諗sir 收 息 倉的八卦，YOUTUBE和Yahoo名人娛樂都在討論

士佳：唔少投資者睇市非黑即白，問你揸唔揸得，你話「麻麻地」，佢就話「咁沽囉」，其實市場大部份時間是混沌，呆呆滯滯，茶杯裡的風波，係投資人煞有介事，高位以為出好消息，衝入去揸，低位沖入去沽博壞消息，死在自己手上。
我一直叫當上落市，做高唔好估佢突破，低唔好估佢突破向下。
上禮拜五先同學生講完上落市，晚上都有見到我上落市操作，非農數據一出，跟風向好一轉，跌了咁耐，真向好會一條氣，叫回可走，微賺了少許，轉跌改沽，沽就要小心，因當夜期已在297XX，除非你博突破，否則已近近來低位，要見好即收，上面已講有大原則，「不博突破」所以賺100多點就食，跌到295XX，唔知跌完未，無動作，但回升至298XX挾上，破番數據後的頂，唔駛諗，298XX跌至295XX必然係震倉，震倉幅度如此大，升幅必大，實行揸唔平，即係揸倉但不會快平倉食糊。
學生只知我做揸唔平，希望現在明白多點，我用的是技術心理的分析，學生中也有睇好的，用的是基本分析，殊途同歸，Jimmy睇中晒，Jimmy不反對下，輯錄給大家研究吓。

“I think it is good news. The non-farm data is much better than last month, which means the economy is improving. But the data is worse than the market forecast, so it might mean the economy is not too hot, which might mean three interest increases for this year will be enough. Dow future roughly stays the same, so market is not scared about this data at least.”

“The bad news in the non-farm report is the unemployment rate is below 4.0% for the first time after year 2000. So market may also interept that the low non-farm data is due to full employment. If market thinks that way, it means the market is indeed too hot, and might see interest rates increase of more than three times this year. This might drive down the market.”

現在環境當然都係反覆，後市點睇？等到有300至400點利潤就平倉，個人來說，係會有小小博反覆偏上的衝動，因為已經三上三落，上落市左六次，凡事不過三，今次唔博上落市，但也不會大手博突破，都係突破後先重注，今朝平完倉如果稍為回落加番多d貨就算，當然唔會重手，因為突破向下都唔係好出奇，重手都係等突破後先做，點為之突破？跟得我耐既學生會知，讀者就要等突破後，我地再通知了。

Sky Sir 執筆

［搞咁撚多嘢就係每個月收五千蚊息？］我真係醉了

1. 呢壇嘢，昨晚都想寫，但你知幾時個問題都係時間太少題材太多（所以快啲幫埃汾實現全職寫作啦下）。蘋果呢個獨家真係一絶（https://bit.ly/39Pf3UY）

2. 如果 TL;DR嘅：精華一段—　你搞咁撚多嘢，我冇睇錯的話，最後係點？頭7年未有正現金流，第8年之後一個月5000蚊正現金流！Are you 北京杰丁 me？搞咁撚多嘢，頭七年白做，第八年一個月收五千蚊？！？！你會唔會去援交／炒iPhone會簡單啲？或者你訓身買波會簡單啲，至少唔使上報紙。

3. 其實有好多個角度，而我一般都好少阻行家搵食。一來剃人頭者人亦剃其頭，有冇道理都好，無啦啦畀人狙擊都唔多好玩，今日我搞人，他日人搞我嘛。二來，我估所有行業都係，但金融業，最吸引人嘅三個字，唔係CFA唔係CPA，係OPM，Other’s people money．三來，都好似唔止講過一次，好多時，我覺得啲輸錢嘅人，係唔抵可憐嘅。講到尾投資嘅嘢，冇人拎支槍指住你。除非係騙局（但，有時唔係咁易定義），否則，願打願捱啦。我同呀咩Ken Sir全不相識，但亦唔使針對佢或乜，根本唔知乜水。

4. 講返正題。呢壇嘢，我覺得有幾個啟示

5. 使乜搞到咁撚複雜呢？講真，呢啲借低息買高息嘅嘢，埃汾多年前都認真諗過，大把人諗，亦大把人做過。好聽啲嘅，專業投資者嘅，咪carry trade咯。流啲嘅，咪借私人貸款然後買中電咁咯。埃汾做耆英個年代，銀行水浸到出過真係零息嘅貸款，手續費都冇，全零。但當然你借唔得大，咁你咪可能十皮嘢，買中電，執三厘息，幾千銀咯。都OK架。喂我仲要冒埋中電股價跌嘅險，或者銀行有hidden charge嘅險，股票佣金都可能要兩三百。冇話唔得架。

