能夠搵到一個對自己咁好嘅人仲想點的八卦，Yahoo名人娛樂都在討論

星期一返新工在即，四個月的悠長假期，轉下眼就過左。我有諗過呢種返八個月代產假合約，賺到的錢夠放自己四個月假的人生，要是能無限loop到退休，其實幾爽。不過，我份人就係衰在驕傲，很清楚知道自己受不了這種生活。還記得上一份工印卡片時，我用返在香港工作時的譯名，即係「主任」呢個職稱，菊花上司看到後，將主任改作「專員」(Specialist)。

沒有權力的我，連自己叫什麼都要仰人鼻息。我不爽，非常不爽，無以復加的不爽，那時候我廿九歲，我吞了這口氣。但要是我「無限loop」，到了四十歲都仲要好似隻寵物咁等俾人「賜名」？對不起，我接受不到。

無論在遊戲裡、在職場裡、在人生裡，我想當領袖的原因只有一個：我不想被人欺負，也不想去欺負人，更不想被強迫去欺負人。很多人自詡中立，也以為自己做到了中立，但是其實他們只是把「沒有資格表態」和中立混淆了而已。沒有力量支持的中立，是蒼白而可笑的。你看看所謂的中立國比利時，第一次世界大戰時被德國打得幾慘，你就明白拳頭唔硬，你連立都立唔到，都唔好話企唔企中間。

結果，就是因為這種蠢原因，我只好繼續往上爬，希望憑一點努力和運氣，終有一天找到在社會裡「中立」的位置。來到了30歲，我在某銀行當上了manager，我望望Director也是38歲而已，我比對方笨一點，應該40歲也能到達marketing的最高級別了吧？

題外話賣點廣告：早前BBC電話訪問我後，為我出了一篇文，記者和編輯很好人地將對話的部份內容剪了出來在網上播放。不過由於我受訪時沒有預期過這段將話會出街，所以把聲一來係完全未訓醒，二來亦都冇好刻意去咬好每一隻字，加上收音問題，所以聽起上來不是太好聽，請大家有心理準備哦！

傳送門：http://www.rthk.hk/radio/radio1/programme/bbcweekly
(我的環節在43:30開始)

#結婚結到上新聞都算係一個成就
#我一直都覺得同到我老公結婚係我一個大成就
#能夠搵到一個對自己咁好嘅人仲想點
#介紹返配圖係動漫魔法小神童加旋
#佢嘅志願係要成為一個仁慈的魔王
#係左膠
#搞咁多野去到尾只係為左唔想俾人搞
#其實做人真係好麻煩
#陰功仲要俾人蝦多十年
#上到Director還是會被班Ｃ咩Ｏ蝦
#但應該冇蝦得咁慘掛
#拿唔好踢爆我個幻想
#我只係想普普通通咁過朝九晚五年薪百萬可以包起Chris_Evans的簡樸生活之嘛
#有錯咩
#喂唔係BBC那個呀
#行開啲啦
#笑傲江湖談何容易

車輪滾滾，輾過鬧市霓紅燈照在地上的繁華，晃動的小型客貨車車身印着「文記醬料」的字號，抓着軚盤一雙粗糙及滿佈不少傷痕雙手，或新或舊或星點或刀划，訴說着他的滄桑及經歷，雙手主人將屆七十，半個花白頭髮已禿光的老者。

車上時間顯示已將近午夜十二時，他仍踏着油門，在港九新界來回穿梭，為店鋪送醬去，他是文記的老闆文健佳，人稱文叔。

這樣的日子他幾乎天天如是，從早上六時到廠切料、炒醬、入樽、包裝到送貨，忙上十五六個小時，對一個69歲的老人來說，這不單靠拚勁，還得有過人的意志力。他比任何人都要活得用勁、活得狠辣，如鋼鐵般的硬撐，因這條命經歷的苦辣太多，就像他手中的各種醬料，鹹酸苦辣，五味紛沓，全都封存在他這生命的載體裏──
萬死一生，他的命在槍口下得以倖存過來，把苦辣全都扛下。「我唔認輸呀﹗死人都要撐上去﹗」文叔兇巴巴的說。始後遭逢困境，每能排除萬難，扭轉危局，揮戈返日。以煙火炙燒，煮出一鍋屬於他的百料鍋，不知情者追隨其醬，被一襲濃重奇香所吸引，然而他的故事更曲折跌宕，蕩氣迴腸……


