如果你聽到有人講：
「傻啦～我唔係外表協會既人，我只欣賞一個人嘅內在美！」
千祈唔好信！
人天生就係視覺動物，嗅覺、聽覺、觸覺都不及其他動物靈敏，所以習慣「以貌取人」。
不過咁樣唔代表人類係膚淺嘅，因為人嘅大腦構造非常精巧，運算速度快，協助你避免危險。
當對方第一次與你見面，第１秒已斷定對方對你有咩印象。而且呢個「１秒印象」，仲會維持好耐都唔會變…
社會心理學稱之為「首因效應」，即第一印象效應。人類大腦比較關注最先得到嘅訊息，將眼前嘅人歸類，話你知呢個人有冇危險。
曾經有一個心理測驗，叫工作人員扮演學生，完成一些學校嘅題目。
工作人員Ａ大部分答啱既題目係試卷「前」半部分。
工作人員Ｂ大部分答啱既題目係試卷「後」半部分。
再交畀唔同老師評核，結果有９０％老師都認為，工作人員Ａ係比較聰明。
哈佛大學嘅心理學家亦進行咗一項實驗。
第一部分，向實驗參加者播放１０秒無聲影片，影片係一名教授授課過程。
睇完影片後，問參加者對教授嘅印象作出一系列評分。
第二部分，實驗改為將１０秒影片改為２秒，再問另一批參加者對教授嘅印象。
第三部分，訪問「真實上過教授一整學期嘅學生」，叫佢哋評分。
實驗結果係，三個部分評分幾乎一樣。
實驗證明當我哋第一次認識某人，即使對佢毫無認識，亦從未聽過佢講嘢，喺第一瞬間就會做出判斷，認定對方嘅印象。
兩個實驗足以證明，人係以較先得到嘅印象作為主導。
雖然大部分人都以第一秒印象做判斷，但其實唔使太擔心～
因為一個人嘅印象，唔單止外貌咁簡單。
女性係好敏銳嘅生物，佢哋嘅一秒，可以望到好多嘢。除咗睇樣～仲有儀態、服裝、談吐、禮節等等。
如果你約女仔出街，又唔gel頭、成面面油、仲有體臭，畀個韓國Oppa樣你都無用啦～
就算第一次見面嘅印象失敗咗都唔使擔心！有心唔怕遲！
因為喺唔同環境下，以截然不同嘅印象視人，就能夠打破對方嘅「首因效應」。
所以～世上沒有醜男人，只有懶男人…呢句真係無講錯。
秒殺臉油產品：http://gatsby.hk/promotion/facialpaper1806/
#GATSBYHK女神一秒決定論
#一抹清爽
#秒殺面油
#夏天面油可以煎蛋
#記得仲要剃鬚
