Search
仲有一個星期就首播，又有多啲節目內容公開解禁喇！
淨係睇預告就已經感受到份寒意... 👻
想知現場發生咗咩怪事，就要由 7月16日 晚上10點30分 開始，追實 ViuTV 99台 #入住請敲門2 ！
時辰到，《入住請敲門2》返嚟搵你啦~
今輯住均泰國馬來西亞極陰極邪嘅猛鬼酒店，好驚，勁驚，但幾驚你都要睇 (或者迫旅行腳睇)，如果唔睇，又點知邊間有嘢吖.....
莫竣名 MCM Louis 專登去探訪「朋友」，在曼谷出晒名 dirty 嘅 XXXXXXXXXXX Grand Hotel 唱招魂禁廣東歌《夜夜痴纏》。
呢首歌喺電台播親都出事，何況仲要喺泰國鬼酒店邊敲玻璃邊唱～要驚一齊驚，快啲搵 fd 陪你睇片！
#有冇住過有冇見過
#入住請敲門2
#7月16日起逢星期一至五
#ViuTV99台晚上十時半
以上影片中的部份節目片段由 Viu TV 提供
噚晚冇《入住》睇，有冇啲唔習慣呢？
Viutv 特別準備咗《#入住請敲門》鎖匙扣送畀您哋！
只要跟以下規則參加就有機會攞到：
問題︰如果有《#入住請敲門3》, 你覺得要去邊度? 點解?
快啲去 ViuTV 個Post留低您哋嘅意見，8月12日截止！
【ViuTV送你《入住請敲門》別注版鎖匙扣!👻👻】
《入住請敲門2》播完，有一個謎依然未解——
點解沙膽二人組更沙膽？點解林婷會大膽咗？
可能或者因為，佢哋居家旅行都配備咗呢個鎖匙扣，
等佢哋定定驚，保平安，提提自己入住前要敲門！
既然係咁，我哋而家就準備咗七七四十九個鎖匙扣畀大家，
想要嚟傍身嘅，畀啲提議我哋，答呢條問題！
問題︰如果有《入住請敲門3》, 你覺得要去邊度? 點解?
答完記得重溫《入住請敲門2》：http://bit.ly/2NlEy5x
再重溫《入住請敲門》：http://bit.ly/2xuosDt
參加方法:
1. 參加者須到以下連結回答問題及填寫個人資料
https://event.viu.tv/hauntedrooms
2. 於「ViuTV」Facebook 專頁及此貼文按讚。
3. 分享此貼文並設為「公開」狀態。
4. 參加者須將你的答案貼在留言一欄。
評審標準：截至2018年8月12日晚上12時正，當中49位最具創意貼文會被挑選為得獎作品。
49位最具創意的參加者，每位可獲得ViuTV送出入住請敲門別注鎖匙扣一個。
活動參加者必須為年滿十八歲或以上。
遊戲時間︰即日起至2018年8月12日晚上12時正。
主辦單位會郵寄獎品給得獎者。
本活動受條款及條件約束。
http://www.viu.tv/event-terms-condition
莫竣名 MCM Louis Lam Ting 林婷
[方以文 問兩句][Jeffery Lai 黎學勤]
揀酒店，有酒店男神Jeffery幫你。溝女？都有佢為你完美示範。佢同莫竣名 MCM Louis主持嘅《一路向西伯利亞》進入直路，到底佢哋邊個溝女多啲已經唔係重點，重點係睇佢哋用咩方法溝女，仲有點樣畀啲女拒絕。Louis之前主持《入住請敲門》經已知道佢係傻嘅，但原來Jeffery都唔弱。見到佢正經得嚟又成日有啲老尷嘅樣真好得意呀喂。嚟，聽吓佢講咩！btw，記住，今個星期六先係最後一集，2030~2130呀，同《波士早晨》大結局打對台。
_____________________
問：當初知道個節目係去溝女，感覺如何？去之前有冇咩準備呢？女朋友有冇嬲呀？ 😂
答：反而最大感覺係西伯利亞！聽講係冰天雪地，聽講冇啖好食，聽講好多靚女，一直聽講咗好多西伯利亞嘅資料都好期待同興奮。事前準備都集中喺保暖，唔想自己冷親影響拍攝進度。女朋友有冇嬲？拍之前佢已經話會集集睇足㗎喇，咁我以爲佢好支持我啦，下一句就話：「有咩追我時冇對我做過就秋後算帳！」[按：睇嚟做返畀佢都冇用喇，要加碼再做多啲先得]
_____________________
問：拍節目之前對Louis形象如何？合作之後有冇改觀？
答：拍之前我哋只係見過一、兩次面，未認識對方嘅，俾我感覺佢好Cool對眼又大咁靚仔，識落先知原來佢咁talk得！瞓得唔夠佢的確好文靜好沉鬱，休息得夠佢火力全開（對女嘉賓）。總括嚟講呢次合作係好快樂嘅，拍攝後期我哋已經互補不足都建立咗一定嘅默契，Thanks bro。 [按：hehe，我都覺得你哋幾夾呀]
_____________________
問：16集你哋兩個虜獲咗20個少女心，有冇邊個地方嘅女仔特別難接觸呢？
答：有咗菇菇Translate再難接觸都俾我哋兩個搞掂咗！但少女心真係好難捉摸，呢樣無國界嘅 💔 [按：菇菇Translate呢個term真係佢講呀，係咪好Cute Cute？]
_____________________
問：你同Louis一動一靜，全世界有冇咩女性動物會不為所動呢？
答：我諗係阿媽！由細睇到大你話有咩佢未見過😏😏
_____________________
問：咁多集，你自己覺得最勁嘅溝女招數係咩呢？有冇邊part你覺得最浪漫？有冇邊招你覺得okay但最後失敗呀？
答：最勁係借衫俾佢地！原來西伯利亞人都怕凍～最浪漫我覺得係睇星星嘅，雖然好凍但望住星空真係好靚。但以為睇星星最work咩？蒙古國女仔一句：「我哋成日都見到，所以唔覺特別喎！」終結咗我心心眼……
_____________________
問：觀眾封你做暖男同冷面笑匠喎，你覺得自己暖唔暖，好唔好笑呀？
答：暖男，我覺得係感覺嚟嘅，可能係我成長環境影響，我有一段時間要照顧媽媽，暖男是這樣練成的。冷面笑匠就第一次聽喎！多謝😁 [按：呢個係冷面笑匠嘅準備答案] 如果話自己好笑就變得唔好笑㗎啦，呢題留俾觀眾俾分。
_____________________
問：嚟緊有咩動向？之後除咗酒店廣告仲有咩地方可以見到你呢？
答：除咗搵酒店嘅廣告之外，我最近亦參與咗港台節目嘅拍攝工作。 [按：記住~ 睇住廣告等Jeffery新作品啦~]
_____________________
#方以文問兩句 #黎學勤 #ViuTV #一路向西伯利亞 #Trivago
