《大角咀型格cafe fusion 菜滿足你多個願望🇪🇸🍢🥃》
Eaaat here可以話係大角咀一間都幾出名嘅餐廳，除咗俾人感覺型格之外，今次試過後發現嘢食都真係好好食😋。餐廳除咗提供西餐、串燒🍢同西班牙小食🇪🇸外，仲有多款酒精飲品可供選擇🍻🍹，
📍龍蝦汁虎蝦海鮮意粉（$158）
Tiger Prawn, Seafood with Lobster Sauce Spaghetti
意粉比平日嘅幼身，口感非常煙韌。醬汁蕃茄味自然🍅，而且可以包裹每條麵條，味道香甜濃郁🍝，絕對唔係茄膏嗰種死酸👍🏻。配料有多款海鮮，包括帶子、海蝦🦐、青口、魷魚圈🦑同蜆。值得一讚帶子半生熟，嫰滑鮮甜好高質。另外仲有有咬口嘅冬菇同蕃茄做配料，味道豐富😍。雖然食唔出龍蝦味，但係只當佢係蕃茄意粉食真係超級出色。
📍烤牛骨髓牛小排（$398）
Roast Beef Bonemarrow Beef Ribs
牛小排被跟筋膜包圍🥩，筋膜食落有咬口，肉質軟嫰，肥瘦均勻，中間顏色嫰紅，牛味幾香💕。旁邊嘅炸蒜都炸得好香好好食🧄。牛骨髓都係一大重點，用嚟配多士非常好食❤️。成個味道都好出色，不過以價錢嚟講份量就比較少，定價較高。
📍免治雞肉棒（$45）
Minced Chicken Baton雞串配上原隻蛋黃同濃郁嘅醬汁，味道其實唔錯，唯一喺外層比較硬，如果口感可以軟滑啲應該會更出色。
📍士多啤梨蘋果金寶伴雪糕（$108）
Strawberry Apple Crumble with Ice Cream
呢間嘅蘋果金寶淨係睇賣相已經非常突出，原支甜筒放上枱🍦，將佢督爛後再混合蘋果金寶一齊食。除咗有香甜軟林嘅蘋果🍎同餅乾碎🍪，佢個base仲做到好似蛋糕仔咁🧁。加上酸酸甜甜嘅士多啤梨🍓同提子乾🍇，再混和雪糕同脆筒，口應豐富，味道討好。
同平日嘅蘋果金寶好唔同，除咗有蘋果同餅碎，仲好似多咗蛋糕，食落唔會過乾，估唔到加埋甜筒一齊食成件事更加昇華🤩。雪糕令成個口感更加濕潤，同時脆筒又可以增加口感，再加上士多啤梨同提子，唔會過甜幾好食。
📍Ka Shin Street ($88)
(Gin, Elderflower Syrup, Fresh Lemon Juice, Cucumber)
味道清新，檸檬味🍋同青瓜味🥒突出，酒精味唔強，應該大部份人都handle到。
📍Hot.here ($88)
(Gin, Ginger Juice, Fresh Lemon Juice, Lemon Grass)
飲咗第一啖已經有好濃薑味，鍾意薑嘅朋友仔絕對唔可以錯過😙🤟，整體感覺清爽而且檸檬味突出🍋，係個唔錯嘅選擇。
.
Eaaat.here (大角咀)
大角咀嘉善街18號利奧坊地下G704號舖
.
#草根食在大角咀
. @ Eaaat.here
草根豐味雪糕 在 [問卦] 大家吃過草根豐味的類雪糕冰棒嗎？ - PTT推薦 的八卦
看板Gossiping標題[問卦] 大家吃過草根豐味的類雪糕冰棒嗎？ ... 因為本人對於綠豆沙情有獨鍾，立馬挑選了”草根豐味”的珍珠綠豆沙雪糕，不顧女友的 ... ... <看更多>