《拒絕廣告的理由…那天，我拒絕了「自由鳥」搵我落廣告》
對於成個2019年只有兩個廣告Post嘅我嚟講…
有客話想落廣告，多數得兩個可能性：
1. 佢認錯咗我係其他人
2. 佢認錯咗其他人係我
好複雜，總之多數混吉。
但上個月…我竟然收到 自由鳥 Birdie 嘅「報價inbox」。
坦白講…我真係一笑置之。呢啲大brand使乜搵我？
擺明係手痕報下價，肯定無回音。
正所謂冇期望冇失望，
所以我好快覆咗句「Thx but no.」
點知佢下一秒就影咗個「員工number」畀我…
呃…佢真係唔知世途險惡，工作證呢啲嘢咁易就Show...
見佢個人咁忠直，我唯有婉轉啲：
「我指thanks但不了 ;) Sell人旅行用？大把人用緊啦，你哋咁好用，唔使搵我賣廣告啦，蝦蝦。」
佢：
「Thanksss, but we would like to feature the local service in this campaign. 」
我：
「本地？哦，冇合約縛死呀嘛。
其實好多人有兩部手機，一部自用一部商用，實有部用自由鳥㗎啦，而家你哋 1- 6am仲免費任用Data，臨訓前上網煲劇一流，個service咁好，係唔使賣廣告㗎，蝦蝦」（心底話：至少唔使搵我…）
點知佢仲未放棄，我都有啲嬲嬲哋，決定出絕招。
我：
「嗯，其實你知唔知成個二月，我出咗幾多篇文？1篇咋（真實數據)！我唔Active㗎！」
佢再「輸入中…」
我：
「無理由搵我囉！
我上兩個Post…得200個like㗎咋！（都係真實數據）
你唔好掟啲錢落鹹水海啦…呀唔係…係死海至真！」
佢：「The performance is not a main point…」
OK，我嬲了。
我：「咁即係亂落呀？求其落？大把錢？喂，我唔想你嘥錢啫！投資喺我身上會溶斷㗎！」
佢又覆了。
好！我都準備好解釋埋自己個「溶斷機制」佢聽。
點知佢之後嘅一句，
足以令我20日內溶斷4次。
「呀…張先生，我哋唔係求其㗎。因為今次係想滲少少『靜靜哋贏』嘅Msg！話畀人知就算個Campaign Make唔到Noise，都會引到人用！
所以欣賞你夠低調…
啲廣告文，出咗好似冇出咁。
啱晒我哋嘅brief…」
對話框停止咗47秒。
當我知道真正原因之後，內心五味雜陳…
「出廣告無反應」嚟講，我係專才。但我唔想承認！我都想有一次...寫廣告文係有人理有人鍾意呀！！
我終於忍住淚：「Sorly…呢個廣告，我寫唔出。」
而佢好平靜：
「其實，你無發現咩？你差一句，就講晒啲product feature，寫完呢個廣告㗎啦。」
我恍然大悟又靈機一觸：
「唔通就係…12GB嘅月費都係HK$140，無合約！連每晚1-6am數據任用， 轉台/開新線全程網上搞，口罩都慳返！」
恭喜晒！我寫完咗一個廣告。
而你，都好好人地睇完咗一個廣告！
後記：
呢個係我2020年嘅第一個廣告post（都好有機會係最後一個！Yeah）
因為近年少咗時間寫嘢，有時畀人Quote價，我都驚寫完冇人Like，累咗人哋（所以求你輕輕一Like）
所以一開始自由鳥搵我，我真係當混吉而Hea覆…好在佢哋冇放棄我！
於是「拒絕自由鳥」呢個idea就應運而生。
而我自己出trip都有用自由鳥，感覺良好！
所以你想本地無合約上台，入呢條Link啦，仲多4GB：
https://r.brd.hk/birdnoup_regnow
靜靜雞了解更多：
https://r.brd.hk/birdnoup_knowmore
#自由鳥birdie #自由鳥mobile #希望呢個廣告有人睇
自由鳥birdie 在 自由鳥Birdie - YouTube 的八卦
自由鳥 有咩正？ 全online嘅本地電訊商，由上台/轉台到交電話費，全部上網透過簡單步驟就完成，足不出戶 無合約，可每月隨時按自己需要轉plan 每月交費後 ... ... <看更多>