【三口八胃實驗室】今日要同大家拆解下呢間位於賈伯樂提督圓形地嘅「℃ by Temp.溫度」，初初以為呢度只係一間行完條斜路上嚟；比路人買杯嘢飲補補腳骨力嘅茶飲店，嬰兒你太年輕喇，不知幾多識飲之士翻越斜路慕名而來呀！無論係咖啡、台式茶飲定輕食，呢度嘅表現都非常理想，冇hea位又啱價，同店名嘅步伐一致，有齊溫度同誠意㗎！😍😍😍
✌🏻小農拿鐵
用咩鮮奶就唔多講啦，咖啡豆陣容有日曬嘅巴西代表同水洗嘅埃塞俄比亞代表；萃取出嚟嘅咖啡渾厚香濃，平衡度拿捏得好好，台式飲品店都有啲表現咁出眾嘅咖啡陣容，其實真係幾驚豔！順帶一提，如果需要重量咖啡因，加濃度係免費㗎。
✌🏻洛神花莓果茶
連個樽都係特別設計，將茶葉同乾果分得清清楚楚，就算一飲而盡都唔會成口渣。
✌🏻瑰麗鳳梨茶
先以烏龍茶做base，再加入以新鮮菠蘿自家熬煮嘅菠蘿湯同百香果，兩種水果自帶嘅酸味平分秋色，清爽有層次，而甜味來源都唔惹小㗎，以現兜兜嘅玫瑰花糖漬成玫瑰花蜜，真係少啲心機都唔成事呀！
✌🏻炭焙觀音拿堤
將深焙嘅鐵觀音茶葉同鮮牛奶組合埋一齊，深邃嘅茶香同清甜嘅奶香互相勾結，每一啖，都係甘甜與共嘅解說。
✌🏻煙文魚三文治
煙三文魚、牛油果、雞蛋、番茄、蘿蔔同青瓜齊齊頭，輕食嚟講佢算霸道㗎喇！
℃ by Temp.溫度（鏡湖店）
賈伯樂提督圓形地55號繁榮大廈地下B
電話: 28726529
時間: 07:30-20:00
#FookU福利團 #福利就在你身邊 #品味與玩味 #只可兼得 #有福齊享有肉齊長 #澳門 #澳門美食 #美食 ✌🏻左我地就唔會走寶!Facebook：http://www.facebook.com/FookUnion/
