講到好似好有經歷的八卦，Yahoo名人娛樂都在討論

【關於Happily Ever After】

大概喺奧巴馬夫婦離開白宮後，好多仔係咁喺facebook洗版話「搵老婆要搵個似Michelle」。當時我都係咁諗，做女人可以做到好似Michelle咁，成就仔仔，真係不得了。

不過，五個月後嘅今日，諗法有小改變。
「搵老公要搵個似Prince Philip。」

揀菲臘親王，笨唔係因為喺上環有間以佢命名牙科，亦唔係因為佢疊水、疊馬、英雄主義。

而係佢可以為伊莉莎白，放棄一切。
熟歷史丁丁都知，維多利亞同伊莉莎白二世好似：兩個都愛得轟轟烈烈；唔同嘅係，後者在位期間一直有菲臘親王喺身邊。

傳說，佢地兩個係一見鐘情。13歲嘅伊莉莎白同18歲嘅希臘王子菲臘喺達特茅斯皇家海軍學院相識，伊莉莎白第一眼見到呢位希臘王子，已經下定決心非君不嫁。

王子公主墜入愛河。做足8年pen friend，王子終於求婚。
當然，同好多童話故事一樣，王子求婚係唔洗問過公主老豆 (姐係當年嘅George VI)。

雖然全家都反對，但係伊莉莎白使出迪士尼公主本色：打橫嚟！
“We had belonged to each other for years.“
”She is the only thing in the world which is absolutely real to me.”

以為佢地兩個之後騎住白馬唱住歌結婚跳舞，就錯啦！

寧願犧牲也與你以愛捐軀，從歷史中見證這轟烈一對。
因為伊莉莎白係王儲，唔可以嫁去第二個國家，犧牲嘅唯有係菲臘。為咗娶佢，菲臘親王脫離希臘王室＋繼承權，改跟啊媽姓。由平民變公主王子就易姐，啊親王由貴族變平民，仲唔係愛啊哈利?

唔好以為娶個女王番屋企，自己就會變皇帝、衣食無憂。伊莉莎白宣誓繼位，菲臘都要宣誓，但係佢嘅誓詞唔係話以後我同你co-own呢個國家、你要聽老公話，而係話畀世界知「我，菲臘，愛丁堡公爵，願終生成為你的臣民並且尊敬你；我願意效忠你⋯」。

呢段關係令親王最介意嘅，應該係仔女唔可以跟佢姓，但係佢好體諒，輕輕提過一次咁大把。好彩女王識做，1960年正式將仔女姓氏改為複姓Mountbatten-Windsor，皆大歡喜。
最終，一齊走過70個年頭。

曾幾何時，我都迷戀過Armani。唔是Armani Exchange，係Giorgio Armani，拖出街好似好型。但係人大咗就會發現其實G-shock都唔錯。

揀幾男友/老公，唔係睇佢出身、住邊、讀邊間U、出入咩地方、揸咩車、有幾多億身家、買唔買到bonetta venega畀你、結婚有無得著manolo blahnik。

而係睇佢似唔似菲臘。
喺佢得100蚊嘅時候，會唔會拎99.8去H&M買件外套畀你、怕你冷親。
喺佢一至六塞到爆嘅schedule入面，搵一兩日陪你行無聊街、食個譚仔。
喺佢無車嘅時候，都要山長水遠送你、陪你搭巴士。
第二朝要倒屎咁早起身，都要等你番到屋企落妝沖涼吹頭上床，講嗰十令分鐘電話。

曾幾何時，我都追逐過Armani。不過呢一刻你問我，我會揀似G-shock嘅菲臘。
因為，佢付出嘅係佢有嘅全部。
一世人好彩遇得到菲臘，記住綁住佢，唔好畀佢走，Happily Ever After💕。

Tag你隻g-shock入嚟😉

#非廣告
#好多brand
#有啲長用心睇
#講到好似好有經歷
#其實無乜
#大家加油努力
#祝我幸福快樂
#愛情LOL
#我淨係識呢啲嫁炸
#坐巴士劣寫系列
#偽愛情KOL
#二十三歲中女心態
#我係句號女
#hkig

