如果呢個聲明日期係2047.7.1，唔理你。
但而家係2020。
一個承諾，一份聲明，一份合約，
最緊要係個Terms：履行日期。
文化演藝界人仕：
你哋簽咁多片約，發行合約，出版合約，版權合約，演出合約，
簽好咗2047年release，
而家人哋話2020就要嘞，
你理乜嘢解，支乜嘢持呢？
你有無問，乜好趕咩？
名單之中，好多係尊貴既老闆，
各位老闆：
如果你哋同正常人類搞合約係咁順攤就好啦，
對方想早27年搞好你又理解，
要早27年埋單結數你又支持？
唔好話27年吖，條數叫你早27日找，
你都同佢死過啦吓嘛？
原本係「挺」50年喎，
未到一半時間就趕住出？
「早出」好有問題係其一；
其二，你哋支持立港版國安法但又要有創作自由空間？
即係同意俾人剃光埋頭頂幾條毛仔嘅同時，
又希望有把梳打理吓你回復茂盛嘅毛髮咁呀？
其三，文化人寫嗰幾行字，
好心唔好用「重新出發」草草埋尾啦，
香港文化演藝界幾時有團結一齊向創作自由空間出發過？
再出髮，講緊你個頭呀？
#自選早洩剃頭再出髮套餐
#趕住要
