【11,000蚊嗰間公司話要告我 賀一賀我5千likes】
我好記得點解會開呢個page......
有一次， 我個Candidate去Interview， 嗰間專做神秘顧客服務嘅大公司， 派出兩位黑晒面嘅Department Head， 以相當惡劣嘅語氣去進行面試， 後來問返個HR究竟發生咩事? 係咪想試下Candidate嘅EQ， 結果答案係， 嗰兩個Department Head當日啱啱為公事嘈完， 所以係我個Candidate唔好彩。
另一次， 我聽住一個行家以欺騙嘅手法， 叫一個Candidate放棄原有工作， 去應徵佢手上嗰份Telesales， 即係成日打嚟問你借唔借錢嗰啲工。
又有一次， 有個後生仔嚟見工， 但佢好似對個世界冇晒希望咁， 原來佢之前誤墮求職陷阱， 俾間保險公司呃咗返工， 最後做唔到Sales Target， 保險公司搵大耳窿追返佢啲人工。
每一個人都搵過工， 我都做過求職者， 我喺度諗， 個世界係咪真係要咁玩法呢? 唔係去偷去搶去呃去氹， 付出時間同埋勞力去搵食啫！所以我開咗呢個Page， 希望分享作為一個HR， 作為一個Headhunter， 我所見過嘅一切不公不義。
礙於任職嘅公司， 同埋正職嘅身份， 實在唔可以好似其他Page咁樣， 叫晒啲親朋戚友畀Like Like， 結果我只係畀咗5至6個識嘅人知道， 我一直喺度諗， 冇叫朋友撐場同埋Share， 想累積到100個Likes都難啦， 但係好好彩， 2017年4月4號出咗第一個Post之後， 我遇到好多個「您」， 因為您哋鍾意睇， 《辦公室日報》先可以一個一個Like咁累積返嚟。
然後到康仔個Post， 好開心可以同您哋分享日常辦公室嘅搞笑嘢， 但我好快又發現其他Page會偷你圖， Share當然無任歡迎啦， 但佢哋係會加自己Logo， 當成自己嘅資產， 唔少仲係幾出名嘅page， 只可以怪自己輸經驗， 以為將圖片完完整整出街係最好。其實幾好笑架， 幅圖係出自我手機個Whatsapp， 但出現喺人哋個Page， 有人哋Logo， 嗰種「擺明偷你嘢， 你吹呀」嘅感覺， 真係好荒誕。
本來個Page去到5,000 Likes嘅時候， 打算整張靚靚圖同大家分享喜悅， 不過噚日Inbox又收到啲抵死訊息， 搞到我有感而發， 香港雖然已經愈嚟愈唔似香港， 但我相信呢度仲有言論自由， 唔公義嘅事如果因為驚得罪人而唔敢發聲， 咁個社會就真係好恐怖。
《辦公室日報》雖然冇Flyday， 新假期咁多Like Like， 但呢個Page有自己嘅使命同埋方向， 您哋每一個Like， 每一個Follow， 我都好珍惜同埋重視， 我真係會睇你哋邊個Like咗架， 好多謝您地每一個人嘅支持， 希望下一個里程碑再補返張燒炮仗圖， 同大家一齊Yeah Yeah Yeah！
記得like同share個page 在 ️小薯茄最大尺度演出 今個聖誕同我睇爆《聖誕夜 - YouTube 的八卦
... Page : https://mewe.com/p/pomatohk Group: https ... Comments79. Ah_Kit. 所以最後富哥都係講咗Christmas Love Share 唔係Christmas Love Sharing . ... <看更多>