今晚有冇支持食平D? 有支持請舉手🙋🏻♂️好啦又係派福利時候，尋晚個茄子煎蛋充滿驚喜，有冇試煮🍆🍆🍳🍳？支持我就記得俾👍🏻同埋share啦❤️
【食好D食平D🍦食譜~7 】
<茄子煎蛋>材料:
茄子 1 條, 雞蛋 3 隻, 甜菜脯粒 25 克
做法：
1.先將整條茄子放火上直燒至外皮焦黑，去掉外皮後剩下原條茄肉，再用叉將茄肉壓平，撒上適量生粉。
2.雞蛋加入少許生粉拂匀，倒入碟上，放入(1)塗勻。
3.燒熱油鑊，下(2) 煎至香脆，放入甜菜脯粒，翻轉另一面煎至金黃香脆即成，可按個人口味撒上蔥花及椒絲。
<豆瓣醬炆牛腱>材料:
牛腱 2 條, 豆瓣醬 1 湯匙, 麻婆辣醬 1 湯匙, 櫻花蝦香辣醬 1 湯匙, 碎冰糖 1 湯匙, 香葉 2 片, 蒜頭 4-5 瓣, 薑片 5 片, 洋蔥(切角) 1 個, 甘筍(切角) 1 條, 指天椒 1 隻
做法：
1.牛腱洗淨，切件備用。
2.先起油鑊爆香薑片、蒜粒，下(1) 、洋蔥、香葉、甘筍、冰糖爆炒，加入豆瓣醬、麻婆辣醬及櫻花蝦香辣醬炒勻，最後加入原隻指天椒，倒入適量水(約 300 毫升) ，再按需要下鹽調味。
3.將(2) 放入高速煲，選擇炆燉模式，炆煮 30 分鐘；或蓋好蓋以細火炆約 45 分鐘至 1 小時即成。
<象拔蚌乾花膠湯>材料:
象拔蚌乾 8 條, 花膠筒 8 隻, 淮山 25 克, 豬腱 450 克, 陳皮 1片, 棗 2粒, 蓮子 20 克, 百合 20 克, 玉竹 20 克
做法：
1.象拔蚌乾預先用凍水浸泡。
2.豬腱先以薑片、紹興酒汆水備用。
3.藥材類沖洗乾淨備用。
4. 使用萬用鍋 ，水滾後放入所有材料(除花膠)，煲 1 小時 30 分鐘 ;或大火煮沸後轉中小火煲約 1 小時 30 分鐘。
5.最後下花膠，再煲 30 分鐘，下鹽調味即成。
<酸菜鵝腸>材料:
鵝腸 300 克, 酸菜 70 克, 紅尖椒(切角) 1 條, 青椒(切角) 1/3 個, 唐芹(切段) 2 條, 蒜頭 (切片) 3 瓣, 薑粒 1 茶匙, 麻油 少許
做法：
1.鵝腸先氽水，再放入白醋沖洗乾淨備用。
2.酸菜反復洗淨後瀝乾，再下適量糖和白醋略醃備用。
3.先起油鑊爆香蒜及薑，加入(1)爆炒，下適量鹽及紹興酒快炒後盛起，將多餘水份倒出，留少量加入生粉及生抽拌匀作芡。
4.另起油鑊，下（2）爆炒，加入紅尖椒、青椒、唐芹、再加入（3）鵝腸翻炒，下適量糖調味，最後下（3）芡汁，加入麻油炒匀即成。
#食好D食平D食譜 #肥媽食譜