駑鈍之材 刻苦自勵
清晨六時，空氣中仍透着一絲清冷，在灰濛濛的工業區，上班的人潮未現，街道顯得岑寂。在某工業大廈的五樓內，一股濃烈攻鼻的香味正隨着抽風扇的翻動竄出，油煙氣充斥着整個空間，辛辣味道攻得人淚光盈盈。這裏是一家製醬工場，斑駁的牆壁都燻得黑黝黝，油膩污濁，長年累月炮製醬料，這些黑膩油迹，每一道都是歷史痕迹。

機器聲隆隆，來自場內的一兩部機器，五六個人分散於內，矮小微胖的文叔；旁邊是他的妻子文太；紮馬尾的女生是文叔女兒May，遠處還有一兩個男女員工。就只幾口子經營着這裏，分工合作，忙忙碌碌。

「做咩咁早開工？我冇料！惟有將勤補拙，唔怕辛苦，勤力啲當撐自己！」文叔自謙地說。來自廣東寶安的文叔，做的辣椒醬是他祖傳家用配方，煮醬必用好材料。「材料來價都比較貴，我用白色小蝦米，有顏色嗰啲蝦米顏色係後加上去，冇蝦味。我用老甘草、肥身芝麻、細粒皺皮嗰種花生，最重要用呢隻辣椒乾叫『四川辣王』，香濃辣味強，用佢先至夠勁道！」


赴湯蹈辣 爐火純青
大量的四川辣王，連皮帶籽，與蒜頭一同磨碎。他做醬與人不同之處，是部分材料如芝麻、花生、小蝦米先以烘爐烘乾，烘得噴香才磨，香味突出。

炒醬前他大啖喝了整整一支水，走到一個足有半個人高的大桶前，桶底有火爐燒着猛火，煮着內裏的油。「煮油，油溫好重要。保持大火炸，但火又唔能夠太大，辣椒燒燶咗，成鑊油都變苦。」他等油沸起就將辣椒、蒜茸嘩啦嘩啦的倒進去，油一爆，辣味像原子彈般爆出來，攻鼻又刺眼，旁邊人們都立即退避三舍。「唔係人人頂得順㗎！我都要灌水降溫先炒到。」哪怕是煮了半輩子辣醬的老江湖，遇上奪魄勾魂的濃烈辣勁，還是難以招架，被攻得鼻水眼淚全套出來，可見這辣醬是如何橫行霸道。

辣椒也不能一下子全倒進去，這樣很難令油沸起，他逐少倒，不停令油保持沸點，炸到辣椒和蒜茸的水分全部出來。椒香撲鼻而出時，就加入磨碎的芝麻、花生、蝦米、甘草、八角、桂皮等，再放些蝦醬，一炒就炒足三小時，滾油把香與辣通通燒煉出來。旁人光是聞着都陷入狂打噴嚏的尷尬局面。

遍體鱗傷 渾然忘我
文叔依然面不改容，揮動着大鑊鏟不停的攪呀攪！火熊熊猛燒，火舌兇猛地把一鍋烈油煮得滋滋作響，油在滾動，燙熱的辣油小泡如噴泉般彈出，彈至他的手和身，登時紅了一個小點，燙痛難受過後！匯集成他身上手上無數的星點小疤痕──今天好了，明天又添新傷，這點小傷對他來說，已是家常便飯。

他把一門心思只放在煮辣油的節奏上，渾然忘我，直勾勾地盯着鍋裏辣醬的變化。「一定要慢慢嚟，用大火慢慢炒，一路炒要一路攪，等佢唔好黐底，又要留意顏色同氣味變化，見啲辣椒開始由紅變啡就叫得。」

