［超低能，勁搞笑］英國監管當局忽然轉向，而家又話亞馬遜入股Deliveroo唔反競爭了。（https://bit.ly/3an5blU）
1. 其實就真係唔關我事，到呢刻我都冇用過外賣app。不過早排寫過文，又快手講下個故事。最最最初，係大半年前，亞馬遜宣佈入股Deliveroo（https://bit.ly/3cnrh9g），45億港紙。其他咩Just Eat， Delivery Hero 之類，全部應聲大跌。多隻香爐多隻鬼，何況入場嘅係無堅不催，最多錢燒嘅亞馬遜（親，亞馬遜今年又再升咗兩成幾，首富光頭佬身家又拋離大家一大截，你以為疫情可以攬炒有錢人？think again）
2. 然後，就到肺炎。同好多人想像中唔同，肺炎之下外賣app公司一樣大鑊—餐廳都唔開你叫乜外賣？況且，大把人工都唔返，一係炒咗一係work from home，仲點會叫外賣。月頭寫過(https://bit.ly/3cww3S0)
3. Deliveroo特別大鑊，因為亞馬遜入股單嘢，一路要等競爭及市場管理局（CMA）批—而我唔知外賣 app都要管咁開心。
4. 當時，就當然係攔住，原因？話反競爭喎。點解？話以前亞馬遜都諗過入呢個英國外賣市場，如果批佢入股Deliveroo，就代表亞馬遜重返呢個市場嘅機會低咗。笑死未？英國呀大佬，唔係埃塞俄比亞。
5. 呢度都未係最好笑。最好笑係，而家，就係另一套。而家呢，就話唔入股，Deliveroo可能會執，咁就用家叫唔到外賣喎，有機會加價喎。死未？而家又唔會減低亞馬遜親目落場嘅機會啦？點解唔係執咗Deliveroo亞馬遜更加有機會落場呀？
6. 仲唔明個荒謬位嘅，一句講完：點解三個月前，同一單行為，係反競爭。而家，同一單行為，就有助競爭？你話情況唔同—咁即係，呢啲咩監管機構，係廢嘅。你今日話係反競爭，聽日可能唔係，反之亦然。
7. 你睇返前後佢嘅嘅理由，兩個都咁好笑，仲要自相矛盾。最初，居然係有新公司投資會減低競爭？完全唔明，定覺得Deliveroo好賺錢唔靠亞馬遜唔係有肺炎可以頂好耐？
8. 而家仲好笑。英國咁撚撈tech，冇第間外賣公司？明明就有。執咁一間有乜所謂？Deliveroo點解唔執得？執咗會加價？咁理論上所有公司執咗，都係利好現有公司架啦，即係公司唔可以執？外賣仔咋大佬，我地唔係講緊雷曼或者波音飛機或者General Motor下話？死一間有乜關係？未有外賣app前你食屎的？我從來都唔用都係咁生存，都唔好講你在英國仲有三四檔可以用
9. 講到尾，你唔明嘅，我話你知：呢啲乜乜反市場監管，實在全世界都係咁昆吉。我亦唔知佢地條界到底點樣劃，點樣計孖劇些牙。無線同亞視計？定計埋收費電視？定應該計埋NetFlix？任你。都寫過，公司上市啲文件，就個個寫到自己係龍頭。我係川港式雞煲龍頭，100% 孖劇些牙—其他啲雞煲係港川式，落雞先定落椒先係兩種唔同食物，正如鰻魚都有關東風關西風，唔同。但到過反壟斷時，就個個都冇乜孖劇些牙—拿，我在日本料理個市場份額好細架咋，仲有亞洲料理呢，仲有食樹皮呢。
10. 點解Deliveroo不能倒？好撚簡單，因為，係英國公司。仲有，好歹都請咗批外賣仔。當然最理想係繼續英國公司，而家賣畀美國佬，都冇計，但好似冇話係控股（只係話最大舊：咁三成都可以係最大股東）。（最新睇到話可能16%，即係仲係唔係美國佬話事）。
11. 根撚本，由頭到尾，就係保護主義，保住英國公司—我敢講，其中一個批嘅原因，就係因為亞馬遜只渣16%—如果渣到過半啦喎？到時又變返會影響競爭了。
12. 見到最搞笑嘅地方未？根本呢啲監管機構，咪就最反競爭咯！操生殺大權，你可以想像當中有幾多收買貪污，延後利益，同埋造就幾多advisory，律師，同埋啲 lobbyist嘅rent seeking
13. 你唔畀間會執笠嘅公司執笠，咪就係最反競爭！再問一次，Deliveroo咋大佬，百年英國驕傲，定雷曼定波音飛機呀？
——————————————-
版務：收費專欄已推出，支持埃汾高質文章。幾舊水睇三個月，一星期三篇
請去呢度訂：bit.ly/2wVXndj
課程編號填: CC01
科咗水後後有Login及Password畀你
逢一三五入去 homebloggerhk.com （見到就睇到《事先張揚》），亦睇得返以前嘅文。一般我都係會黃昏出文嘅。
英國外賣app 在 推介英國搵食及外賣APP - YouTube 的八卦
擔心在英國無啖好食? ... 咁就要睇下這些 APP 可唔可收幫到大家啦! ... 英國# 英國外賣 #UK #英國生活#英國移民#manchester #london #ResDiary ... ... <看更多>