[資料性特輯 - 東莞零距離]
好耐無見大家
有呢個特輯出現, 當然要多謝高登會員老衲/衲Dee
話晒佢都有份開個post出嚟畀我騎劫
而讀者們閱讀呢個零距離特輯時
我都希望會有把親切而又字正腔圓o既靚聲為大家自動導航
**使用facebook desktop版者請直接按下圖閱讀
----
----
十萬小姐赴嶺南 ，百萬嫖客下東莞 。呢兩句說話 ，相信好多雞蟲都聽過 。
但中央自一三年大力掃黃開始 ，東莞各大小夜場裏面 ，小姐人數已大不如前 ，嫖客有時彈鐘彈足一晚 ，最尾都只係揀到件豬西 ，扑起上嚟 ，望住對方 ，只能夠嘆一句 ：
這麼近 那麼軟。
---
大陸有個流傳o既故仔， 就係講 ，褔建有個中年男人 ，大便出現血塊 ，去咗間肛腸醫院 ，呢度檢查o個度檢查 ，結果被醫生檢定為患咗直腸癌 。
花咗幾萬蚊 ，身體無好轉過 ，再轉介到另一間民營醫院 ，先發現係胃酸倒流 ，影響排便引致出血 ，醫生換咗藥比佢食， 但一樣醫唔好 ，每日堆屎都又黑又實 。
呢個男人最後無錢醫病 ，暴斃家中 ，經過法醫檢驗 ，證實佢係破傷風而死 ，因為一直都無人醫佢粒痔瘡 。
事實證明 ，大陸o既真相 ，係唔死都發現唔到 ，無病可以當成有病 ，整容又可當成無整容 。
我同攝製隊 ，今晚決定冒死嚟到東莞o既厚街 ，一探史上最強掃黃風暴後o既災情真相。
----
大家經常所講o既厚街其實並唔係一條街嚟 ，而係一個鎮 ，全名叫厚街鎮 。三十年前 ，廣東省人民政府批准厚街為珠江三角洲經濟開放區重點工業衛星鎮 ，但呢度最出名o既唔係工廠 ，而係酒店、 桑拿、 骨場、 足浴店等色情場所。
如果福克蘭群島上面 ，最多o既唔係企鵝，而係沙 ；咁全盛時期既厚街 ，最多o既都唔係雞，而係雞蟲 。
厚街鎮面績大約為125平方公里 ，其實一o的都唔細架 ，比o的概念大家 ，九龍同香港島加埋啱啱好都係120幾平方公里 ，大家可以幻想吓 ，如果成個港島九龍 ，你見到o既人唔係雞就係雞蟲 ，場面係幾咁震撼。
----
我地今次o向街上面 ，撞到一個「港嫖」 ，即係香港o既嫖客 ，佢叫阿恆 。
「叫雞都係想放鬆吓姐... 你知啦，香港地，好多人都好似我咁住劏房 ，同老婆o向床尾扑野 ，佢擰轉個身就係爐頭 ，死婆一路比我推車 ，佢仲一路滾湯睇住個火 ，你話我邊度有mood先得架...所以先出嚟玩 ，但無諗到呢度變到咁靜... 」
的而且確 ，我同採訪隊幾年前經常嚟做資料搜集o既酒店 ，已家 ，門口只剩返幾條粗鐵鏈鎖住 ，其他相熟o既桑拿 ，唔少o既大門 ，都有白色封條交叉成一個大大o既X字 ，可以話係重門深鎖 ，水靜鵝飛 。
就似這一區 曾經稱得上 美滿甲天下， 「曾經」， 係最令人惋惜o既詞語 ，暴風過後 ，呢度只係剩返一遍寂寥 。
我地下一節繼續。
-----
蕭條o既背後 ，大家又有無諗過 ，究竟掃黃之前 ，東莞其實係有幾多雞架呢?
原來東莞同香港人口相約 ，都係有大約700萬人口 ，而全盛時期o既東莞 ，性工作者係有30萬人 ，而本港建造業註冊工人亦一樣係30萬 ，換句話講 ，如果全港地盤佬全部同一時間一次過北上叫雞 ，佢地係唔需要排隊o既。
東莞o既情色行業 ，係一個連鎖產業 ，各行各業都同叫雞有關， 呢場暴風雨 ，連寵物店都受到牽連 。
好多小姐離開東莞前， 都會放低佢地o向呢度養o個隻狗畀寵物店 ，然後一去不返 ，寵物美容生意少咗好多 ，寵物店唯有做吓其他外快幫補一吓 。
店主話 ，我抱住o既呢隻史納莎 ，已經畀人遺棄咗幾個星期 ，店主準備會賣佢去廣西玉林 ，畀當地市民慶祝狗肉節架喇 。
嗱 ，你就畀人劏架喇 ，吠兩聲同香港觀眾講句遺言啦 。
唔出聲唔緊要 ，總之 ，呢度雞同狗都走晒 ，名副其實係雞飛狗走。
---
之前講到 ，呢度o既情色事業 ，同各行各業都唇齒相依 ，的士司機更加唔例外 。
好似呢位叫陳九o既司機大佬 ，佢就一定比香港司機好客 ，因為佢除咗會載客外 ，仲會拉客 ，將客人介紹畀相熟o既酒店經理 ，每單佣金可以收到30元至到100元不等 。
但陳九佢已家 ，十點以後基本上搵唔到叫雞o既客人 ，而每晚收入亦由以前o既五百幾蚊下降到得返二百幾蚊 ，僅夠的士一日o既租金 。
「以前最多的是香港人, 現在香港人已很少了」 香港人最鐘意嚟呢度玩 ，陳九係無老屈架 。
2014年2月9號 ，東莞當局一晚裏面竟派出超過6,000名公安搜捕掃黃 ，而金鐘o既九二八催淚彈驅散行動， 香港亦只不過係出動7,000警力 。
當晚 ，大陸互聯網數據中心o既新浪官方微博o向九點半發佈「東莞8小時遷徙圖」 ，顯示過去八小時東莞市用戶向外地流向情況 ，其中移向香港比例最高 ，高達30.2% 。
呢個統計原理 ，係根據開放用戶私隱o既大陸手機Apps o既登入位置變化 ，判定用戶移動情況而得嚟 。
我地電話訪問過美國生物學家威爾森 ，佢話 ，只涉及雄性動物o既極短時間大規模遷徙 ，係極度罕見o既自然現象 ，佢印象中 ，人類史上係未曾發生過
但係其實 ，要證明香港人鍾意上嚟玩 ，又未必要咁多數據o既 ，歌都一早有得唱 : 但我心裡知道 男孩像你 北上跟妹妹拍拖
下一集返嚟，我地會轉戰東莞o既另一個重鎮，常平。
高登原post連結:
http://forum8.hkgolden.com/view.aspx…
行動寵物美容車 在 請問寵物美容的英文是??? - Mobile01 的八卦
請問寵物美容的英文是??? - 因女友最近開了間寵物美容店我所查到的寵物美容英文是Pet grooming請問這是正確的嗎???(閒聊與趣味第1頁) ... <看更多>