六弄咖啡館影評: 解構主角情感 淚崩的原因 (必看)
想和我一樣30天升10000訂閱：http://goo.gl/zNT6Ck

六弄咖啡館影評：
睇六弄咖啡館係我人生第一次睇戲睇到淚崩，今次呢個影評，我用作為香港觀眾嘅角度去寫，同埋睇開我影評嘅人都知我中意用欣賞嘅角度去評論電影嘅可取之處。睇呢套戲之前我以為佢係一套同賣弄青春嘅愛情電影，點知原來係述說青春嘅背後，表現咗唔同嘅感情，令我完全投入到係主角嘅世界當中。六弄咖啡館係感情渲染上做得非常之好，電影用遞進嘅方式去建立主角同每個人嘅感情，令我嘅情緒醞釀到最後嘅爆點都能夠深切體會主角嘅感受，所以我認為呢套電影能夠 令觀眾投入係佢想表達嘅感情當中。

劇透影評：
六弄咖啡館呢個戲名如果你好似我咁無睇過本小說，其實唔會明白意思係點解。故事一開頭就以一位中年男人係呢間咖啡館中對一個陌生女人講一段關於遠距離戀愛嘅故事。第一個回憶片段就見到果個每日一弄嘅鐵罐，當時我就諗唔係講愛情架咩點解間咖啡館會起呢個名嘅，原來電影去到最後先開估，然而去到最後都無引用返小說嘅文字去解釋「六弄」嘅精髓：「六弄人生：人生，像走在一條小巷中，每一弄都可能是另一個出口，也可能是一條死胡同。生在一個與一般人不同的家庭中，是我人生的第一弄；愛上了妳，是我人生的第二弄；註定般的三百六十公里，是我人生的第三弄；失去了妳，是我人生的第四弄；母親的逝去，是我人生的第五弄；在這五弄裡，我看不見所謂的出口，出現在我面前的，盡是死胡同。該 是結束的時候了，該是說再見的時候了，再見，世界，是我人生的第六弄。」

我唔評論關於口音或者對白有D似書面語嘅問題，因為我被電影表達嘅感情所吸引住。一開始嘅校園生活我已經覺得對白同演員嘅配合非常好，令我有為主角緊張或者怕羞嘅情緒。去到中段當兩人分開嘅時候我完全感受到個關閔綠一心一意為心蕊付出而最後佢不被體諒個種情緒，至於點解心蕊好似咁不明不白就覺得關閔綠唔適合佢，我嘅見解係咁。心蕊講過佢討厭未知數，說穿了就係驚無安全感，而好多嘢佢需要好實在好確定先可以令佢有安全感。例如：當關閔綠唔確認會佢去去西雅圖嘅時候、當佢被打劫後佢覺得男朋友應該要知點做但反而關閔綠反問返佢嘅時候，呢D都係女仔覺得無安全感嘅地方。所以去到最後，係，佢話佢無怪關閔綠，不過無可否認佢已經覺得呢個男朋友比唔到安全感佢而選擇同佢分開。但其實講到尾都係因為心蕊唔夠愛對方而分開。一開頭中年阿智講過：距離從來都不是問題，最 重要的彼此的心意。關閔綠做到，因為佢夠愛李心蕊；李心蕊做唔到，因為佢唔夠愛關閔綠。去到最後，李心蕊自己都矛盾地說：只能說如果我們能夠一起成長，今天就會不一樣了。證明咗心蕊最後都覺得遠距離其實係一個問題，因為佢對關閔綠嘅「心意」並不夠。順帶一提，其實我好在意點解關閔綠一直都係呢個髮型。而我覺得電影就係用髮型嘅不同去表達心蕊認為閔綠長不大呢一點，同樣升左大學，心蕊開始改變髮型，而關閔綠一D都無變。