這一下一下的攪動，對這副老骨頭是項考驗，心不老，可畢竟已屆古稀，他漸漸吃力，不得以交付夥計來攪，夥計倦了又換給他接力，如是者換來換去，兩人均汗流浹背。

一爐熊火，燒煉出這個性突出的辣椒醬。不加色素、不下防腐劑，一嗅，香辣味撲面而來。只舀小撮，舌尖傳來驚心動魄的辣，如果能忍受痛苦，後面便是美味了，蒜頭噴香，與芝麻、花生、蝦米、蝦醬等複雜的香味，直如一把無形的鈎，勾住了味蕾，讓人停不下來的上癮。

「我炒呢個醬四十幾年喇！起家都係靠佢架！」文叔感喟。這個醬，承載他窮與富，高山與低谷，與他糾纏半生。往事像空氣中的香辣味，在抽風扇的翻動中，一幕幕閃過……

死裏逃生 拚命地活
50年代，他在寶安出生於地主家庭，從小被定性為走資派、反革命分子等，背景成分不好，被冠上「地主仔」的惡名，他感到無比冤屈，「因父之名」成了被歧視欺侮的對象。

「我細個曾經俾人剝光豬，俾人吊住打。綁喺棵木瓜樹度示眾，人人經過見到，我覺得好醜怪。最慘係打完身上有傷口，就特登用木籤去拮，專揀我傷口痛處去拮，痛到……而家周時發夢都夢見番嗰種痛，痛到扎醒！」文叔猶有餘悸。

他17歲時，更因此被拉去勞改坐牢，判了十年徒刑，牢中遭受囚犯和獄吏的欺壓。他被困在這樣的環境裏，活得很絕望，只要一天在大陸，就看不見未來。「嗰陣身邊好多人同我講，喺鄉下死路一條，出香港仲會有條生路行。」

他不想坐這冤牢，就越獄逃了出來，打算偷渡來港。不料在邊境時被解放軍發現，飆疾追捕，十數隻狼狗被鬆綁亂跑而出，一下追人嗅、嗅草叢，甚至追車，偶而一犬吠影，百犬吠聲，聞者提心吊膽。解放軍聽見犬吠循他的方向去，拉了槍膛。「留喺度一定死！我走俾槍射又係死！但都有機會你射唔中，我仲有生天。」

他把心一橫，就在準備奔竄之際，解放軍已亂槍掃射，子彈嘭嘭嘭亂響，他以為難逃一死。突然有個女子在另一邊叫救命，分散了解放軍的注意力，他得以脫身。只向着看見的一點兒光，拚命地不顧一切逃到香港。「我條命本來係咁多！因為我有一個念頭──要生存落去，個天先加長我條命，到今時今日。」

他常告訴自己，這條命好不容易撿回來，只要有明天，他就拼盡全力活。

頑抗愛拼 遇強愈強
來到香港，他投靠在觀塘做街邊賣魚蛋小販的哥哥，炒這家傳辣醬，用來煮魚蛋。他跟哥哥看檔，有黑社會常在收「陀地」，他眼睜睜看着哥哥和自己捱更抵夜，又走鬼避警察才掙來點錢，黑社會天天搶去生計。終於，黑社會又來要錢，他忍無可忍，拿起牛雜鉸剪衝上前說：「一係你打死我，你打我唔死，一定係你死﹗」他發狠要插死那個黑社會，那人被他一兇腳軟，知道他強蠻如牛，惹不過，從此不敢再來取保護費。

其後他自立門戶，自己推木頭車在街邊賣魚蛋、豬皮，並改良辣醬，將芝麻、花生和小蝦米烘香，才磨碎與辣椒等炒，香味豐盈，自成一家。辣醬香味令他迅速火紅起來，未開檔已有大班客等候，開了檔就不停圍滿了客，魚蛋好賣得天天比人早賣清。

