有日一位小姐嚟到診所。
佢行埋嚟問我：「驗孕幾錢呀？」
我：「二百五十」
佢：「咁貴嘅？我去萬X買廿幾蚊咋喎，十倍呀？」
咁你自己去買嚟驗啦，唔好咁辛苦自己啦。
我：「仲有診金嘛，如果你要寫證明信嘅話都有㗎嘛」
佢：「十倍喎」
門口嗰邊呀，行啦。
我：「你可以自己考慮吓有冇需要喺我哋呢度驗啦，如果有需要嘅我再幫你登記呀」
佢企咗喺度思考思考。
過咗陣佢問我：「你哋枝驗孕棒係咩樣呀？可唔可以俾我睇吓呀？」
其實咩樣都唔關事，不過你鍾意啦，我拎住包驗孕俾佢睇睇。
佢：「咁短嘅？唔係萬X買嗰隻嚟㗎？」
我：「我哋唔係出面買到嗰啲嚟㗎，我哋會俾個樽你，你去洗手間留小便再拎返嚟俾我哋驗㗎」
佢：「我仲以為係就咁隊入去我入面」
吓？隊入去？而家有啲插入式驗孕棒嘅咩？我記憶中最新UPDATE嗰隻都係直接屙尿落去咋喎？
我：「…我哋呢啲唔係」
佢：「哦…」
哦…咁點呀？驗定唔驗啫，登唔登記啫？
佢繼續企咗喺度，我都廢事迫佢登記咁樣，等佢自己慢慢考慮吓好過。
再過咗陣，佢問我：「你哋嗰枝嘢唔駛入去都會準？」
我：「驗尿都已經準㗎啦，如果有其他情況嘅話，醫生都會轉介你去專科」
佢：「我自己去買啦」
一早就要啦，喺度企咁耐。
證明信 在 廖文華周巽正《為什麼聖經真實可信》 - YouTube 的八卦
【問答】如何 證明 聖經可信？從理性與感性看聖經的真實性‖ 廖文華周巽正《為什麼聖經真實可信》. 6.7K views · 4 weeks ago #共享觀點 #聖經 #神的話 ... <看更多>