有D人覺得有好多地方交代不足，反而我覺得剛剛好。電影以倒敍法開頭，一開始就話比觀眾知遠距離戀愛係一件難事，所以到之後由關閔綠同李心蕊呢段關係去講出呢一點嘅劇情入面，我覺得已經交代足夠，因為我認為電影想表達嘅Key message係：類似的青春，不一樣的人生。呢件事。友情方面電影完全表現到關閔綠同阿智嘅感情有幾深，由打架、飛車去台北到出殯之後阿智想令閔綠發洩到出嚟個場戲，所有場面都建立得好好，＊＊比起《點五步》兩位兄弟嘅感情解立，六弄咖啡館會更勝一籌。而去到媽媽個部分，由一個嚴母到打完架之後表現出嘅母愛到佢就來過身呢幾幕我都覺得好足夠，有一幕媽咪打比閔綠叫佢weekend點都要返屋企，鏡頭影到枱面嘅藥暗示佢媽媽已經有病，而果個weekend佢去左搵女朋友隨 最後兩邊都失去了個種滋味一定非常難受。所以透過呢種遞進嘅感情建立手法，去到最後我淚崩了，原因係我代入了阿智對呢個兄弟濃厚嘅感情當中，電影嘅感情建立手法令我體會到個種難過。蔡心怡看似在劇情建立上幫助不大，但係表達電影嘅中心思想就絕對有幫助，就係營造一種對比感，尤其係最後知道阿智嘅老婆係佢嘅時候，呢種：類似的青春，不一樣的人生 嘅遺憾就更加湧到出嚟喇。

有一樣野幾值得反思同討論，就係完左片尾最後個幕，相信係心蕊最後改左隻貓個名叫小綠。如果小綠唔死，呢件事會否發生呢？從來無一種分別可以算是離別，死亡在人嘅心目中才是真正的離別，因為呢種再見係再也不能見。人往往就是如此，等到親人死後才懂珍惜，名人死後才懂欣賞，其實暗地裡鼓吹一種死亡心態，因為好似你死左，人地先識紀念你咁，所以而呢種心態好應該被扭轉，發生咩事都好，唔好輕生，因為人生仲有好多有價值嘅事等你好做，同埋記得珍惜眼前人。最後我想講喊同唔喊都唔代表電影嘅好與壞，正如有人睇完那些年會喊但我無一樣，＊每個人睇戲能唔能夠被煽動情感可以係因為個人的經歷同遭遇而影響，而每個人都有對於每件事都有屬於自己獨特嘅感覺，因為情感先係真正嘅未知數。多謝。。。

一套電影嘅開頭好緊頭，大家可以留意下每套電影喺出現戲名之前，通常都會係一段概括嘅簡介話比觀眾知呢套戲係講乜。

睇六弄咖啡館係我人生第一次睇戲睇到淚崩，喊係喊到我個人震，我要用力去冷靜自己嘅情緒。利申：我今年廿四歲，唔同經歷嘅人會有好唔同嘅感受。作為一個香港觀眾，同類型的台灣電影我近年只睇過《那些年》、《被偷走的那五年》、《等一個人咖啡》。所以我一入場就expect佢係一套賣弄青春的愛情電影，對唔住，我錯了。六弄咖啡館在感情的層次遞進上做得非常好，演員和對白都能感染我令我能夠投入主角的感情發展當中，故事的起承轉合將主角所有的感情線在轉和合中推到最高，所以令我在結局淚崩了。而電影在感情的描寫其實不只在愛情（一開始我誤會了），更包括友情和親情，所以我哭的點其實是絕對合理的。

倒敍法、首尾呼應
六弄咖啡館故事由一個倒敍法開始，在一位中年男人的回憶當中第一個畫面就是那個每天一弄代表著兩位主角的盒子，而電影去到最後才揭曉起六弄這個名的原因，當然就是紀念朋友的一間咖啡館。用一個首尾呼應來強調六弄咖啡館這個名的重要性。

