地產商同埋地產從業員真係多撚謝你班黑警呀！搞到元朗臭名遠播，而家啲客一係唔嚟，一係走晒去屯門買。已經預見到第日仲敢買元朗樓嘅得返大陸人，到時元朗就係鄉黑 x 南亞 x 黑警 x 大陸人，DLLM諗起都興奮，衰撚過印度。
其實地產界點樣吹噓點樣作大都冇用，有冇「真成交」大家心中有數，你左手交右手個個月話破頂都係自己打飛機，畀黑社會打都冇人救，有片又拉唔到人，仲要放人都放得咁明顯兼戇鳩，你老味你住埋我嗰份啦！
喂，地產好惡做，轉行有冇好介紹？