6. 高深少少嘅，咪借錢買債咯，之前幾年好多好多人做。又係嗰句，知道自己做緊乜就得啦。債息六七厘都嫌唔夠嘅，私人銀行借埋錢畀你倍上去咯。咁但，債價跌落嚟你咪可能要補孖展，或者間公司真還唔到你咪滔滔籮時。有幾難明？講撚左十鳩幾次啦，呢個世界上邊有穩穩陣陣六厘息。硬係咁簡單都唔明。

7. 講返，我就唔撚明，搞到咁撚覆雜，做乜柒。借低息買匯控我明，但，搞咁撚大場龍鳳，突擊九層塔，搞一大輪，「屌咪又即係借低息買匯控槓杆再槓杆」。咁撚樣畀十皮嘢？真係抵埃汾同埃汾啲讀者冇發達，因為我地太有良心。

8. 細細個我就好執迷睇啲推理小說，諗撚埋啲完美犯罪。大個同人傾，就知，搞咁複雜只係為咗讀者好睇。根本真正犯罪就好簡單。投資投機都係。舊文有寫（https://bit.ly/2yIDTWP），索羅斯打爆英倫銀行，就只係一個信念，英國跟歐洲匯率，但歐洲（主要係西德）經濟好，加息，英國開始頂唔住，索羅斯睇死英國政客，必定退出歐洲匯率機制，就沽英鎊。一役賺咗10億美金，1992嘅10億，英倫銀行就輸30億。史上最偉大嘅投機，一百字唔使講完，做嘅亦只係狂沽英鎊，有幾撚難明？

9. 同樣地，你睇其他著名投資投機者嘅signature trade，全部簡單易明。畢菲特buy and hold可口可樂之類不用講，但仲有佢08年趁美國投資銀行就死，用極之優厚嘅條件科水畀佢地（換著而家就係發死人財人血饅頭），趁人病就壓價壓到最後。仲有李嘉誠點樣股災都堅持供股，用埋啲錢發展地皮買平貨。或者近啲嘅，the big short，勁人睇死CDO次按之類必爆煲，大手沽空。就算而家N咁多人鬧火燎森（我唔識佢，唔使幫佢講嘢，但亦唔會結怨），最初點？都係話簽卡買中石油嘛。咁固然佢食晒個浪佢好彩或叻仔，但都有風險，但一樣好易明，就係做桿杆買股票，嗰浸升成咁佢又落到車，咪叻仔。衰咗嘅，你咪唔會見到佢個名出現。但使唔使搞到行動1288咁？

10. 以上當然全部係survivorship bias，但，共通點係乜？全部簡單，易明，中學生都明。你搞撚柒到九層塔電腦大爆炸嘅，係乜？就係CDO。08年前好多華爾街大行數學家亦係搞呢啲東西去忽悠散戶，甚至行家。

11. 類似嘅比喻，Martingale betting，你身邊總有幾條自以為天才嘅茂利同你提過。我拎一百蚊去買大細，唔中嘅double down，買二百蚊，再唔中嘅買四百—「咁應該唔會咁黑仔十舖都唔中掛」，「機會率千份之一都冇」—是真的，不過你執粒糖，而到嗰千份之一出現時，你輸仆街跳海。同樣地，有個變種，詹培忠話見和波有3倍買落去，唔中再買大啲云云（https://bit.ly/2JLFSiE）。

12. 問題在邊？咪講過，堆土機前面執銀仔，好彩你執少少，出事你條命都冇埋。呢類東西唔係騙局，但個asymmetric risk太大，而人腦處理呢啲嘢就好易出事。早幾年個個去short VIX，超市經理都發達，又係等一個位全部死撚晒咁解。舊文寫過幾次（https://bit.ly/2wgQKBI）（http://bit.ly/2HirCgL）（https://bit.ly/2Rivoev）。硬係重覆同樣錯誤。

13. 你搞咁撚多嘢，我冇睇錯的話，最後係點？頭7年未有正現金流，第8年之後一個月5000蚊正現金流！Are you 北京杰丁 me？搞咁撚多嘢，頭七年白做，第八年一個月收五千蚊？！？！你會唔會去援交／炒iPhone會簡單啲？或者你訓身買波會簡單啲，至少唔使上報紙。我記得好似2月時你買拜仁慕尼黑拎德甲都仲有1.2定1.3。喂，幾個月，兩成幾三成回報喎—分分鐘作廢都唔使輸錢有得回水。