想留意更多我的動態，記得緊貼Ernest DoCRAZY
Ernest DoCRAZY社交平台：

Ernest DoCRAZY channel:
https://www.youtube.com/c/ErnestDoCRAZYTV
Ernest DoCRAZY facebook:
https://www.facebook.com/ErnestDoCRAZY/
Ernest DoCRAZY instagram:
https://www.instagram.com/ernest_pch/

Related:
六弄咖啡館, At Café 6, 2016, 愛情電影, 臺灣, 藤井樹, 吳子雲, 董子健, 關閔綠, 李心蕊, 蕭柏智, 顏卓靈, 蔡心怡, 林柏宏, 歐陽妮妮, 宋伊人, 宋依人, 張少懷, 黃鐙輝, 黃子佼, 戴立忍, 張榕容, 孫燕姿, 半句再見,超粒方, 六弄咖啡館, 國片, 谷阿莫, 電影, 看完, 點評, 影評, 吐槽,

【六弄咖啡館At Cafe 6】孫燕姿《半句再見》
https://youtu.be/Oi2261-l7nY
超粒方《六弄咖啡館》讓我超出戲 | 電影點評
https://youtu.be/ycPrAO64DM4
《六弄咖啡館 At Café 6》無雷推薦 影評
https://youtu.be/3lPchwyrnBQ

我學習做YouTube的地方：http://goo.gl/zNT6Ck

黑豹第一日上映我已經睇咗兩次，今次想用一個角度嚟貫穿今次嘅影評－就係「對比」。未講點解係對比之前我想大家睇黑豹唔係當佢係一部英雄電影去睇，而係用點解黑豹會係MCU十週年嘅頭炮電影去睇。雖然同以往嘅英雄電影一樣，劇情上都有一個公式，但無論喺鏡頭、畫面、對白、角色等等都有一定程度嘅象徵意義喺入面，而我會用「對比」呢個角度去探討呢種種方面嘅象徵意義。

(劇透)

先講講電影比我嘅感覺，一套兩個鐘多啲嘅電影節奏拿揑相當之唔錯，對白有一定嘅深度去建構每個角色嘅性格，唔同場面嘅對白交代到唔同嘅背景關係，例如一開頭T’Challa返到Wakanda同媽媽阿妹嘅對白會感受到佢地嘅溫馨，華生飾演嘅CIA人員審問偷汎合金嘅KLAUE個陣可以知道KLAUE走私Vibranium嘅背景啦，同埋會知道外面嘅人係真係對Wakanda一無所知。順帶一提，KLAUE就喺Age of Ultron到已經係走私Vibranium，佢隻手就係比Ultron斬斷。除咗對白拍攝手法都充分呈現到Wakanda係一個點嘅國度，首先會有好多wide shot比觀眾睇到成個Wakanda嘅picture，另外我好鐘意好多「一take過」嘅鏡頭令到個空間感好強，呢種類型嘅鏡頭會令觀眾更加容易遊覽一個好大嘅空間，例如舉行儀式個陣女侍衛團用長矛打地嘅震動落水再出返天空wide shot去瀑布、賭場入面嘅打鬥由上面嘅Okoye一take影落下面嘅Nakia再cut去T’Challa打到上樓上同KLAUE對持射爆咗個錢箱，仲有華生喺實驗室起身，令幾個shot都係我個人最鐘意。

言歸正傳，我地開始入「對比」呢個角度。

十年前後的對比
十年前，MCU第一部電影IRONMAN，已經同樣地都係英雄起始電影。其實我自己會覺得MARVEL STUDIO係特燈揀黑豹做十週年頭炮嚟同IRONMAN做一個對比。首先，英雄嘅特徵其實係幾相似：超有錢、有高科技support、同樣地都係用盔甲嘅英雄。其次，故事劇情都係圍繞住英雄性格嘅改變。我會認為MARVEL STUDIO想透過用同樣都係英雄起始電影，呢十年佢地有幾大改變。而講述T’Challa作為一個國王點樣蛻變嘅故事正正可以象徵住呢一點。