別檔眼紅他，就暗中報警。那年代，警察收黑錢是常事，有個警察特別針對他，一天拉了他四次。「嗰個差佬仲同我講，見我一次拉一次，如果再見到我喺觀塘開檔，就打斷我腳骨。」他怒不可遏，抓起那警察就打，他被告毆打軍裝警員，判了守行為。「嗰次我係留案底，但我都係嬴！至少班差佬以後見到我都唔敢再拉我！」文叔自傲地說。

廉政公署成立後，換了市政人員來拉他，他眼看經常走鬼不是辦法，剛好他存到錢，就立意上鋪。

飛黃騰達 傲睨一切
他開鋪賣老本行魚蛋，連帶他的辣椒醬，惹味誘人，人流如鯽，生意非常好，一個月賺二十萬。因此他陸陸續續開了九間店，這是他的黃金期，間間店都賺大錢，這時他身家暴漲至兩億，買下六七層樓。其中兩層，他用來接濟同鄉。

「我偷渡先可以生存到落嚟。而家到班鄉里偷渡嚟香港，我一定幫。冇地方住我免費畀層樓佢哋住，冇工返就喺我鋪頭做！」

他是過來人，有一顆赤子之心，其中一個同鄉免費一住就八年長，還有他見一些貧苦三餐不繼的，或乞兒等，都叫他們來鋪任吃而不收分文。

生意好，錢賺得容易，「我唔覺得搵錢有咩難度！」他漸漸對事物表現出鄙夷。曾經有個李錦記的夥計，到過他店吃東西，被其辣醬吸引，建議他不如開醬廠賺錢。「我睇唔起做醬，都搵唔到大錢。我同佢講送畀我都唔做！」

他有錢沒地方花，沒地方玩樂，心靈漸空虛，看見行家賭錢很得意，他亦陪着賭，賭股票、買黃金、鋤大d、賭十三張，從玩樂心態，到一步一步沉迷，終於陷了進去。「嗰時就算賭輸咗，啲錢聽日又再搵到番嚟，怕咩？」

97年前他去澳門，一晚輸過一千二百萬，回香港賣了五層樓填債。雖然爛船有三分釘，但他僅餘的資產，到金融風暴、沙士來時，鋪的生意一落千丈，九間店惟有相繼結業，差點連夥計的薪金也沒付清。他一下子跌入谷底，沒錢用，沒工作，連生計都成問題，他成了落難人，幾億身家一下子全被他敗光……

墮甑不顧 向前邁步
「冇晒錢，唔係死。如果係死，就真係乜都冇！我喺鬼門關走出嚟都試過，死唔去，我仲可以全力再做，由頭嚟過！」那時他50來歲，並沒因此而頹廢不振。

有個跟他相識的裝修公司老闆，明知他以前是億萬巨賈，在觀塘赫赫有名，特意請他做擔泥頭，然後到處跟人說文叔落難投靠，有意誇耀。「佢唔係睇低我，係睇得起我，我要多謝佢呀﹗嗰陣好多老細知我背景，冇人請我㗎！我多謝佢肯請我，畀機會我，我先可以翻身！」

他肩膀擔着扁擔，挑起兩筐黃泥，爬上八樓，來來回回，汗涔涔而奔跑。文太見況，忍不住兩淚滂沱。文叔安慰文太道︰「搞成咁係我爛賭，自己攞嚟嘅！大丈夫能屈能伸，冇所謂嘅！只要養到自己同頭家，咩工、咩苦都唔怕捱！」

他不計較別人的眼光，肯捱肯做，那老闆被感動，反而因此看得起他，願意借錢給他去做生意。

他懊悔當年太桀驁不恭，想起李錦記夥計提議他開廠做醬的事，他就拿着這點小本錢，開了醬廠。自己手做辣椒醬、魷魚醬、麵豉醬、xo醬、酸梅醬，共十種。

他認真做醬，腳踏實地，事事親力親為。親自到店鋪及食肆兜售，送醬給人試吃，又在各區開分銷攤位親自坐鎮推銷。逐步去建立，慢慢有了生意，客人又被他的辣椒醬味道吸引住了。如今他不敢怠慢，收到客戶來訂貨，都親自去送貨。他批發給許多雜貨鋪、小超市、分銷檔、酒樓食肆等，像食神韜哥的大榮華酒樓都來幫襯他，更有不少客直接上廠買醬，生意滔滔。

