🗻
Day11
今朝有史以來最早九點出發
天晴氣朗心情非常好（發現天氣對我真係好大影響）
今日既路線分兩條一條係舊東海道行山
一條係國道416號行海邊我就揀左海邊
順利地行左十公里之後入隧道前有經驗知道會涼
所以想著番件風褸先發現留左係酒店
係度諗「唔通要行番去？」或者
到左清水駅搭車番去拎但係又違背左我呢個旅程
最後叫酒店送去今晚酒店（搞掂）
行完隧道一出去行左陣山路（基本上係車路）
比我見到萬里無雲既富士山
果下都幾感嘆又行近左東京一大步
行多陣比我搵到個位同佢合照（發現大家都係兩截色）心滿意足搵午餐食
見到間舊蔬果店（八百屋）有靜岡蜜瓜賣就諗住當午餐
我去問伯伯如果買一個可唔可以幫我切開
佢拎起個「靜岡小姐」彈兩下同我講好硬未必甜
不如開比你試左先唔岩食就佢地自己食
最後試食完佢仲話可以賣半個比我（810円）
真係感受到果種人情味（雖然真係唔夠甜但好味）
繼續沿路向清水駅附近既居酒屋進發
食左兩間之後就行多三十分鐘番到酒店
今日勁多斜路同勁曬超攰！！！
今日既偉論係
路係死既人係生既
揀自己鍾意嘅路又去到目標就得啦！
東海道五十三次十一日目
藤枝駅➡️燒津駅➡️清水駅
約33km
📷Facebook有多啲相
🌈Ig story就好多廢片(今日少左）
#東海道五十三次
#gogokwangortokaido
#tokaido53
藤枝天氣 在 桃源藤枝寶山二集團布農族聚落！海拔1300公尺。 - YouTube 的八卦
... <看更多>