Tony Stark同T’Challa嘅分別係咩呢？十年前MARVEL喺破產嘅情況底下問銀行借錢搞MCU，但個陣如果佢地失敗就會失去差不多全部角色嘅電影版權（我會推薦超粒方出嘅邁向無限之戰IRONMAN篇比大家睇）。作為第一部MCU作品，IRONMAN講嘅係一個風流自大嘅天才點樣改變，喺個陣嘅Tony Stark你唔會搵到成熟嘅感覺，就好似IRONMAN電影本身，係一個各方面都能力有限嘅新嘗試，我認為IRONMAN嘅成功會喺因為本身英雄選角得啱同副甲好型呢D因素，因為我本身覺得睇英雄電影呢件事就係大概知道劇情係點，入去只係會集中睇D動作場面同英雄點型法身上；而經歷十年嘅黑豹，由T’Challa性格已經話到比大家知佢本身已經夠成熟成為一個國王，故事就係話比大家知佢要點樣去成為一個獨當一面嘅國王，亦同Marvel一樣，MCU已經喺一個成熟發展嘅階段，以十週年頭炮嘅黑豹話比大家知，一部英雄電影係可以建構出Marvel獨當一面嘅深度。

所以我會認為故事藉著用「對比」呢個角度話比觀眾知黑豹比起十年前已經係一個有故事兼且成熟嘅英雄，所以電影入面都會有好多「轉變」帶出對比感。

先講主角T’Challa嘅轉變
T’Challa喺電影嘅形象由一開始已經係好冷靜沈穩，無論喺開頭同Bako嘅挑戰儀式最後叫Bako投降話啲族人需要佢再去到中段佢同華生嘅交談show到佢嘅外交能力。但有一樣嘢佢需要改變就係Wakanda過於傳統嘅思想，而佢點先可以察覺到呢樣嘢再改變呢？其實電影一開頭已經舖咗路。一開頭喺飛船嘅時候Okoye叫T’Challa見到佢個ex Nakia嘅時候唔好嚇親，佢就話 I never freeze 佢從來都唔會嚇親，但佢一見到Nakia就真係比佢嚇親，喺果個時候嘅Nakia係一個扮難民嘅間諜，呢一個嚇親可以係一個唔知道外邊世界苦難嘅國王見到呢啲苦難而被嚇親，電影中Nakia可以代表住兩樣嘢：1. 一粒改變Wakanda傳統嘅嘅種子 2. 相對代表住國民嘅離心。所以喺電影開頭已經喺T’Challa同Nakia嘅相遇，T’Challa潛意識已經被落下種子要改變Wakanda，亦呼應T’Challa想成為一個好國王嘅心。咁點解佢嘅轉變就一定係變好先，電影亦都透過好多場景比較呈現：

(一) 同先王嘅對比
T’Challa同爸爸喺祖先平原對話，從兩次對話嘅比較可以見到先王T’Chaka都有呈現一種只為國家著想只為國家做事嘅感覺。第一次個仔同佢講話仲未ready，佢就反問返個仔「你唔係已經準備咗做國王好耐喇咩？」，個仔就話係未ready無咗佢。第一次對話已經表現到先王對於國家以外甚至親情都擺喺後嘅感覺，比起先王T’Challa更加有自己嘅情感，之後佢爸爸就話It’s hard for a good guy to be a king，就正正講緊先王認為T’Challa重感情係一個好人，但咁樣好難做到一國之君，相反不理一切只跟隨制度去做就更簡單。連埋第二次嘅對話嘅比較，比起重親情嘅T’Challa，佢可以不理親情殺咗細佬掉低個侄，所以第二次對話最後T’Challa指摘爸爸係錯嘅時候已經不再迷惘，象徵當下已經用自己嘅見解打破Wakanda嘅傳統思想。喺畫面上我地都可以留意到第一次對話背景係黑夜，可以象徵當時T’Challa當時仲有迷惘；而第二次對話以清晨做背景，象徵T’Challa嘅醒覺。