他靠醬由街邊起家，上鋪，結業、到開廠再做醬，起起落落，從谷底再爬起來，又屹立不倒。「起又好，跌又好，做人最緊要有一個念頭、一種態度──我唔會死嘅！」

這是他的人生感悟，心存信念，就可活出生命，是死？也生。

撰文：孟惠良
攝影：陳秉謙

文記醬料
廠地址：新蒲崗大有街2-4號旺景工業大厦5字樓H座
電話：2342 0343
營業時間：星期一至五9am-6pm
銷售點︰文記醬料設流動直銷攤位，詳情請留意香港文記醬料Facebook專頁（ http://bit.ly/2K691bc ）。

想和我一樣30天升10000訂閱：http://goo.gl/zNT6Ck
奇異博士: 5個必須知道的彩蛋解析 拒醫軍人彩蛋求證

彩蛋解析1. 異次元空間
覺唔覺得 奇異博士 Dr. Strange 中出現嘅異次元空間好熟口面呢？係蟻人電影最後Ant-man縮到去亞原子咁細而去咗量子領域，都係一個正常人去唔到嘅空間，第一代蟻人Hank Pym嘅老婆就係被困喺果個空間，有無機會係 奇異博士 Dr. Strange 之後會幫佢手去返果個空間救佢出嚟呢？

彩蛋解析2. 時間寶石的出現
Marvel Cinematic Universe MCU 有六粒無限寶石，喺我嘅無限寶石去向分析片有解析過其中4粒第一次同最後出現喺邊，當時預測嘅時間寶石真係出現咗喺 奇異博士 Dr. Strange 入面，大家可以去睇下。

彩蛋解析3. 雷神3的故事
喺完場時出現嘅第一個 彩蛋 我地見到 奇異博士 Dr. Strange 同 雷神 傾計，之前 雷神3 流出一張相見到雷神揸住一張紙上面寫住 奇異博士 Dr. Strange 喺紐約嘅至聖所據點，預告 雷神 會揾Doctor Strange。講返彩蛋片段，Doctor Strange 話佢 洛基 個名喺佢嘅魔界威脅清單上面，問雷神做咩同佢洛基喺紐約，雷神當時就話佢同洛基搵緊佢地老豆奧丁想Doctor Strange幫手，Strange就話幫完佢之後佢同佢細佬洛基都唔好再踏足地球，雷神應承咗之後佢地就出發。呢段彩蛋透露下年11月上映嘅雷神3劇情同埋預告Doctor Strange會再度出現。

彩蛋解析4. 預告奇異博士2
如果大家睇開 Marvel電影 就知一定要喺戲院留到最後睇最後一個片尾彩蛋，呢段見到Mordo承接住Doctor Strange嘅劇情唔再信Ancient One個套，佢去咗搵個位借用魔法力量令自己全身郁得返嘅人，將佢維持自己能夠走動嘅魔法力量吸走之後就話呢個世界魔法師太多。預告Doctor Strange2嘅敵人大概就係黑化咗嘅Mordo，喺漫畫中Mordo係一個背叛Ancient One嘅徒弟，都係Doctor Strange嘅敵人。

