其實我一直唔贊成母語教育的。
我生於英治時代，自小很多科目都係以英文學習，我又唔覺得我因為未受到母語教育而自己中文差左。相反，我又真係覺得而家好多人英文差過以前好多，搞到鬼佬都好驚訝（以前鬼佬唔會覺得香港人唔識英文的，而家真係當我地同內地人係冇乜分別，唉...）我自己利申，我英文係差的，但係我好樂意去講去試，錯左就受教。我以前在愛爾蘭生活過一段日子，我在當地同一些南歐的人用英文溝通時，佢地居然讚我英文好！其實香港人本身英文條件真係唔差的，我地自3歲起就學英文，比起亞洲其他地區、南歐、南美等國家仲要早，點解出到去外國會俾人讚，返到黎香港就要俾人踩？
香港人英文差左，未必一定完全關母語教育事，但唔多唔少都有影響。香港人英文本身唔差的，在香港生活係可以全英語化的，如路牌、告示等，都會中英並存，基本上香港人係冇藉口英文差的。
而且，我成日講，香港人要有國際視野，可以嘗試盡量講英文，而要做到習慣英文語景的生活。從前我們覺得喺外國先可以操練英文，事實上，香港人如果以英語生活唔係唔得，而係好多講得好英文的香港人，會好挑剔講得差英文的香港人，令到本身英文差的香港人更唔敢講，唯有只講中文。
要令到全城人都英文好，不妨大家都在無壓力的情況之下，嘗些以英文生活，唔好怕人笑，亦唔好笑人，因為鬼佬都唔會笑我地，我地又憑乜野去笑人呢？
【香港人英文係咪好差？】
我們找外國人問路
看看香港人英文如何
#CENCENCEN #CENTRAL
#TRACE定TRAM
#表達唔到點算好
【足本重温】http://cablenews.i-cable.com/…/Sunday%E6%9C%89%E7%90%86%E8…/