除咗呢兩幕嘅對白仲有喺Zuri同T’Challa講完佢老豆嘅黑歷史之後話「We must maintain the lie」，下一幕就係T’Challa同Nakia講出呢個秘密。呢一幕嘅剪接好快話比觀眾知佢係唔會接受先代一成不變而造成嘅惡果，再將呢個秘密話比一個象徵改變嘅女伴知。仲有一幕就係當T’Challa問Baku借兵嘅時候佢話佢唔代表歷代皇帝，呢句說話表面係打動Baku，亦代表佢係打破歷代傳統開始統一緊Wakanda。

(二) 國王嘅對比
電影用Killmonger呢位皇帝同T’Challa比較，顯得T’Challa嘅轉變更具意義。佢嘅堂兄弟係一個充滿仇恨嘅皇帝同樣地想打破Wakanda傳統制度，Killmonger非常激進獨裁。雖然都係一個Wakanda人，黑人問題令佢喺外界充滿仇恨，眼中只有仇恨會令一個人失去理智；相比之下，同樣面對殺父之仇嘅T’Challa喺美國隊長內戰最後理解事情真相化解仇恨，但電影表現嘅Killmonger連真相都無理解到最後帶著仇恨死亡，因為最後當T’Challa想救佢嘅時候，Killmonger都係睇成一種要救返佢囚禁佢嘅仇恨而選擇離開。反映著即使要破舊立新都好，太過激進都係會物極必反，過於保守又會太過無情帶嚟惡果，凡事都要有個平衡立新得嚟都要保護到國家。電影中亦有用武器同裝備去象徵呢件事，兩次嘅挑戰儀式T’Challa都用咗攻守兼備嘅武器，表現除咗進取嘅態度亦有沈住氣嘅防守意識，相反Killmonger用嘅全攻形亦反映佢激進嘅態度；另外喺黑豹嘅suit upgrade個陣T’Challa同阿妹講原本套甲係”The idea by not being noticed”，所以佢揀咗紫色嘅甲，而Killmonger係用比較顯眼嘅金色，都有表達T’Challa沈實嘅一面，同埋如果紫色代表心型藥草的話，我會覺得係即使佢要改變制度都好，尊重而且保留傳統嘅美德都好重要。

其實講到呢度，黑豹對於主角T’Challa嘅背景、感情建構同埋同其他人物嘅關係已經落咗唔少功夫。跟著我地再可以睇下電影點樣表達點解跳出傳統思想咁重要。

有句對白印象好深刻，當Nakia叫Okoye一齊逃走個陣，Okoye話雖然佢好想跟佢哋走，因為要「效忠國家」所以佢唔走，呢度又一個例子表現盲從令人甚至放棄感情都唔敢違抗制度，作為對比嘅Nakia聽到Okoye叫佢「效忠國家」佢嘅回應就係佢會「拯救國家」save the country。先王T’Chaka講過佢掉低個侄係因為「He chose Wakanda」又係一個例子表現盲從令人無情，所以有自己思想嘅T’Challa當時話佢老豆係錯準備去執佢D蘇州屎個陣，都已經講緊盲從傳統令人無情甚至後患無窮，要有自己嘅思想先可以改變國家，獨當一面。 呢個思想係咪都講緊Marvel Cinematic Universe唔再好似傳統英雄電影咁，以十年第一炮嘅黑豹去表達MCU可以破舊立新地塑造一套獨當一面嘅英雄電影。順帶一提當Killmonger燒哂D心形藥草下一幕係一個鏡頭調轉嘅畫面影住佢行去坐上王位，燒草表達緊消毀傳統，連接畫面調轉暗示成個國家會被呢個行為顛覆同埋表達Wakanda政權已經被佢推翻。