彩蛋解析5.
呢個彩蛋點解要講呢，因爲有啲文章搞錯咗所以想喺求證之後再將我嘅觀點話比大家知。喺戲中Doctor Strange開車揀緊接邊單手術個陣，佢拒絕咗一個因爲進行軍事機械實驗而斷咗下半身脊椎嘅35歲軍人，本身有唔少人話呢個被拒嘅人就係Civil War中受重傷嘅War Machine，我第一時間就諗電影當時嘅時間應該未有咁快去到內戰之後。第一，大家睇下呢個畫面，呢個係Avengers第一個基地，而喺Avengers2之後佢地搬咗新基地，即係呢場打鬥嘅時間應該係發生喺Avengers1之後，Avengers2之前。我當搬基地之後第一個基地無拆，仲有第二點證明。Doctor Strange拒醫嘅軍人係35歲，內戰時War machine喺Marvel電影宇宙嘅年齡喺起碼超過40歲，根本唔吻合。第三就係喺美孩2入面九頭蛇組織當時已經有關注Stephen Strange，以邏輯推論即係個陣佢已經修法成功，而當時嘅時間仲未發生內戰。好啦咁Ernest你講咁多嘢，佢係邊個先？喺Doctor Strange仲係醫生嘅時候大概發生喺IRON MAN2個陣，IRON MAN2有一段係Tony Stark喺法院hack咗去一啲軍事實驗畫面，當中有一幕係有條友試甲個陣比副甲扭斷咗條脊椎，有機會係講緊佢。

奇異博士 Dr. Strange 小彩蛋解析
1.Ancient One樣
Ancient One 喺漫畫係一位東方男人，Strange一開始誤以為果個Ancient One相信係影射返漫畫原本嘅造型。
2.多瑪瑙配音
最後嘅反派Dormammu其實都係由Benedict Cumberbatch配音同扮演面部表情㗎

如果你發現 奇異博士 Dr. Strange 中其他彩蛋可以一齊留言討論，鐘意呢條片嘅大家可以支持下比個like我，對我嘅影片製作同預告有興趣嘅記得follow埋我Fb同Ig喇，多謝大家支持，我地下次見！
想留意更多我的動態，記得緊貼Ernest DoCRAZY
Ernest DoCRAZY社交平台：

《奇異博士》| 影評+彩蛋解析
https://youtu.be/T3fAENlT9mU
奇異博士預告彩蛋: 與復仇者聯盟:無限之戰的關係
https://youtu.be/kZ6yL3uA1Xo
【彩蛋解析】奇異博士(有雷慎入)|影評|點評|彩蛋|彩蛋解說|
https://youtu.be/FDAxfPn2LcM

Ernest DoCRAZY channel:
https://www.youtube.com/c/ErnestDoCRAZYTV
Ernest DoCRAZY facebook:
https://www.facebook.com/ErnestDoCRAZY/
Ernest DoCRAZY instagram:
https://www.instagram.com/ernest_pch/

這是一個步向死亡，但卻充滿希望的故事。

故事女主角是譚彩鳳，今年56歲，患上末期乳癌。如果說人生是一場戲，她所主演的一定是場悲劇。

重度抑鬱症的二十年

36歲那年的彩鳳，突然遭受了三重打撃：媽媽被確診為末期肺癌，不夠一個月就離世；之後又發現爸爸同樣患上末期肺癌，幾個月後也離世了；同一時間，知道了結婚十多年的丈夫出軌：「我相信如果丈夫出軌，對女人嚟講，一生嘅烙印係唔會忘記。」

短時間內人生完全垮掉，彩鳳曾企圖衝出馬路自殺，幸好被妹妹阻止。精神科醫生確診她患上嚴重的抑鬱症，令本身是社工的彩鳳很難接受，「能醫不自醫」的痛苦令她過了一段時間便私下停藥。


童年曾被性侵

雖然從自殺邊緣被拉回來，但命運似乎並沒有放過彩鳳，離婚後和前夫購置的物業變成負資產，最後她被迫破產，換來的是抑鬱症發作，醫生更發現她患上「驚恐症」。

「去到地鐵站，嗰種好多人嘅感覺，令我好窒息，我呼吸唔到，覺得好辛苦，好想快啲逃離現場。」彩鳳憶述時仍略帶激動。在治療過程中，彩鳳發現自己驚恐的源頭，是年約三歲時被親友性侵的經歷，「咁細你唔會識去表達，但係嗰種驚恐就潛伏喺我心裏面，原來係一世咁不斷影響我。」

