// 我 要 的 幸 福
一直相信結婚唔需要五十米頭紗
唔需要硬到除左會自己企起度既裙
唔需要打燈打到舞台劇咁
唔要谷到上頸既既事業線
兩個人自自然然快快樂樂
親人同真心好友陪同在旁就夠了
好多人都話唔敢結婚 因爲要洗好多錢
其實不如諗下嗰d錢係咪真係必要？
鑽石只係一舊carbon 只係商人將佢同永恆掛上等號
又點解要化到個妝執到d相唔似自己先叫靚？
幾十萬的大排筵席 結果同親友單獨傾計的時間都無 又係唔係你要既野？
話說大學既時候去過一個世紀婚禮做helper賺外快
男家係做貴金屬礦既 錢對佢地黎講跟本就唔係錢
當晚喺西九搭左個城堡出黎
新人騎住白馬進場
仲請左索拉奇團隊表演
散場時印有新人個樣既水晶球碌到一地都係
用完一晚的絲絨梳化被運去推填區。
我唔知道呢對新人後來點
但我明白到 婚禮並不等如婚姻。
今次last minute 先決定旅拍
臨急臨忙準備 西裝禮服同婚紗裙都係前一天先到手
頭飾和捧花上機前幾個鐘由好友親手做起
影相當日就將所有野丢入背囊
妝喺巴士化 鼻水又係咁流
有害羞有尷尬有蝦碌
熱情的鬼佬路過見我地set腳架話要幫我地影
無數來自陌生人的congratulations
睇番d相真係好開心
因為係屬於我地由心而發既笑容
喺budapest著住白紗搭地鐵
喺國家公園户外換衫
呢d係我地倆既專屬回憶
咩叫幸福，唔需要由人地去定義
搵到一個陪你簡單而隆重既人，就係我既幸福。
#自己婚照自己影
#腳架是好朋友