最後電影以兩個首尾呼應嘅對比去令黑豹完滿。
第一係喺開頭嘅挑戰儀式T’Challa大叫佢係”Son of T’Chaka”之後一鼓作氣勝咗場比賽，到最後mid-credit scene嘅conference再以”Son of T’Chaka”介紹自己，以同一句對白但兩個不同場面首尾表達T’Challa已經由憤概轉變成熟。第二就係，十年前後嘅首尾呼應，十年前嘅IRONMAN最後Tony Stark係記招同世人宣布自己係IRON-MAN，有一種逞英雄嘅感覺；十年後以一個特徵相似嘅英雄黑豹，同樣地要顯示比世人知Wakanda有能力幫助出面嘅世界，十年轉變，黑豹係代表成個國家，而且最後嘅鏡頭同樣地都係影住佢地嘅笑容T’Challa嘅笑係充滿自信而Tony Stark當時嘅笑係有猶豫係入面㗎，所以透過呢一個十年嘅首尾呼應，Marvel係同大家講：MCU已經唔係代表住英雄電影咁簡單，而係不再猶豫、自信地話你知係代表住一個世界。

最後送返啲彩蛋比大家
1.當阿妹Shuri見到哥哥對鞋嘅時候大叫”What are thoooose!?”，係一個外國嘅vine joke嚟，大家可以上網search下。

2.當華生送入Shuri個Lab嘅時候佢話 ”Another broken white guy?” 即係話之前都有一個白人送過入嚟，就係講緊End-credit scene嘅Bucky喇。

3.反派Killmonger出生地Oakland其實係導演Ryan Coogler嘅出生地同埋係一個1966年成立都係叫Black Panther嘅政治團體嘅成立地，仲係喺Marvel出咗黑豹呢個角色幾星期後成立。

4.飾演T’Challa爸爸同佢爸爸後生時候嘅演員係兩父子嚟：Atandwa Kani, John Kani

電影有起碼3個位係向漫畫致敬
－同犀牛打鬥
－被扔落瀑布
－黑豹裝嘅金色頸鍊

相關影片：
看黑豹必知的漫畫知識
https://youtu.be/IY9Y0559IG0
《黑豹》Black Panther 香港版製作特輯 - 彩蛋！
https://youtu.be/_fnPV4i_Zx8
【影評+片尾畫面】黑豹|彩蛋
https://youtu.be/tebkAeKCcAE

想留意更多我的動態，記得緊貼Ernest Docrazy
Ernest Docrazy社交平台：

Ernest Docrazy channel:
https://www.facebook.com/DuoCRAZYTokyo/
Ernest DoCRAZY facebook:
https://www.facebook.com/ErnestDoCRAZY/
Ernest instagram:
https://www.instagram.com/ernest_pch/

「叱咤頒獎有咩咁好睇？」唔知幾時開始，當有人話要睇叱咤嘅頒獎典禮個陣，身邊有啲朋友都會用呢個問題嚟撻返你轉頭。我諗由無咗4台聯頒開始，香港人都逐漸少咗睇香港樂壇嘅頒獎典禮，我自己都唔例外。由細細個睇啲歌手上台講感言睇到跟住一齊喊，睇Eason同古巨基爭男歌手金獎到2010年因為版稅風波以致四台聯頒開始無咗之後，我會覺得呢十年嘅香港樂壇喺網路普及嘅情況下係經歷改朝換代嘅變化。

喺呢條片，我想以一個觀眾身分分享一下2020叱咤樂壇頒獎典禮有咩咁好睇。

叱咤嘅頒獎典禮我由識聽歌開始已經有追，由03年嘅古巨基回歸樂壇感動講出「我最鐘意唱歌」，到陳奕迅攞過十次男歌手金獎同埋連續9年攞我最喜愛男歌手。我每次睇頒獎禮都好想睇到自己鐘意嘅歌手唱live，睇得好感動又肉緊。但大概去到一個位因為版稅問題有啲歌手唔可以4個台嘅頒獎典禮都出席到甚至攞到獎嘅時候，我就開始少睇咗。直到今年2020年尾，我返到嚟香港，緊貼住我聽嘅係一堆廣東歌，係唔單止一個歌手嘅歌，有林家謙、JER 柳應廷、Jace Chan陳凱詠、等等唔同歌手嘅歌，我突然覺得香港樂壇好似比起以前多咗好多好嘅歌同歌手。

