又係乘的士, 今日, 去屯門.
上車時, 3點幾, 例牌問一句: '入唔入屯門架?'
'入! 上車啦!'
好彩.
上左車, 佢話我地揸的士既, 邊度都去.
我話, 費時阻人交更啦.
佢話啱啱開工, 我係第2個客.
'好開心, 第一個客成百蚊, 而家你去屯門又係長旗!'
我話: '開局個勢好呀, 長旗最好做!'
我心想: 我係長途客你緊係咁講, 如果我短途你唔小喇叭咩?
呢個時候, 佢好似識聽我個心咁, 接筍咁接, 佢話:
'其實, 短途客都好架! 有D行家, 一見短途客上車就黑面, 俾說話D客聽, 何必呢?'
'開心又係咁做, 唔開心又係咁做, 盞自己難受!'
我開始欣賞佢.
他續道:
'試過我係旺角既的士站排成半個鐘頭隊, 結果上咗個阿婆. 阿婆上車, 話唔好意思, 我腳痛, 行唔到, 要去廣華醫院睇醫生.'
'我同佢話唔緊要, 廿蚊錶, 唔駛好多油, 無所謂!'
'老人家, 好辛苦架. 我D行家, 特登唔載, 尤其是輪椅客. 因為行李擺車尾有錢收, 輪椅是免費的.'
'揸的士, 幫下人都好.'
我更欣賞佢, 覺得佢心地好.
佢好似又識聽我個心咁, 說:
'好心有好報架! 你知唔知呀, 我車左婆婆去廣華咋, 婆婆一落車, 咁啱就有客話要入屯門啦!'
'無車婆婆, 就無呢支長旗! 所以做人唔好咁計較.'
'呢個世界, 有因果報應的!'
我愈加欣賞佢, 信報應又點會做衰野呢.
車上稍見清靜.
我打量他, 見佢頭髮斑白, 心中祝願佢仔女生性聰慧.
我真係懷疑佢識讀心術.
這時他突然問我是否教書的.
我說是呀, 他續問:
'你係咪叫張欣欣?'
我話係呀. 他才慢條斯理說:
'我的女兒以前是補你的. 她筆記有你的樣子, 故上車時已覺得你很面善!'
我極度欣賞佢, 因為佢個女識搵我補習中文!!
但無耐, 我心諗: '你個女係唔係考得唔好, 而家做老豆既你想找我晦氣?!'
他仿如答緊我心中疑慮, 說: '放心, 她中化考到B, 而家讀傳理系. 多謝你!'
'!!!!!!"
落車時, 我真係咩滋味都有, 又笑, 又怕,
仲有種好似俾人強姦左內心既感覺!
行唔到 在 雅培NutriVigor® 【吳鎮宇：有冇諗過，70歲你可能會行唔到？】 的八卦
好多嘢你都估 唔到 ，包括70歲 行唔 行到！40至70歲間肌肉量急速流失4分1，想知自己肌肉流失風險係咪屬於高危，立即睇片跟住鎮宇用3秒*check下啦。 ... <看更多>