華加整體助長器的八卦，Yahoo名人娛樂都在討論

《人生得一知己死而無憾 之 如果你的知己是一個仆街，真係唔使恨》
　
今日慶祝一位多愁善感嘅朋友生日，呢位朋友幾年前失戀。我諗大家身邊都有一位咁嘅朋友，佢失戀，佢日日都鄘俊宇加 middle 加亦舒加瓊瑤上身，真係痛到好似日日M 痛加盲腸炎無限復發咁。一班朋友輪流安慰佢不果後，開始笑鳩佢「使唔使傷咁耐」。
　
如事者，一班仆街朋友幾年來都無間斷恥笑佢時刻都「習慣失戀」...
　
※　上上上年，我地送左個一比一人型周秀娜攬枕，以解佢寂寥。我地唔俾膠袋佢包住，仲約左無雷公咁遠食飯，朋友當街當巷抱住個周秀娜返歸，俾我地恥笑左成年。
※　上上年，我地淘寶淘左個微型華加整體助長器俾佢，鼓勵佢增高後，提升個人魅力，再戰情場。
※　上年，我地笑佢失戀無心工作，送左個「縱使失戀工作至上才爭氣」嘅蛋糕，希望佢分散注意力，轉戰職場。
※　我地再接再厲，力求創新，今年送左個「全靠當天喜歡過錯的人」蛋糕俾佢，餐廳全場熄燈，我地大聲唱左今年嘅生日歌俾佢聽：「全靠當天喜歡過錯的人，今天先會自我解窘，明白小小的失戀不害人，更加添我成熟感，無法一起都總算愛過些人 ...」
　
我地好mean，好仆街，但其實我地心地好善良...
通常仆街嘅朋友，都係心地善良嘅。我地想朋友開心，但我地只識用仆街嘅手法令朋友開心。人生得一知己死而無憾，如果你知己係個仆街，就真係唔使恨，有幾多朋友，會為左笑鳩你，落咁多功夫？
　
生活就係挫敗再挫敗，然而，有一班朋友唔 mind 你挫敗，再踩多你一腳取笑你，係唔係好窩心先？
　
朋友，生日快樂。
　
PS. 今晚離開餐廳嘅時候，waiter 指住我地同佢同事講：「佢地就係『全靠當天喜歡過錯的人』啦」，想同 waiter 講聲 thank you，你影嘅相真係「留住溫度、速度、溫柔和(朋友的)憤怒」。

《來到大年初五，同大家分享兩個拜年故仔》
　
大家都做過細路，大家都明，拜年其實係一個比較細路高矮肥瘦嘅場合。櫈都未坐暖，就要企起身背對背度下邊個高。我有一個細我幾個月嘅堂妹，過時過節食完飯，我地就會被要求表演背對背度高。咁多年來，有時我會無啦啦高佢少少，有時佢會無啦啦高我少少。只要我「輸」左，我呀媽就會話：「鬼咩，隻野唔郁架，無運動咪唔高囉」，然後阿嬸就會遇到知音咁講：「係呀，我個隻又係唔郁架，唔高得幾多架啦」。
　
根據江湖傳聞嘅「M 來無得高」定律，有一年我同我堂妹都先後來M，我呀媽同呀嬸終於有conclusion，我係矮啲架。「M 來無得高」定律的確好啱，我地都真係無再高過，往後佢地終於都唔再要求我地度高。
　
我大個左再諗返，我矮好明顯唔關我唔郁事啦，好明顯係因為我爸媽唔係高呀嘛，儘管我日日使用華加整體助長器，都唔會高過姚明。長輩好鐘意將細路嘅任何缺失，歸咎於細路努唔努力，但好多野，關鍵同致命嘅源頭根本就係長輩自身嘅基因，但長輩永世都會忽略佢地係我矮嘅罪魁禍首，佢地會斷定我矮係因為我唔郁。
　
※※※※
今年親戚聚頭，我嬸指住我堂哥塊面，同我呀媽講，「你睇下佢額頭呢度，幾個月前無啦啦生蛇呀，而家有達『啦』」，我望一望佢，丁屎咁細達，唔講真係唔覺。呀嬸再講：「好彩個醫生一睇就知，叫左佢平時出街唔好食埋哂啲垃圾野啦，搞到塊面幾肉酸」，我即時大笑起來，生蛇好明顯係無啦啦生架啦，關食垃圾野咩事？我同我堂哥講：「你出街記住唔好呼吸呀」。長輩係好興將所有健康問題都歸咎於你出街食垃圾野。
　
當日飲茶我地叫左魷魚酥，又俾班長輩話：「食埋咁多垃圾，生暗瘡咪就係咁囉」。喂，我其實個日無生暗瘡，同埋我都好少生，間唔中生一粒，都唔一定關條魷魚酥事架下嘛。
※※※※
　
我覺得長輩對於年青人有兩個假定，第一就係年青人做錯，一定係年青人本身有問題，長輩永遠是對的，佢地唔覺得自己可能就係罪魁禍首。第二個假定，「年青人點解得到惡果？就係因為無聽「我」勸，而家衰左啦，係咪抵撚死？」
　
對於初一旺角事件，我知好多長輩就係用左以上呢兩個假定。「啲後生搞搞震，又唔聽啲老野勸，而家畀人拉，真係抵撚死」。我想講，唔係啲後生搞到香港亂，而係你班老野無喺你地後生個時，搞好香港交畀我地班後生，而家我地係來一鋪先死而後生，撥亂反正。香港就係畀你班無撚用嘅老野搞撚亂左，我地仲點會聽你地一班無撚用嘅老野勸？
※※※※
　
初一「暴亂」後，社會出現左三班人，第一班就係撐義士嘅人，第二班就係撐警察嘅人。仲有第三類人，呢類人好「中立」話：「雖然官迫民反，但警察都係打份工，好同情警察，唔應該縱火拋磚」。我好希望有一日地陷，地面好似版塊移動咁，分開左右兩邊，我就睇你呢班人表演「男人心一字馬」，睇你點每隻腳企一邊，我就睇你仆街死。
　
成件事，我覺得抗爭義士咪就係支持光緒維新嘅珍妃，689咪係只會割地賠白銀深居簡出嘅慈禧，警察咪就係幫慈禧推珍妃落井嘅太監囉。如果太監好大力推珍妃去死時不幸受傷，你會唔會同情班太監因工受傷先？
　
太監係慈禧個邊，你都仲幫太監？有無搞撚錯？