再睇埋2020叱咤樂壇流行榜頒獎典禮，我就發現2020嘅樂壇比起以前真係多返好多色彩。

第一大重點我覺得係因為2年前嘅全民造星造就返香港人嘅偶像出嚟。呢個電視節目唔單止令人與人之間多咗連繫同話題，仲令到一班香港人鐘意返本地嘅嘢。喺樂壇歷史嘅男團入面，除咗Boyz好少少有好多一出嚟都比人狠批，就算自己鐘意男團與否，MIRROR確實成功打入香港樂壇，坐擁一班fans。其實姜濤嘅歌同埋人都攞獎相信大家都唔會意外，因為第一個意想不到攞呢個獎嘅歌手早在2015年已經出現，吳業坤攞我最喜愛男歌手已經係樂壇因為網絡而開始改朝換代嘅分水嶺。當年我仲好記得SNS開始普及，而坤哥係少有用SNS都用得多嘅歌手，因為呢個獎年年都係投票選出嘅所以森美喺15年頒獎嘅時候都講過一段經典嘅說話：

所以15年同16年坤哥連續攞呢個獎除咗係「民意」，仲係話比其他歌手同佢哋嘅fans知道個世界已經唔同咗玩法，跟唔上就好快被時代淘汰。而呢個亦都係我認為嘅第二大重點嚟㗎。喺網絡時代當道嘅世界，全民造星誕生出嚟嘅人贏到人氣贏到口碑，所以姜濤攞獎只係再一次話比大家知時代已經唔同咗。而森美喺頒獎嘅時候都講出一啲類似嘅說話。再者，我認為當晚姜濤嘅歌藝已經好過某部分出道以久嘅歌手。

第三我會覺得係香港今年嘅樂壇多咗唔少高quality嘅歌曲比大家揀，再加上我哋喺網絡都會搵一啲啱自己嘅歌嚟聽，變相就算係一啲非主流嘅音樂都比以前剩係大眾媒體操控曝光個陣多咗唔少曝光率。我哋多咗好多渠道去接觸不同嘅音樂。我自己就認為林家謙嘅曲同編係Canton pop入面有自己風格，而佢幫陳奕迅作嘅《是但求其愛》加埋小克嘅詞我會認為係陳奕迅久違嘅廣東歌神作。當然除咗林家謙，好似Serrini同Perse呢啲非主流嘅音樂人都能夠打入大眾嘅耳仔入面。因為時代改變，新人多咗機會曝光，唔同嘅音樂人都可以有自己嘅平台製作，可以話有種難得一見百花齊放嘅感覺，多咗咁多人討論本土歌手同作品已得係一件值得開心嘅事。

最後我想話，其實每代都會有每代嘅明星。因為時代嘅轉變，每代嘅明星定義同感覺同會隨時代改變。好似我係90後，就嚟30歲，以前聽極都係陳奕迅古巨基個啲，再多啲都係張敬軒陳柏字。上一代個啲明星係張國榮、梅豔芳，講到陳奕迅上一代嘅人都覺得比下去啦。所以其實無得咁樣比，大家要接受時代嘅轉變，欣賞返當代有份努力嘅音樂人。當然以前嘅歌手好重視唱功同台上功架等等嘅專業態度都好需要被重視，不過呢啲嘢都係每人有自己準則，比起無人再討論廣東歌，多返咁多人關注已經係一件好事。

唔好再問：「叱咤樂壇頒獎典禮其實有咩咁好睇？」不如今年比啲時間去留意下聽下新嘅作品，下一年再去投票比你鐘意嘅歌或者人啦。有得嗌下點都好睇啦啩。


每天關注我的9UP狀況：
https://www.instagram.com/ernest_pch/