而作為家中大姐姐的她，因為父母是聾啞人士，她從小便要當起「代言人」角色，要與陌生人及成年人打交道，就算內心很害怕亦要去做，更漸漸變成了習慣：「變成如果老闆叫我做嘢，我唔識拒絕，我永遠係接、接、接，可能已經係超負荷自己都唔知。」

患上末期乳癌

長時間的超負荷，加上三次的抑鬱症發作，當心靈最需要扶持的時候，癌魔卻找上門來，彩鳳發現自己患上末期乳癌，現時癌細胞已經入骨：「一開始嘅時候，一樣都係會驚、會好唔開心，但係回過神來、鎮定之後，我就覺得應該要好好咁去打呢場硬仗！」

或許，當人生去到每日都在倒數的時候，心境會變得不一樣：「好神奇嘅係，當癌病出嚟嘅時候，反而好短時間，就將我嘅抑鬱情緒病覆蓋咗。」

生日會暨「纓紅宴」

這兩年來的抗癌路，每月兩萬元的醫藥費，彩鳳已負擔不起租樓，而兩個妹妹已各有家庭，幸好身邊仍有很多好友，願意為她提供容身之所：「我2011年就申請單人公屋，依家仲輪候中，我可能死咗都未輪到我上樓。」

彩鳳很明白，愛要及時，相見亦要及時。她相信能趕及離世前再見至愛已算無憾，所以趁自己還有精神，打扮得漂漂亮亮和家人影「全家福」。又在9月生日時，將生日會當成「纓紅宴」：「我自己知道生命嘅狀態，所以我珍惜每一次可以相聚同見面嘅時間。我覺得我在生時你願意嚟見我，比我離世之後，你嚟參加我嘅喪禮，對我嚟講係更加富有意義。」

音樂會般的喪禮

她更已經為自己的喪禮作好準備：「我瞓喺棺材嘅時候，都要做一個靚靚公主，好靚嘅，唔需要愁容滿面，我要搵一個最好嘅化妝師，幫我化一個最靚嘅妝！」能夠豁達笑對死亡，一切都是來自愛：「我要為自己安排身後事，我覺得係對自己一個好負責任嘅態度，亦都係對我屋企人一個愛嘅表現。」

彩鳳很喜歡音樂，所以選定《星球大戰》作為瞻仰遺容時播放的歌曲，「幾有氣勢呀...音樂係我鍾意嘅嘢，當我喺另一個國度，你哋就喺地上一齊參加一場音樂會，我覺得會係我人生裏面，一個最佳、完美嘅句號。」

出書圓夢　延續義工夢

彩鳳說，原本一年前就應該已經離開，但由於她參與了醫院的「白老鼠」計劃，正在試一些治療乳癌的新藥，能活到今天，她說每一天都是「賺緊」的。她深深明白到生命有限，唯書本不朽，出版自傳成為她其中一個「遺願」。「我想寫出自己五十六年人生嘅高與低、苦與樂，點樣去克服種種困難，希望帶畀社會一啲正能量，亦畀屋企人、朋友留作紀念。」

在各方好友協助下，1500本彩鳳自資出版的自傳，在今年書展面世，因為彩鳳一直以來都有到世界各地做義工，現在未能再身體力行去幫助有需要的人，亦希望透過捐出全部版稅予「聯合國難民處」，盡綿力幫助苦難中的兒童和婦女。

這本自傳的書名簡單直接，叫《活得精彩》，封面的語錄是：「欣賞不完美當中的完美，放過自己、善待自己，活在當下，珍惜一切，凡事感恩。」彩鳳形容：「能完成呢本書，我覺得我嘅人生已經超額完成，死而無憾啦。」

「死而無憾」四個字，解釋容易，領會困難。今集《港。故》用9分鐘，記錄了彩鳳樂觀面對人生最後一里路的故事。

-------------
《港。故》：東網每周專題習作，講故事、講香港人的故事，請關注《港。故》FB：http://bit.ly/oncckonggu_FB

Follow埋《港。故》IG，睇更多精彩靚相：http://bit.ly/oncckonggu_IG