<<唔知大家仲記唔記得「全靠當天喜歡過錯的人」？>>
　
兩年前我曾經同大家分享過，我有一個經歷失戀傷痛嘅朋友，失戀失咗勁耐，日日都鄺俊宇加 middle 加瓊瑤加亦舒上身，痛到日日都m痛加盲腸炎無限復發咁痛，當時我哋一班仆街朋友見佢咁痛不欲生，於是不停喺多年嚟恥笑佢。
　
我哋曾經送過周秀娜攬枕，以解佢寂寥，亦試過買華加整體助長器，鼓勵佢增高增加個人魅力再戰情場，都送過「縱使失戀工作至上才爭氣」蛋糕，希望佢專心工作，而兩年前我地就喺佢生日，訂咗一個「全靠當天喜歡過錯的人」嘅蛋糕繼續恥笑佢。
　
咁又過左兩年，呢位朋友最近點呢？
(班仆街朋友叫我好似鏗鏘集回顧舊檔案咁，講番呢兩年呢位俾我地恥笑左咁多年嘅朋友嘅轉變，同埋點樣將佢個生日恥笑行動昇華)
　
好似那一天我們會飛個首主題曲所講，「青春怎會零創傷」但係越創傷，個人就會越有進步，愈會成長......
呢位比我哋恥笑多年嘅朋友，除咗擅長失戀之外，其實都有遠大嘅理想，佢醉心於攝影，上年佢辭退穩定嘅工作，全職轉做freelance photographer ，真正咁捉緊生活濃度，喺佢嘅作品坦白流露感情和態度。
　
除此之外，呢兩年佢對人生好似睇化咗，而家全心禮佛，佢嘅轉變，就好似紅孩兒壞事做盡最後都修心養性咁。由於佢呢兩年全心禮佛嘅關係，我地呢班冇放棄恥笑佢嘅仆街朋友，都適當咁調整同昇華我地嘅恥笑行動。
　
上年佢去咗靜修，我哋就訂咗個「大佛蛋糕」，key咗佢個樣上去，仲對佢有一個祝願，希望佢以後，可以用生命影響生命，發揮 大愛，普渡眾生。 我哋仲送咗頂佛陀冷帽畀佢， 希望佢禪修嘅時候唔好冷親個頭，用心思考。 而我哋唱嘅生日歌，已經由「全靠當天喜歡過錯的人」改為「觀自在菩薩」嘅心經。
　
今年我哋察覺到佢年紀已經唔細，於是精心製作咗長輩圖， print 喺蛋糕面，一來celebrate 佢同張關愛座嘅距離又拉近左一年，二來希望佢明白生活有好多挫折，要有屢戰屢敗嘅精神，思考色即是「胸」嘅險惡，希望佢搵到一個唔會「令佢令佢令佢令佢再度再度灑淚兒」嘅人。
　
年復一年，我覺得同呢個朋友慶祝生日，就好似Christmas celebration 咁(近年係似佛誕啦)，我地真係好重視佢個生日，當係annual dinner 咁搞，當年我地諗住恥笑下佢失戀失咁耐，漸漸佢嘅生日成為大家嘅回憶同經典。我地喺恥笑佢方面， 係別出心裁，用心良苦。
　
朋友應該對於擁有我地一班咁用心嘅仆街朋友感到「執到」，你需知道，唔係恥笑咁簡單，其實唔重複地恥笑你，係難架。
　
你年年生日比我地恥笑，呢份快樂真係一啖砂糖一啖屎，好彩我地年紀一把，可幸係大家都有一顆腦筍長期未生埋嘅童心。
　
呢位曾經痛不欲生，而家浴火重生嘅朋友，祝你生日快樂。

#愈仆街嘅朋友真係愈善良架

※※ 緊隨JASON的最新動態 ※※
▶J的Facebook：http://facebook.com/jason9527
▶J的Instagram：http://instagram.com/hunggy9527