**長文慎入**
其實我個人唔太鐘意講政治野，特別係係Lee個Happy Page⋯⋯
不過近年香港發生太多太多唔公平既事，
單單只係投票⋯⋯from looks7
✔️ 票箱鎖匙失踪（新東補選）
✔️ 種票（十姓同住一屋）
✔️ 賄選（蛇齋餅粽、掌心雷）
✔️ 篩選（梁天琦、陳浩天、中出羊子等）
✔️ 退選（周永勤）
所以我想呼籲一下星期日記得投票呀！
用你既一票黎趕走真正想搞亂香港既人。
如果你不幸要收尾或者唔係香港既⋯⋯
都請你呼籲一下你屋企人投票。
點解要 #支持熱普城？
我要俾大家睇睇網民kong yu係look7s講既一番我非常認同並且有L中Point既言論，如果無時間睇長文，以下個一個超短總結：
熱普城先可以幫我地普羅大眾爭取到正真既民主。
黃毓民先生，雖則佢既形象好粗魯火爆，但你會留意佢嘅發言係咁多議員之中最高質素而且言之成理。加上，講去阻止政府粗暴通過不合理法案，我相信相比起一班形象斯斯文文既"好"議員，毓民佢地做到既野更多。而且熱普城由三月提出計劃，做足五個月宣傳，又有節目、文宣、漫畫同埋免費報紙等等,相比起其他政黨勤力得多，有興趣可以睇下佢地用靚靚漫畫，簡單易明Step by Step咁介紹熱普城參選理念同政綱：http://www.passiontimes.hk/4.0/comic.php
＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿
kong yu留言開始：
其實，熱血公民形象一直都唔好：
黃毓民？經常和之前啲兄弟反面，喺又鬧唔喺又鬧，睇吓，呢論又鬧本民/青政啦！黃洋達？粗口爛舌，叫人衝自己縮嗰個呀嘛！陳雲？國乜鬼嘢師？九唔搭八，食咗藥味呀？鄭松泰和鄭錦滿？唔知佢哋喺邊個喎，係唔係成日搞事嗰批呀？
無錯，講印象講形象熱普城都係幾衰吓。但係要明白，入立法會嗰目的係乜。正如之前講過，基本上現在所有泛民説要爭取乜，包括這一輪爭論好多的全民退保，其實全部都一定唔會爭取到，因為根本過唔到分組點票。只要政府唔想過，建制票一定配合，你就連之前討論過的支持新聞言論自由都過唔到。
所以，你選人入去立法局的作用，不是爭取甚麼，而是要阻止政府通過對香港人不利的法案（不要問政府點會提出對香港不利的法案，除非你過去四年盲咗聾咗，否則一堆大白象/三跑、普教中、醫改等等你冇可能唔知）。也就是說，除非所爭取的事是毋需經過分組點票，否則你說爭取乜乜支持乜乜其實都係廢話。
建制派我唔講，道不同不相為謀。往年選入立法會的，除咗人力/社民連/黃毓民，有邊個唔係形象斯文，大愛包容？結果，俾政府/建制㩒住嚟打。講拉布，莫講話部分泛民（係呀，話緊民主黨以及梁家傑呀！）竟然反對拉布，其實只要主席要粗暴剪布，議員根本吹佢唔漲。（呢個位我唔想都要讚一讚曾主席其實算比較公道嗰位，雖然佢都剪過布）。現在你選番舊嗰一批人/黨入議會，除咗形象斯文大愛叫人舒服，其實有乜用？我最記得揚岳橋一入議會，成班老泛民為咗守住佢個大聲公+發言權，結果俾主席粗暴打茅波通過議案！你口才好，專業、斯文、有大愛，面對咁嘅政府，有乜用？
熱普城，係㗎，形象幾衰幾爛仔㗎！連警察都特別針對佢哋㗎！但係，假如五區各入一個，以致議會入面唔係只得一個年近七十的毓民，當類似事件再發生，主席會不會仍夠膽粗暴亂嚟？呢班熱普城會不會有拉布以外的方法阻止政府亂嚟？我唔知，但我確信泛民那班循規蹈矩的議員就一定冇辦法。至於其他斯斯文文的候選人，例如小麗老師、朱凱迪等等，無錯他們可能都是有心人又大愛又勤力，但佢哋會唔會又有些特別奇謀去阻止政府粗暴通過議案？坦白說，我對佢哋呢方面冇乜信心。
更何況，當各競選者說爭取乜爭取物嘅時候，只有熱普城有清晰的目標、時間表、步驟，而又唔駛經過分組點票，政府/建制又阻止唔到，更可以全港香港市民參與，也有一個實質人數公開投票結果的方法。當然，你話佢哋當選後可以反口唔做喎！咁你選邊個入去可以控制佢一定要履行承諾？你又話公投完政府唔理都冇用㗎！係呀，不過除了這個全港市民針對更改基本法的實質數據投票結果，還有其他更強的壓力逼使政府就犯嗎？難道你真的希望/相信香港走上流血革命之路嗎？
所以我會選擇熱普城，因為我係要個有機會真係做到嘢，而不是只有好形象外殻的議員。黃毓民係好似好難相處，又霸道又私怨又嘈，但係你只要認真聽過佢發言，學曾主席話齋，你即使未必認同佢立場，但佢嘅發言是云云議員當中最高質素，言之有物；而你睇番現在的人力/社民連，你會明白點解毓民和佢哋反面；難相處？關我乜事，我選佢去阻止政府通過不義法案，又唔係同佢過人世。黃洋達係粗口爛舌唔斯文，但佢號召力高、人脈廣，當年旺角我親眼見到佢載哂頭盔䕶手/盾參與。陳雲有時FB留言真係九唔搭八，但佢套理論其實是最可行的。鄭松泰係是除了本民前以外唯一個自己多次落區監督港鐵執行阻止水貨客行動的人。鄭錦滿就曾隻身上金鐘大台責難那班圍爐取暖的「齋坐抗爭者」。
當年雨傘運動期間表面上很多人參與，但在學聯號召佔領龍和道當晚，在立法會對出龍和道位，有人真係叫在場參與者走岀來佔領龍和道，其中一位頭有繃帶，毛記方東昇造型（不過是真血）的人甚至話：「我哋唔駛你衝，我哋衝，你哋出嚟企後排支援做様就得。」但係在場幾千人，肯行出嚟企後排的竟然唔過一百！成功佔領後，一大堆人行出嚟打咭影相。然後我知道，是次運動失敗居多。原來話要改變要爭取，但大部分人連做後排行出馬路都唔敢/唔肯做。之後補選，為咗「顧全大局」（但奇怪同一班人就情願超區攬炒都唔肯協調），又丟棄了「魚蛋革命」中走出嚟的梁天琦；到今次，本民前冇得選，青政表現似乎又乏善足陣，熱普城行出嚟有一套清晰目標步驟時間表的爭取路線，是否就是因為他們形象差，又再次棄之不顧，而繼續選那些口講抗爭大愛，面對政府建制派一起打茅波卻無能為力的斯文議員？
＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿
Any肥，
多謝你既一票，
即使你投唔投熱普城都好，
支持你真心"相信"幫香港既人，
盡左你公民責任，問心無愧。
我會真心多謝你＋hope no乞客s For you anymore.
& Have a No爛尾 Weekend <3
#已預備有人Unlike
#覺得有10000like都唔呼籲投票好衰仔
#希望為香港出番一份力
[拉票用] 比大家喺 whatsapp, FB, IG, Telegram用圖，唔駛唔好意思send比朋友，拉得一票得一票。
