幾張相幾篇回憶
GOGOVAN MOVING ART做八折我都嚇親, 點解可以咁, 兩個字, 報恩, 報一個三年前"好"字的恩。(下面千字文, 又講歷史, 如無時間可先離開)
2014年尾, 公司快要結束時我拿着一幅有九架車的電腦畫去大埔SUP總部見亞John, 當時我們只係賣迷你花盆種植套裝"小農國"俾他們的供應商, 話我們公司想用最後一筆借回來的資金開6套車仔模創作9款車。
我問道: John, 可唔可以幫幫手派50間中華, 商務, 三聯, 好唔好賣都好, 一年唔好落架。
John答道: 好
可能他今天未必記得, 但係就係他一個好字, 令我做了公司二十年最重要的決定, 用最後一口氣花最後一筆渣打銀行借來的資金做左頭9款香港火柴盒車仔, 才成就了這三年香港情景夢。
人就是要飲水思源, 好多人話大公司無情無義, 我其實覺得也不盡是, 2008, 2009年渣打銀行收我們一張虧蝕30萬的財務報表都肯批一筆過百萬資金助我們渡過難關, 十年來每年賺蝕都繼續支持, 多謝Andy. 如果唔係亞John一句好, 今天微影已經唔存在, 感謝在最困難時雪中送炭, 所以兩天八折, 其實不太好, 但恩人, 真係無計, 風𥚃風𥚃去, 火𥚃火𥚃去。
今晚11:30pm得13度, 真正寒風細雨, 多得小新, 雄哥, 陳生安排下, 我同Dennis夜媽媽去小巴站上左新豐田19座Coaster度尺, 雖然拿了授權有原廠圖, 但是本地化的泵把, 內装, 排椅, 八達通, 那跌親人的黄色梯級全部唔同日本, 所以今晚齋度內籠都用在個半鐘, 剛到時在站內見到架新紅蛋富豪前衛, 好新好靚, 不過住左廿幾年, 見住由白板, 到金巴, 到今天紅蛋, 我十多歲到今年四十歳, 真係一眨眼的事。而TINY 1/110 九巴紅蛋富豪前衛的模過年前會試出來, 大家唔駛估係唔係1/76縮出來, 我可以好肯定答唔係, 如果係copy1/76, 十月已經可以賣緊, 就係做到好好, 所以花多了半年去設計好, 講無用, 出來便知。
今年公司廿週年, 可能都要出部超級特別版車仔去送俾廿年來不離不棄的朋友, 同事, 拍檔, 客人, 廿年來由eBay仔做到今天, 有驚有險, 有血有淚, 全靠一班風雨同路的兄弟姊妹, 前輩客人同大家義無反顧支持同幫手。
今早會展setup, 一看回歸B2B show, 就想起2002年開始做Vstank, 由2006年香港玩具展開始, 2007去德國玩具展, 2008年美國RCX show, 2009 北京模型展 2010年上海, 廣州, 東京, 2011年中東杜拜, 同Mariko, Pinky去世界巡迴擺展覽, 大大小小參加過五十個展會, 由玩具展, 禮品展, 電子展, 購物展, 甚至環保展, 食品展, 花展我們都去過擺展覽, 找Distributor, 跑廠救廠, 見客, 到今天回望這二十年的旅程真的難以置信, 我們的同事真的好忙好勤力同好好學, 公司生意産品不斷變同進步, 他們真的學到, 進步到, 跟到, 每個人獨當一面, 才創造到去年近五千萬營銷的奇蹟。
以前去德國玩具展見Siku做好多德國車仔, 去静崗模型展見Tomica做好多日本車仔, 去紐約玩具展見Hotwheels同Greenlight做好多美國車仔, 而Oxford Diecast同Corgi做好多英國車仔, 今次用"TINY" 而不用Toyeast擺係想話俾人知, 我哋香港雖然細, 但都可以有能力出自己地方既車仔玩, 雖然比起德國HO Scale百年基業的火車模型仲有段距離, 不過憑着打不死的香港精神, 好快就有一個系列超越, 感謝Fabian林生過去兩年的精神時間。
而我, 擺B2B展最大挑戰, 咁多年就係我自己都頂自己唔順的普通話, 最記得去上海展, 上海客情願叫我講返廣東話都唔想我繼續説普通話下去。
明天setup, 其實説真的, 比起Toysoul, 只有兩成的展品, 無計, 5萬蚊一個Booth, 租4個都廿萬, 如果要Toysoul 11個位咁, 在TDC show要60萬....所以算了, 4個夠晒數。
星期一開Show, 心情輕鬆, 來自世界各地的Hobby Buyers, 我會同他們説聲, Toyeast are back, Tiny City, Big Dream。
