【真人閒事一則】
十一年前某一日
我同呢位杜汶澤先生第一次單獨食Lunch
小薯如我當年日日都有幸可以/被迫要見到佢同YT
好聽啲講係同佢兩個開會
實質係睇佢兩個演講
講返嗰一日
平時Lunch多數YT請客開住會食
嗰日YT唔知係咪有大茶飯出咗去
淨返我同澤先生
澤先生身為孤獨膠層竟然叫埋我出去食Lunch
於是佢就揸住佢架房車車我落九龍城茶記食飯
食飯過程冇乜特別
係埋單時發生咗少少狀況
話說膠層同小薯食飯就梗係膠層請客
但我好衰唔衰竟然扮有禮貌咁諗住夾返一份
問題嚟喇
我！竟！然！唔！見！咗！銀！包！
澤先生聽到之後
（我單方面認為佢）露出咗一個「嘩唔係呱咁嘅藉口都講得出？」嘅眼神
然後佢話：「得啦我畀啦」（親切）
唉，好好地畀佢請冇咁七
最七係畀佢以為我扮唔見銀包
最慘係我返到公司當然搵得返個銀包
我唔記得帶出去而已
呢單嘢我估阿澤先生都未必記得
咁多年嚟我亦都冇提起過呢件七事
故事未完
十一年後嘅今日
阿澤先生約咗我出嚟食Lunch（見圖）
我突然諗返起呢件事
事前我諗住「今次等我畀」
點知到埋單時
佢話因為係佢約出嚟嘅關係所以佢請
咁今次我唔輕舉妄動喇我
我由佢埋單
個故事差不多完
忍多陣，有個好感動嘅結局的
我由佢埋單
然後到張單嚟時
佢講咗一句令我感動流涕嘅說話..
吖頂佢個街佢竟然話自己唔見咗銀包
係堅揪唔見咗銀包（應該係）
唔係玩9我（應該係）
我聽到之後
露出咗一個「嘩唔係呱咁嘅藉口都講得出？」嘅眼神
然後我話：「得啦我畀啦」（親切nice笑）
然後佢就標走咗去搵銀包了
世事嘅嘢..
人生嘅嘢..
共勉之
（雖然唔知勉啲乜）
（btw佢已經喺coffee shop搵返個銀包）
膠層 在 選修生物ch1 3 02植物的細胞壁、中膠層與原生質絲三廉 的八卦
選修生物ch1 3 02植物的細胞壁、中 膠層 與原生質絲三廉. Tsai, Jen-Pu (Captain). Tsai, Jen-Pu (Captain). 38.1K subscribers. Subscribe. ... <看更多>