《忘記受過傷害，施捨最假的愛…》
國家為大家爭取9月3日放假，快D謝主隆恩啦…
為左配合大陸紀念抗日戰爭勝利70周年，全港打工仔包括外傭都放多日假。黨報話，立法會議員要「秉持尊重歷史的精神，弘揚愛國熱情，彰顯民族大義，支持特區政府的特別假期安排」。
－－－－－－－－－－－－－－－－－－－－
「平淡之中找一些特別日期」，不如找日同香港有歷史連結架啦…
抗日戰爭對香港來講，最值得慶祝唔係捱完「三年零八個月」個日咩？你為自己慶祝落力D，定為人慶祝落力D ? 正如 wedding planner幾努力搞你個 wedding，我唔信佢搞你個 wedding 落力過搞自己個個。唔通澳門慶祝回歸喺香港放煙花？戥人開心，好難好開心，點都唔夠戥自己開心咁開心。
中國割讓香港個日仲值得紀念啦…
百幾年前中國割讓香港個日，係香港畀人遺棄個日。作為一個棄嬰，點會唔記住「呀媽」邊日唔要你。我成日唔明點解要慶祝7月1日「呀媽」走來認返我。點可以唔懷恨在心，牢牢記住成為棄嬰個日？必須記住呢份傷痛，引以為鑑，時刻警剔自己「呀媽」嘅為人。7月1日嘅假期完全係「忘記(我地)受過傷害，施捨最假的愛」畀我地，而家仲搞個9月3日叫我配合大陸開心，我笑唔出。
－－－－－－－－－－－－－－－－－－－－
工聯會亡國興話9月3日假期有意義，應該「年年有今日」…
亡國興建議9月3日定為恆常公眾假期，真係好想佢過唔到今年。上年12月，工聯會唔投票通過侍產假，最後侍產假得返3日，仲要支五分之四人工。亡國興而家又支持9月3日定為恆常公眾假期，你不如去死啦。生水痘都放7日啦，生仔咁大鑊只係3日？大陸冇啦啦放假你就贊成，生仔就唔贊成，而家個個生十兄弟呀？
說好的勞工假同公眾假期睇齊呢？
要改善工人福利，正視打工仔工時長假期少嘅問題，點解唔係落實七日侍產假，將勞工假同公眾假期睇齊。畀個9月3日假我，要我謝主隆恩？地球氧氣都係你地爭取返來嘅建制派，where is your良心？個良心畀外星人笠左呀？
－－－－－－－－－－－－－－－－－－－－
如果想放日假氹我開心，可唔可以彈性D自選一日？
係唔係都會有日假，以下係我嚴選香港嘅happy moment，可唔可以畀我地自選一日？分散假日人流之餘，各行各業又可以照常運作，係唔係好先？
→ 董伯伯宣佈腳痛唔做個日
→ 葉劉辭職唔做保安局局長個日
→ 劉江華選議員輸左個日
→ 揭發唐唐有僭建個日
正如黃子華講尋找仆街的故事，想放日假氹我開心，有邊日開心得過睇住D仆街官員仆街？
－－－－－－－－－－－－－－－－－－－－
我唔想同強國人同一日放假呀…
呢個假有100%政治意味，絕對收買人心。「有得放你就放啦，講咁多野」。放假係開心，但我有得放大陸人冇得放開心D囉。我好珍惜Easter假期，因為大陸冇，留港定外遊都少D機會撞到大陸人。放假周街都大陸人，電視實叫呀姐來唱「做個勇敢中國人」慶祝抗戰勝利，真係出街又死唔出街又死。
PS. 我個人最大嘅優點就係「懷恨在心」，在此再po 返上次嫻姐以及工聯會出賣工人，通過唔到7日侍產假嘅文畀大家重溫：
https://goo.gl/AeFy0u
謝主隆恩澳門 在 澳門投票率創主權移交來新低有選民寫「垃圾選舉」「謝主隆恩」 的八卦
香港大紀元#大紀元新聞 澳門 昨日（12日）舉行新一屆立法會選舉，投票率僅42.38%，是而主權移交以來的最低點。已投入票箱的票有3141 張空白票、2082 張 ... ... <看更多>