Fresh grad見工，畀HR玩，受HR氣，相信大把人試過，HR有名比你叫，Human Resources，當人係資源，即係開宗明義，佢地無當過你係人。不過，如果你有料o既話，其實唔洗怕，見工個陣可以大條道理串柒啲HR。
見呢排好多人搵工，我講啲實例比大家聽。
早幾個月開始想轉工，於是就開始send resume，同埋Linkedin上面本身有幾個consultants 聯絡開，就叫佢彈幾分工嚟見。
我呢D算係 experienced level o既applicant，見得我 o既HR，通常都係HR Manager或Director，但呢啲人先係最廢，人工唔低，但識o既野又少，搵佢地嚟做screening interview，純粹係公司想表現自己幾有規模。講真公司夠大夠多人咁有點? 對我嚟講，公司與其有規模，不如有o靚模。
無論in fresh grad又好，in我又係，佢地都會搵機會留難applicant，所以，見到佢地，你一定唔可以怯，你要話比自己知，如果你入到去做，你咁有料，佢一定怯過你。
「向生，我想你詳細講吓如果你入到嚟，可以點樣幫到公司o既business development department?」呢D問題我當然有預備，反而我答完，好想知佢明唔明。「我啱啱講過話我做CSR活動o既network同經驗都好足夠，其實你知唔知咩叫CSR?」
佢諗咗一陣，望住我欲言又止，我好享受咁望住佢一啲都唔識但又企圖扮識嗰種無助，dead air咗十秒，佢最後口都震埋：「唔太....清楚...係咪同管理技巧有關?」HR課程有修CSR應該好基本，但係守舊o既公司得尻閒同你講社會責任，呢位可憐o既老屎忽比我睇穿佢早就將課堂o既野拋諸腦後。「喂你唔清楚咁頭先又點頭？唔明你又唔問，見我之前又唔準備吓，頭先仲要叫我詳細講，已家我詳細講你又唔識，如果我講得簡單咗，你地呢啲HR 又會嫌我答得唔夠deep，唔夠detail-minded。」
我講detail-minded兩隻字個陣一對手仲做埋個表示引號o既勾指手勢，我平時唔會咁做，但對住啲HR女人，我傾向用八婆先會用o既語言。可能我講得激動咗少少，個女人聽到有啲眼濕濕，雖然我係嚟求職，唔係求偶，但係見到個女人喊，我都想安慰吓佢：「我個人無咩野唔好，係認尻真咗少少，算喇，其實你表現都幾好，你繼續問啦。」我唔太肯定有無講過個尻字，但就算有，個尻字對我o既interview performance係唔會有影響。
佢都算醒，可能佢都知道佢再問我工作相關o既野，只會表現到佢o既無知，佢唯有嘗試同我傾吓其他閒計：
「咁你平時有啲咩嗜好?」
「上網，睇吓啲外國新聞網站，財經網站咁」
「咁你有無睇過啲咩好特別o既報導可以分享吓」
「WSJ同Forbes都出過好幾篇文講好多大型企業開始傾向炒晒成個HR Department， 我都好同意， 佢地講o既cases同數據都好interesting，好inspiring 。」
我好滿意自己o既表現，估唔到單單講嗜好都可以帶出一啲咁insigtful o既idea，仲可以短時間內接二連三又再諷刺吓前面呢位HR阿姐，望住佢呢副不斷被打撃o既死樣，我腦海不經意咁浮現triple kill, quadra kill, penta kill o既聲效，已家諗返起，咀角都扯扯地，偷偷地又笑咗出嚟。
呢個只係其中一個見工o既例子，最後我見咗七八份工，暫時無一份工請我，事實證明呢半年經濟環境真係好差，不過呢啲既經驗話比我知，見工個陣根本唔怕兜口兜面串柒啲HR。
JobsDB Hong Kong
財經網站 在 57東森財經新聞 - YouTube 的八卦
鎖定財經新聞直播，請上東森財經官網https://fnc.ebc.net.tw/ 若斷訊請點此：https://www.youtube.com/user/57ETFN/live ◇加入台灣大代誌會員【台灣大代誌蒐奇. ... <看更多>