【食好D食平🧀食譜#24】
深夜放毒，粉紅色芝士火鍋你食過未?? 肥媽今集教嘅食譜真係好似去咗瑞士旅行咁正👍🏻👍🏻芝士怪必學😁😁芝士全部都係芝士👏🏻👏🏻
#食好D食平D
<焗三色椰菜花>材料:
椰菜花 1個, 紫色椰菜花 1個, 橙色椰菜花 1個, 綠色椰菜花 1個, 荷蘭芝士碎 適量
做法：
1..將所有椰菜花取中間位，切成約3-4厘米厚片，下適量黑胡椒及鹽調味。
2. 將油鑊燒熱，下（1），每邊煎至表面微焦黃。
3. 將(2)放入焗爐，以200°C，焗約20分鐘。
4. 取出(3) ，撒上荷蘭芝士碎，再放入焗爐焗至芝士溶化即成。
<焗酥皮牛肉環>材料:
免治牛肉 400克, 方形酥皮 2塊, 蘑菇 (切粒) 2粒, 麵包糠 5湯匙, 芝士碎 30克, 麥皮 1湯匙, 雞蛋 1隻, 洋蔥 (切粒) 1/2個, 蛋液 (掃面用) 適量
做法：
1.先起油鑊將蘑菇粒炒至乾身，下適量黑胡椒及鹽調味，放涼備用。
2.將免治牛肉、洋蔥粒、麵包糠、麥片、荷蘭芝士碎、雞蛋及（1）拌匀，下適量鹽、黑胡椒、紅椒粉、香草調味，拌勻成餡料，再撻至起膠。
3. 將(2)搓至圓環狀，放入光波爐或焗爐，以250°C焗6-8分鐘至表面乾身，放涼。
4. 將煮食紙剪成圓形，放上酥皮，均勻塗上蛋液，鋪上芝士碎，將（3）放芝士面，再撒上芝士碎，蓋上另一塊酥皮，修圓並切走多餘酥皮，將正中央酥皮切掉成圓環狀，再用叉於圓形外邊位壓紋令酥皮黏合，均匀塗上蛋液。
5. 將（4）放入焗爐，以220°C，焗約40分鐘即成。
<芝士火鍋>材料:
荷蘭芝士 (切粒) 250克, 紅色香草芝士(切粒) 250克, 水牛芝士碎 隨意, 麵包粒 適量, 白酒 250毫升, 豆蔻粉 1茶匙, 檸檬汁 2湯匙, 麵粉 1湯匙
做法：
1.在芝士火鍋中，加入白酒、豆蒄粉、檸檬汁，以小火煮至微滾。
2.加入荷蘭芝士及紅色香草芝士，煮至完全溶化，最後撒上麵粉，不斷攪拌至濃稠，放入芝士火鍋專用架上，小火保溫，食用時以麵包粒蘸上芝士漿。
<芝士雜菜牛骨湯>材料:
荷蘭芝士皮 10-15片, 洋蔥(切件) 1個, 西芹(切段) 1/4棵, 番茄 (切件) 2個, 甘筍 (切角) 1條, 牛尾骨 600克, 香葉 2片, 茄膏 4-5湯匙
做法：
1.牛尾骨先汆水備用。
2.水滾後，下（1）及所有材料，大火煮沸後，轉中火煲約45-60分鐘即成。