14. 另一問題亦係，你見啲人成日講回報率幾多幾多，其實錯焦點。你廿萬身家拎兩萬去買隻嘢double，又如何？人地兩百萬身家買隻嘢10%好好多。當然你話鬼唔知，但那有錢呀你老母。咁，其實係咪應該投資落自己度，打份你份工呢？真的，年青人，個本咁細，我任你點炒，叻極咪幾十萬，好多錢？會唔會係提高自己人工係實際啲？一個fresh grad，人工升五倍嘅可能，點都大過你隻股票升5倍—何況你人工五倍後個本大咗N咁多

15. 所以你可以恥笑埃汾推啲嘢唔掂，29000仲叫你買股票，但你會唔會輸到跳樓？咁我都未跳樓啦。事實，包生仔咩？十次有五次半中已經好好，你可以睇下基金經理表現如何（https://bit.ly/3e1GpuA）。仲有我言行合一，雖然因為工作關係不能買股票，但至少我個倉位一路加，冇一邊叫你買股票一路自己沽（雖然我根本睇唔到咩衝突，講到我好似幾百億身家咁）

16. 以上種種，嘅問題，都係一個字：貪。我就真係唔撚明，點解唔可以正正經經買股票買樓？硬係諗埋啲咁嘅濕鳩發財大法，仲以為自己好撚醒。係啦，feel smart又係一大問題。你啲發財大法，一早有人諗過啦。甚麼Martingale betting買唔中就加倍唔會咁黑仔輸足廿舖，仆街，幾百年歷史啦。

17. 錢真係易搵。。聽聞啲友，畀十皮嘢去聽啲咁嘅嘢！最發就梗係呀主辦人自己。但又講真，佢冇呃你喎，佢唔係呃你啲錢買佢自己啲嘢，或者夾份做生意虧空你啲錢，或者收回佣喎（我唔相信匯控會有畀佣佢）。戇鳩還戇鳩，慘得過有人肯畀？我又睇唔出有咩好唔妥嘅地方。怪咪怪你信。

18. 香港地真係遍地傻西。但又，其實呢啲好主觀。我都話咯，我同我啲朋友梗係覺得啲友低能啦，十皮嘢聽呢啲。但咪以前講過個比喻咯。你覺得有錢人包明星低Q能，「咪又係女一條／仔一條」，佢又覺得你幾十蚊紫薯拉絲食垃圾之嘛。呢啲嘢真係可以相當主觀。埃汾梗係覺得自己有心，但一樣大把人覺得你班友戇鳩仔睇條財演寫嘢仲要科幾舊水。真係好難講呀下。最緊要自己過癮。

—————————————
版務：收費專欄已推出，支持埃汾高質文章。幾舊水睇三個月，一星期三篇

請去呢度訂：bit.ly/2wVXndj
課程編號填: CC01
科咗水後後有Login及Password畀你

逢一三五入去 homebloggerhk.com （見到就睇到《事先張揚》），亦睇得返以前嘅文。一般我都係會黃昏出文嘅。

以下是Sky Sir 友好：棋亮撰文

雖然特朗普指拜登操控選舉，但他亦同意讓權力就選擇結果轉移。市場普遍對消息感到正面，焦點應該很快重回中美關係。周末，中國、日本、南韓、澳洲、新西蘭及東盟十國昨在東盟網上峯會簽RCEP，將廢除逾90%工業產品的關稅，相比美國近年抬頭的貿易保護主義，亞洲各國新簽的協議甚為重要，即使供應鏈從中國搬至其他東南國家，區內貿易愈緊密，就會有愈多機會出現，亞洲成為未來環球經濟增長中心的機會也愈來愈大。

恆指上周五加入外賣仔、中國運動服及國際啤酒，踢走英資綜合企業，令成份股數目多達52隻，進一步讓中資企業，佔據恆指的更大部分，這些變動令恆指愈來愈有能力，行下一個中長期升浪。國指也出現相似情況，正加入愈來愈多增長股，雖然波幅會放大，但比之前金融電訊為主，中長線出現增長機會較大。兩隻指數的吸引力正提升。

周五電競蛇終於有較似樣的反彈，資金又開始諗返新經濟，個股部署暫時不變，淡倉升穿阻力就平。

棋亮執筆

⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️
收看最新最齊的資訊，在設定「搶先看 / SEE FIRST」！
步驟：
成為「張士佳-Sky Sir」專頁的粉絲
點選【追蹤中】的方塊，位於【已讚好】旁
點選【搶先看】，最新貼文就唔再漏